व्यवस्था 33

मुसा इस्राएल ने गेराणाह बोरकेत आपणे

1जो बोरकेत बोगवान जाण मुसो तान मोतीन पेल इस्राएली माणहाह आप्यो तो ज्य हे।

2तो केयो, “बोगवान सीने रेन आयेल हे,

एने सेईर देसा माय रेन तान आहने आवो; तो पारान बोयड़ा पोर रेन तान तेज देखाड़ेल,

एने लाखो चोखालान विचीम रेन आवो,

तान जेवड्या आथा केरीन तान केरता हेलेगणार विदी निकेलनी।

3तो खेरीस देस देसान माणहाह मोंग किरेह;

तान आखा चोखाला माणहे तारा आथाम हेते;

ता तारा पायान आहने बोह रेतेह,

एकेक तारा वचनान फायदो विसेह।

4मुसो आमुह नेम आप्यो, एने तो याकुबान

मोंडलीन सोतान ईसो बोणनी।

5जेवी पोरजान मुखी मुखी एदमी, एने इस्राएल ने आखा गेराणा एक आरही इन टोलवाना,

तेवी तो यशूरून माय राजा ठेरानो।”

6रूबेन नाय मुरे,

पुण जीवतालो रेय,

तीबी ता फाय वाला माणहे थोड़ाच रेती।

7एने यहुदा पोर ज्यी बोरकेत एनी जो मुसो केयो,

“एय यहोवा, तु यहुदान हुमेल,

एने ताह तान माणहा फाय पोचाड़,

तो तान केरता तान सोतान आथा केरीन लिड़नो,

एने तुच तान दुसमोनान विरूद तान मुदेक केरनार बुणे।”

8उवतो लेवीन बाराम तो केयो,

“तारा तुम्मीम एने ऊरीम तारा बोक्ता फाय हे,

जाह तु मस्सा माय पारेख लिदो,

एने जा हिऱ्यो मरीबा नावान जेरा पोर तारी बोलाचाल एनी;

9तो ते तान आईख आबाख ने बाराम केयो,

‘मी ताह नाह उलखेत;’ एने नाह ते तो तान बायाख तान मान्यो,

एने नाह तान सोराह उलख्यो,

काहाकाय ता तारी वातु मान्या,

एने ता तारा वाचान पालेन केरतेह।

10ता याकुबाह तारा नेम एने इस्राएलाह तारी कायदा हिकाड़ती;

एने तार ओंगाण दुणी एने तारी वेदी पोर पुरा जेनवेराह बोली केरती।

11एय यहोवा, तान मालदेना पोर बोरकेत आप,

एने तान आथान सेवाह ग्रहण केर ले;

जा तान विरूद उठतेह एने जा ता से दुसमोनाय मेलतेह, तान कोमेर तोड़ दे,

काय ता पोशा उबरेय नाय सेकती।”

12उवतो तो बिन्यामीनान बाराम केयो,

“यहोवान तो मोंगाल्लो जाण, ता फाय बेफिकऱ्यो रेय;

एने तो दिह बोर ता पोर सावलो केरी,

एने तो तान खांदान विचीम रेया किरेह।”

13उवतो युसूफान बारामाय तो केयो,

“ज्यान देस यहोवा उगे रेन बोरकेत सापड़ावे,

मतलब जुगान मोंगाली वोस्तु एने ओहटो,

एने तो उंडालो पाणी जो बुंदे हे,

14एने सूर्यान दोपान द्‍वारे रांदेल मोंगाला फोल,

एने जा मोंगाली वोस्तु मोसमान उगाड़ेल उगतेह,

15एने वेगाला बोयड़ान हाजाल्यु वोस्तु,

एने जेलेमक्या बोयड़ान मोंगाल्यु वोस्तु,

16एने देरती एने जी मोंगाल्यु वोस्तु ता माय बोरायेल हेत्यु,

एने जो जुरखेल्या माय रेतालो तान खुसी,

ज्या सोबान बारामाय युसूफान मुंडा पोर,

मतलब ताच ने मुंडा पोर

जो तान बायाख रेन आंगे इयेल इतो, बोरकेतुच बोरकेत फोली।

17तो ताकेतवालो हे, जिहकेरीन गायीन पेल्लो वासड़ो हे,

एने तान हिंगे जेंगली बोयलान गेत हेते;

ता से तो देस देसान माणहाह,

पुण देरतीन खुणे वोर वाला आखा माणहाह देखली;

ता एप्रेमान लाखो लाख एने मनश्शेन एजारो एजार हे।”

18उवतो जबुलून ने बारामाय तो केयो,

“एय जबुलून, तु बाहेर निकेलने बुखेत,

एने एय इस्साकार, तु तारा पाड़ावा माय मोज केरी।

19ता देस देसान माणहाह बोयड़ा पोर हादती;

ता ताहरो खेरली हिक आपती;

काहाकाय ता देरीयान मालदेन,

एने रेटा माय लिकायेल मोंगाली वोस्तु से फायदो विसती।”

20उवतो गादान बारामाय तो केयो,

“बोरकेत वालो हे तो जो गादाह वोदाड़ेह!

गाद ते सिंहणीन गेत रिथे,

एने खांदाह, पुण मुंडाह वोर फाड़ टाकेह।

21एने तो पेल्लो ईसो ते सोतान केरता निवाड़ लिदो,

काहाकाय ताहरो आदिकारीन लायेक ईसो मिलेल इतो;

तेवी तो पोरजान मुख मुखी एदम्यान आरही आवीन बोगवानान ठेरायेल नियाव,

एने इस्राएल हिऱ्यो मिलीन तान नेमान पालेन किऱ्यो।”

22उवतो दानान बारामाय तो केयो,

“दान ते बाशान रेन कुदणार सिंहान पिलो हे।”

23उवतो नप्तालीन बारामाय तो केयो,

“एय नप्ताली, तु जो बोगवानान खुसी माय आफरी हे,

एने तान बोरकेत माय बोरपुर हे,

पश्चिम एने दक्षिण देसान आदिकारी बुणहे।”

24उवतो आशेरान बारामाय तो केयो,

“आशेर सोरान बारामाय बोरकेत सापड़ावे;

तो तान बायाख माय मोंगाल्लो रेय,

एने तान पाय तेला माय बुड़ावे।

25तारा बायणान पाट्या लोड़ान एने पितलान रेती,

एने जोहलाच तारा दिह तोहलीच तारी सेक्ती रेय।”

26एय यशूरून, बोगवानान बाराबोर कुण नाय मिले,

तो तारी मुदेक केरनेन केरता जुगा पोर,

एने तान ताकेत देखाड़ती लेन जुगा पोर बोहीन चालेह।

27जेलेमक्यो बोगवान तारा गेरान दाम हे,

एने नेड़ा जेलेमक्या खांदे हेते,

तो दुसमोनाह तार सोमोर रेन काढ़ दिथे,

एने किथे, “ताह खेतेम किर दे।”

28एने इस्राएल बेफिकेर वोह रिथे,

एन एने नोवाला मोवालान देसा माय याकुबान जिर एखालोच रिथे;

एने तान उपेरल्या जुगाम रेन ओहटो पोड्या किरेह।

29एय इस्राएल, तु काय बोरकेतवालो हे!

एय बोगवाना उगे रेन सुटकारो सापड़ायेल पोरजा,

तारी बाराबोर कुण हे?

तो ते तारी मुदेक केरनेन केरता ढाल,

एने तारी ताकेतीन केरता तालवार हे;

तारा दुसमोन तारी तारिफ केरती,

एने तु तान उचाला जागाह चिंदहे।