व्यवस्था 2

इस्राएली माणहान जेंगला माय बोटेकणो

11

तेवी ती उकुम ने गेत, जो यहोवा माहु आपेल इतो, आपु फिरीन आवा, एने रातला देरीयान वाटे जेंगला उगे गीया; एने जुलूम दिह वोर सेईर बोयड़ान कावदेन चालती रेना।

2तेवी यहोवा माहु केयो, 3“तुमूह ज्या बोयड़ान कावदेन फिरताला जुलूम दिह एय गीया, एवी फिरीन उत्तर उगे जावो। 42 एने तु माणहाह मारो ज्यो उकुम होमलाड़, ‘तुमू सेईर माय रेणार तुमरो बाहख एसाव वोसीन हिलीन आहने लागता जाण्या हेते; एने ता तुमूह देखीन बिय जाती। केरीन तुमू जुलूम चेकचेल्या रिज्यो; 5ता हेऱ्या लेड़ाय मा किरहो; काहाकाय तान देसाम मी तुमूह पाय मेलनेन जागो वोर नाय आपु, केरीन काय मी सेईर बुयड़ो एसाव वोसीन होक माय केर दियेल हे। 6तुमू ता फाय रेन खाणो पोयशा आपीन वेचातो लेन खाय सिकहो, एने पोयशा आपीन कुवा माय रेन पाणी बोरीन पिय सिकहो।’”

7काहाकाय तुमरो बोगवान यहोवा तुमरा आथान सोब कामान बाराम तुमूह बोरकेत आपती आयेल हे; ज्या मोटला जेंगला माय तुमरो चालनो फिरनो तो जाणेह; ज्या चालीह वोरह्या माय तुमरो बोगवान यहोवा तुमरी आरही आरही रियेल हे; एने तुमूह काय गेटी नाह पोड़नी।

8केरीन आपु सेईर माय रेणारे आपणा बाहख एसाव वोसीन आहने लागता, अराबान वाटे एने एलत एने एस्योनगेबेराह पासाण सोड़ीन गीया। ओवता पोशा आपु फिरीन मोआब ने सुनसान जेंगलान वाटे लागता चालना। 93 तेवी यहोवा माहु केयो, “मोआबी माणहाह मा सेतावहो, एने लेड़ाय मा किरहो। काहाकाय मी तान देसाम रेन बुयीन एक टुकड़ो बी तारा होक माय नाय केर देव, काहाकाय मी आर गावाह लुतान वोसीन होक माय किरेल हे।” 10जुनाला कालाम ता एमी माणहे वोह रियेल एता, जा अनाकियोन गेत तेगड़ा एने उच उचा एने गेणती माय जुलूम एता। 11एने अनाकियोन गेत ता बी रपाई माणहा माय जाणाय जाताला, पुण मोआबी ताह एमी केतेह। 12एने जुनाला काला माय सेईर माय होरी माणहे वोह रियेल एता, पुण एसाव वोसीन माणहे ताह ता देसाम रेन काढ़ देना, एने तान सोमोर रेन ताह खेतेम केरीन तान जागे बोह गीया; जिह केरीन इस्राएली माणहे यहोवा बोगवानान आपेल तान होक ने देसाम केऱ्या।

13तेवी बोगवान केयो, “एवी तुमू उठीन जेरेद नेदीन पार जावो।” तेवी आपु जेरेद नेदीन पार आवा। 14एने आपणो कादेशबर्नेह सोड़ने से जेरेद नेदी पार एता वोर आड़वतीस वोरह्या वित गीया, तान विचीम यहोवा बोगवान सुगोणान गेत ती पिढ़ीन आखा बाहदुर पाड़ावा पोरूच रेन खेतेम एय गीया। 15जाह वोर ता खेतेम नाह एना ताहुक वोर यहोवान आथ ताह पाड़ावा माय रेन खेतेम केरनेन केरता तान विरूद ओंगाण वोदती रिनो।

16जेवी आखा बाहदुर माणहान विची माय रेन मोर गीया, 17तेवी यहोवा माहु केयो, 18“एवी मोआब ने हिल, मतलब आर गावाह पार किरज्ये; 19एने जेवी तु अम्मोनियोन सोमोर जायीन तान आहने पुचहे, तेवी ताह मा सेतावहे, एने लेड़ाय मा किरहे, काहाकाय मी अम्मोनियोन देसाम रेन काय बी तारा आदिकार माय नाय केरू, काहाकाय मी ताह लुत ने वोसीन होक माय केर दियेल हे। 20तो देस बी रपाई माणहान जाणाय जातालो, काहाकाय जुनाला कालाम रपाई, जाह अम्मोनी वोस ने माणहे जमजुम्मी केताला, ता ता रेताला; 21ता अनाकियोन गेत तेगड़ा, उचा एने गेणती माय जुलूम एता; पुण यहोवा ताह अम्मोनी माणहान सोमोर खेतेम केर दिनो, एने ता ताह ता देसाम रेन काढ़ देना, एने तान जागा पोर रेणे बाज गीया; 22जिह केरीन तो सेईर माय रेणारे एसाव वोसीन सोमोर रेन होरी माणहाह खेतेम केऱ्या एने ता ताह ता देसाम रेन काढ़ देना, एने आज वोर ता तान जागा पोर रेतेह। 23तिहेच केरीन अव्वी माणहाह जा गाजा हेयराम वोर वोह रियेल एता, ताह कप्तरियो जो कप्तोर माय रेन निकलेल एता, ता खेतेम केराय गीया, एने तान जागा पोर ता सोता रेणे बाज गीया।”

24एवी तुमू उठीन अर्नोन खोदरान पार चालो। हुमेल, मी हेशबोनान राजा एमोरी सीहोनाह तान देसा हिऱ्योच तारा आथाम केर देथु; केरीन ता देसाह तारा ताबाम केर लेणेन सुरवात केर, एने ता राजा हिऱ्यो लेड़ाय केर। 25एने जुगान नेड़ा जोला माणहे रेतेह, ता आखान मोनाम आजीन दिह रेन तार कारेण बिय एने थेर थेर कापणे लागाडुह; ता तारी खुबेर होमलीन बिन कापती।

राजा सीहोनाह आरेवणे

(गिनती 21:21-30)

26तेवी मी कदेमोत नावान जेंगलाम रेन हेशबोन ने राजा सीहोन फाय सान्तीन ज्यी वातु केणे खोबऱ्या मोकल्या। 27“माहु तारा देसाम लागतो जाणे दे; मी सेड़की सेड़की पोर रेन जात रेह, एने जिवड़े डाखरे नाय फिरूह। 28पोयशा लेन तारा आथा केरीन खाणेन वोस्तु आपज्ये काय मी खाह, एने पाणी बी पोयशा पोर माहु आपज्ये काय मी पिव; निस्तो माहु पाये पाये जात रेणे दे। 29जिहकेरीन सेईर माय रेणारे एसाव ने वोस एने आर माय रेणारे मोआबी मार हेऱ्या वेवारो केऱ्या, तिहेस केरीन तु बी मार हिऱ्यो केर। मी यरदन नेदीन पार इन ता देसाम पोचुह, जो आमरो बोगवान यहोवा आमुह आपेह।”

30पुण हेशबोन ने राजा सीहोन आमुह तान देसाम लागतो जाणे नाह दिनो; काहाकाय तुमरो बोगवान यहोवा ताह जुलूम वातड़ो एने तान मोन एकएठ्यो केर दियेल इतो, केरीन काय ताह तुमरा आथाम केर दे, जिहकेरीन आज देखाह।

31एने यहोवा माहु केयो, “हुमेल मी देसा हिऱ्योच सीहोन राजाह तारा ताबाम केरन्यो हे; ता देसाह तारा होकाम केर लेणे सुरवात केर, ज्यी तेवी तुमरी रेय। 32तेवी सीहोन तान आखी सेना हिऱ्यो निकलीन आवो, एने आपणो सामनो केरीन लेड़ाय केरने चेड़ीन आवो। 33एने आपणो बोगवान यहोवा ताह आमरी उगे रेन आरवी दिनो, एने आपु तान सोरा एने तान आखी सेना हेऱ्याच मार देना। 34एने ती टेम माय आपु तान आखा हियोर लेय लेदा, एने एकेक वुहेल हेयरान बायकु बाल बोचा हेऱ्याच ओलाक वोर खेतेम केऱ्या काय कुणीच नाह वोचनो; 35पुण जेनवेराह आपु मेल लेदा, एने ता हेयराह बी लुट लेदा जाह आपु जिक लियेल एता। 36अर्नोन खोदरान पार वाला अरोएर हियोर रेन, एने ता खोदराम हियोर रेन, गिलाद वोर काल्लो हियोर ओहलो उचो नाह रिनो, जो आपणी सोमोर थोब सेकतालो; काहाकाय आपणो बोगवान यहोवा सोबाह आपणा ताबाम केर दिनो। 37पुण आपु अम्मोनीन देसान आहने, पुण यब्बोक नेदीन ती पार जोला देस हेते, एने बोयड़ा पोर वाला देसान हियोर जाहरो जाणेन आपणो बोगवान आपुह मोना किरेल इतो, ता आपु नाह गीया।”