Njelo 10

Njelo za Sulemani

1Zino ni njelo za Sulemani,

Mwana mta ubala amtenda tati yakwe elelwe,

mwana mhezi amtenda nine engile chinyulu.

2Ugoli upatigwe kwa sila ihiye suwo wedi,

mna uchumi wamkombola mntu mwe file.

3Zumbe Chohile hakumleka mntu ywakwe achumile agwelwe ni gumbo,

mna azihiga tama za mntu mwihi.

4Ubwa wamtenda mntu atende mchiwa,

mna udamanya ndima wakutenda utende mgoli.

5Mntu mmanyi achisanya chipindi cho ulozo,

mna akugona chipindi cho uvuni engilwa ni soni.

6Mntu mkanuni nahokele ujimbiko,

mna milosi ya mntu mwavu ifisa unyakwili.

7Wantu wachumile wakumbukwa kwa kujimbikwa,

mna wantu wavu wasunguza kujalwa.

8Akzumila ulangilizi mo umoyo atimila malagizo,

mna mntu akuhonjomoka uhezi nabanikilwe.

9Mntu akwikala kwa uchumi nekale mpeho,

mna mntu akujenda mwe sila zihiye nabunkulwe.

10Akukonyeza kwa niya ihiye ahosa nkumbizi,

mna mhezi akuhonjomoka abanikilwa.

11Mlomo wa mntu achumile ni sokwe ya ujima,

mna milosi ya mntu mwavu ufisa wavu.

12Kwihiwa kwegala nkumbizi,

mna ungi wagubika yehiye yoseni.

13Mntu mta umanyi ana ubala,

mna hewene akili nawakantilwe.

14Wabala wekala na umanyi,

mna wahezi wakalonga wahosa file.

15Ugoli ni nchinga ya mgoli,

uchiwa wamkoma mchiwa.

16Jeleko dya kudamanya yedi ni ujima,

mna masa yegala kwe masa yatendese.

17Wantu wakwiva hadya wakulangilizwa nawekale,

mna wadya wakulemela kulangilizwa wabanikilwa.

18Akumwihiwa mnyawe chinyele ni msongaganyi.

Akuzigiliza mntu ni mhezi.

19Milosi ilozize yahosa masa.

Mna akwenyamaila ana umanyi.

20Milosi ya mntu achumile ni saviya mayuwe ya chumbu chedi,

mna fanayi ya mntu mwavu haina loso.

21Milosi ya mntu achumile yawagila wantu walozize,

mna wahezi wabanika kwa kuswesa umanyi.

22Ujimbiko wa Zumbe Chohile nuwo ukwinkiza ugoli.

Naho aikhangana na chinyulu.

23Mhezi elelwa mbli zihiye,

mna mntu mmanyi elelwa ubala.

24Wahezi wenkigwa chiya wakogohesa,

mna wachumile wenkigwa chiya wakunga, 25luzimu lukajinka, yawegala hale wahezi,

mna wantu wachumile watogezwa mazuwa yose.

26Saviya mbilimbi ikujela wizila mwa ameno na mosi ukuwawa mwa ameso,

nivyo eli mntu mbwa kwa yudya amtumile,

natende saviya siki mwa ameno yako hegu mosi mwa ameso yako.

27Kumvikila Zumbe Chohile kongezeza ujima,

mna watu wavu wekala mihilimo mijeche.

28Msuhi wa mntu achumile ni mbwedo,

mna msuhi wa mntu mwavu wahela he bule.

29Zumbe Chohile awadima wantu wachumile,

mna akoma wadya wakudamanya yehiye.

30Wachumile hawauswe mwe isi mpwii,

mna wavu hahana nasigale mwe isanga.

31Wantu wachumile walonga ubala, mna lulimi lwa mntu mwavu nalukantwe.

32Wantu wachumile wamanya yadya yakuzumilika,

mna milomo ya wantu wavu yalonga mbuli zikwihiza.