ዬ ማጻፋ

ማዛሙሬ ማጻፋ

ጊዶ ቆፋ

ማዛሙሬ ማጻፋይ ጌሻ ማጻፋ ጊዶን ዬኔ ዎሳ ማጻፋ ጊዲዲ ኤሬቴስ። ሃ ማጻፋ ጊግሲዳይቲ ኣዱሳ ዎዴታ ጊዶን ቤቲዳ ዱማ ዱማ ኣሳታ። ኢሲ ኢሲ ዬታ ካዎ ዳዊቲ ጻፊዴስ፤ ሃ ዬታኔ ሃ ዎሳታ ሺሺዲ ባ ጎይኒዛ ዎዴን ጎኤቲሼ ጋምኢዳይቲ ኢስራኤሌ ኣሳታ። ጉ ዎዴፔ ጉዬ ባንታ ጌሻ ማጻፋታ ጊዶን ጌልዳ።

ሃይታንቲ ኣያናፔ ጻፌቲዳ ጊንጾታ ቆሞይ ጮራ፤ ኢስቲካ ጋላታ ጋላቲዛ ጊንጾኔ ጾሳ ጎይናና ጎኢዛ ጊንጾታ፤ ጾሲ ማዳና ማላ፥ ናጋና ማላኔ ሳሮን ዎና ማላ ዎሲዛ ዎሳታ ጊንጾ፤ ናጋራፔ ማሬታናስ ሺሺዛ ዎሳ ጊንጾታ፤ ጾሳ ኣንጆ ጊሻስ ዮቲዛ ጋላታ ሳባታኔ ሞርኬታ ቃጻያና ማላ ጾሳስ ዮቲዛ ማጋና ጊንጾታ። ሃ ዎሳቲ ኢሲ ኣሲ ባርካ ዎሲዳ ዎሳታኔ ጮራ ኣሳይ ኢሲፌ ዎሲዳ ዎሳታ። ኢስታፌ ኢሶቲ ኢሶቲ ኢሲ ኢሲ ኣሳ ዎዚናን ሲዬቲዳ ሚሾታ ቆንጪሲዛይታ። ሃራቲ ቃሴ ጾሳ ኣሳይ ኡባይ ኮይዛይሳኔ ኣስ ኡባስ ሲዬቲዛ ሃኖቴ ቤሲዛይታ።

ዬሱሲ ታማርሲሼ ዬ ማጻፋፔ ቦቺ ቦቺ ኤኪዲ ታማርሲዴስ። ኦራ ጫቆ ማጻፋታ ጻፊዳይቲካ ኢዛን ጻፌቲዳይሳፌ ባ ጻፊዛ ማጻፋ ጊዶ ጌልዳ። ዎሳ ኬያ ኤቆሶፌ ዶማዳ ዬ ማጻፋ ጾሳስ ጎይኒዛ ዎዴ ጎኤቲዛ ጊታ ሚንጃ ሚሻ ማላ ኦይካዱስ።

ሃ ማጻፋይ ኦይኪዳ ኩሜ ቆፋ

ማዛሙሬ ማጻፋይ ኢቻሽ ኪፊሌታን ሻኬቴስ፤ ዳሪዛ ባጋታ ኮይሮ ኪፊሌታኔ ናምኣን ኪፊሌታ ጻፊዳይ ካዎ ዳዊቴ። ሄን ኪፊሌዛ ጻፊዳይ ኣሳፌ ዎይኮ ቆሬ ናይታ።

ማዛሙሬ 120-134 ጋካናስ ዲዛ ዬቲ ባኣሌ ቦንቾስ ዬጼቲዛ ዬታ፤ ሃይሳፌ ካሊዲ ማጻፋዚ ኢቻሽ ኪፊሌታን ሻኬቲዳይሲ ቆንጪዴስ።

ማዛሙሬ

ማዛሙሬ

ማዛሙሬ

ማዛሙሬ

ማዛሙሬ