1 Camuel

Buk mukwongo pa

CAMUEL

Lanyut wilok madito ma i buk man

Buk mukwongo pa Camuel nyutu kamaleng kit ma jo Icrael gua kwede ki i loc pa lungolkop nio kwede wa i loc pa luker. Alokaloka man otime ikare me kwo pa dano adek. Gin aye Camuel ma obedo langolkop madit ma ogiko, Caulo ma obedo rwot ma okwongo ki dong Daudi ma kwone obedo kawire ikin Camuel ki Caulo, ma peya en odoko rwot.

Wi lok madit ma i buk man rom aroma ki matye i buk mukene matye i buk me Cik Macon. En aye ni bedo lagen bot Lubanga kelo gum madit ento kwero winyo lok pa Lubanga kelo can keken. Man okati kamaleng ki i dog Lubanga ma oloko bot Eli ni, “Pien jo ma giketo deyo ikoma an bene abiketo deyo ikomgi, ento jo ma gin caya pe abiketo cwinya ikomgi” (1 Cam 2:30).

Buk man okati ki tam ma pat ma jo Icrael gumito pi bedo ki rwot ma dano maka Rwot Lubanga. Lubanga kono kikome aye onongo kare ducu obedo Rwot pa jo Icrael, ento pi miti pa jo Icrael, Lubanga omiyo botgi rwot.

Lok ma pire dit adada en aye ni rwot ki jo Icrael ducu gitye ite twero pa Lubanga (1 Cam 2:7-10). Ite Cik pa Lubanga twero pa dano ducu myero kiwor kadi bed dano meno obed lalonyo onyo lacan myero kigwok maber.

Lacim wilok madito ma i buk man

Camuel macalo langolkop pa jo Icrael

Caulo odoko rwot mukwongo

Acaki loc pa Caulo

Daudi ki Caulo

To pa Caulo ki awobene