Skip to content
BibleKenya

व्यवस्था

Deuteronomy

Introduction from this edition

व्यवस्थाविवरण मुसा ने लिखी हुई किताब

व्यवस्थाविवरण मुसो लिखेल पुस्तेक

ओलखात

व्यवस्थाविवरण ने पुस्तेक पंचग्रंथ जुनाला नियमान पेल्ला पाच पुस्तेका माय आपेल नेम ने पोशो कियेल हे। हिब्रु माय पुस्तेक ने मतलब हे, “वचन” पुण ज्य मानाय जाथे काय मुसा व्यवस्थाविवरण ने पुस्तेक लिखेल इतो, ज्या पुस्तेक ने आखरी ईसा माय मुसान मोतीन बाराम कियेल हे। पुस्तेक इह केन सुरू इथे, “ज्या ता वचन हेते जा मुसो आखा इस्राएलाह कियेल इतो।” ज्य विचार हे काय मुसो व्यवस्थाविवरण ने पुस्तेक लिखेल हे, नोवाला नियम माय बी जुलूम वार ज्यान बाराम कियेल हे, उदारेण

व्यवस्थाविवरणाह एक राजा एने तान आदिकार माय दिहरा राज्यान विची माय एक सोमजोतान गेत लेखाय जायेल एतो, जिहकेरीन काय जुनाला जोमाना माय एतालो। ज्य बोगवान एने इस्राएल ने माणहान विची माय वाचा हे। बोगवान माणहाह बोरकेत आपणेन केरता कियेल, केदी ता तान उकुमान पालेन केरती। केदी इस्राएल ने माणहे बोगवानान उकुमान पालेन नाय केरती, ताहार ताह सेजा जुड़ी। ज्यी पुरी पुस्तेक माय एक विषय हे, पुण अध्याय 27 एने 28 माय खास केरीन जोर दियेल हे, जा माय इस्राएल ने माणहान वात मान्ने से जुड़ने वालो बोरकेत एने हाराप ने लिस्ट आपेल हे। इस्राएल ने आलेग आलेग गेराणा दुय आलेग आलेग बोयड़ा पोर उब रियेल एता, पुण ता ज्यी वातीह पाकी केरनेन केरता एका दिहराह जोरेस आवाज माय ज्या बोरकेत एने हाराप आपणे बाजरियेल एता।

रूपरेखा

1. जेंगला माय इस्राएली माणहान यात्रा माय इयेल गेटनान वर्णन।

2. बोगवान एने तान माणहान विची माय वाचान गिरेज।

3. इस्राएली जोरेस आवाज माय बोरकेत एने हाराप आपतेह, ज्य देखाड़नेन केरता काय पाको इयेल हे।

4. मुसो तान मोतीन पेल यहोशु एने इस्राएल ने आखा गेराणाह थोड़ीक आखरी वातु किथे।

Nahali Bible. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.

Full source notice & licence · CC BY-SA 4.0 · SourceEdition imported 2026-11-09.

BibleKenya

Reader settings

Theme
Font
Alignment
Reading width

Saved in this browser and used offline too. Press ? for keyboard shortcuts.