ଏନେଟେଦ୍
Genesis
Introduction from this edition
ମୁଶା ନାବୀଙ୍କ ଲିଖିତ ଆଦି ପୁସ୍ତକ
ମୁଶା ନାବୀ ଅଲାକାଦ୍ ଏନେଟେଦ୍ ପୁଥି
ପାରିଚାଏ
ଅନଲ୍ନିଃ, ତାରିଖ୍, ଓଡ଼ୋଃ ତେଲାଏକ
ରିତିରିୱାଜ୍ ଲେକାତେ, ମୁଶା ଏନେଟେଦ୍ ପୁଥି ଓଡ଼ୋଃ ଏନେଟେଦ୍ଏତେ ଏଟାଃ ମଣେୟାଁ ପୁଥିକରାଃ ଅନଲ୍ନିଃ ଲେକା କାଜିୟଃତାନା, ଗିନ୍ତି ୩୩:୨; ଦ୍ୱିତୀୟ ବିବରଣି ୩୧:୨୪; ଯୋହାନ୍ ୫:୪୬। ସାର୍ତିଗି ମୁଶା ନାବୀ ଏନେଟେଦ୍ ପୁଥିରେ ହବାକାନ୍ ତେୟାଃଏତେ ପୁରାଃ ବିଲାମ୍ରେ ସେଟେରାକାନ୍ ତାଇକେନା। ହବାସାକାଅଃଆ, ସିଦା ହବାକାନ୍ ବିଷାଏରାଃ କାହାନିକ ଲାତାର୍ତେ କୁଲାକାନ୍ ତାଇକେନା ଓଡ଼ୋଃ ମୁଶା ଏନ୍ ସବେନ୍ ବିଷାଏକ ମିଦ୍ରେ ହୁଣ୍ଡିକାଦ୍ ତାଇକେନା।
ପାହିଲା ନେନେଲ୍ ହଡ଼କ ଇସ୍ରାଏଲ୍, ମୁଶା ବିର୍ ହରାତେ ସେନ୍ ଲାଗାତିଙ୍ଗ୍ ତାଇକେନା। ତିସିଙ୍ଗ୍ ପାଢ଼ାଅ ହଡ଼କ ନାଙ୍ଗ୍ ଏନେଟେଦ୍ ପୁଥି ବାଇବେଲ୍ରେ ତାଇକାନ୍ ମିଆଁଦ୍ ସାରିୟାକାନ୍ ପୁଥି ତାନାଃ। ନେଆଁ ଠାଉକାତେଗି ଏନେଟେଦ୍ରାଃ ପୁଥି ମେନ୍ତେ କାଜିୟଃତାନା।
ବିଷାଏ ବାସ୍ତୁ
ଏନେଟେଦ୍ ପୁଥି ହବାଅଃତାନା, ସିର୍ଜାଅ, ପାପ୍ ଓଡ଼ୋଃ ଆଡଃମିସା ସିର୍ଜାଅରାଃ କାନାଜି। ପାର୍ମେଶ୍ୱାର୍ ଅତେଦିଶୁମ୍କେ ପୁରାଃ ସୁଗାଡ଼ାନ୍ଗି ବାଇକାଦ୍ ତାଇକେନା, ମେନ୍ଦ ପାହିଲା ନେଆଁକେ ସାର୍ପାଅକେଦା ଓଡ଼ୋଃ ତାୟମ୍ତେ ମାନୱା କାଜି କା ମାନାତିଙ୍ଗ୍କେଦ୍ ହରାତେ ନେଆଁକେ ଟୁଡା ଦାଆଃତେ ଜିୟନ୍କେଦା। ଟୁଡା ଦାଆଃ ତାୟମ୍ତେ ହବାକାନ୍ ନାୱା ଅତେଦିଶୁମ୍ ହଗି ମାନୱାରାଃ ପାପ୍ ହରାତେ ଜିୟନ୍ୟାନା (ଆଧ୍ୟାୟ ୧୧) । ପାର୍ମେଶ୍ୱାର୍ ଆବ୍ରାହାମ୍କେ ମିଆଁଦ୍ ବିଷେଶ୍ ଉଦ୍ଦେଶ୍ ନାଙ୍ଗ୍ ସାଲାକିୟାଏ। ଆୟାଃ ହରାତେ ସବେନ୍ ଜାତି ଆଶିଷ୍କ ନାମେୟା ୧୨:୧-୩। ଆବ୍ରାହାମ୍ଆଃ କିଲିକ ହରାତେ ଟୁଣ୍ଡୁରେ ପାର୍ମେଶ୍ୱାର୍ଆଃ ଉଦ୍ଦେଶ୍ ପୁରାଅଃଆ, ଆଧ୍ୟାୟ ୪୯ ।
ମୁଖ୍ୟା ବିଷାଏ
୧. ପ୍ରାଭୁ ପାର୍ମେଶ୍ୱାର୍ ମାନୱାକକେ ଅତେଦିଶୁମ୍ରେ ଆୟାଃ ଦାସି ହବାଅଃ ନାଗେନ୍ତେ ଆଚୁକାଦା। ଇନ୍କୁ ଅତେଦିଶୁମ୍ରାଃ ଯାତାନ୍ ରିକା ଲାଗାତିୟାଁ ଓଡ଼ୋଃ ଏଟାଃ ଜାଁତୁକଆଃ ଚେତାନ୍ରେ ଆକ୍ତେୟାର୍ ରିକା ଲାଗାତିୟାଁ ୧:୧–୨:୨୫।
୨. ଅତେଦିଶୁମ୍ରେ ପାର୍ମେଶ୍ୱାର୍ଆଃ ଦାସି ଲେକା କାମିରାଃ ବାଦ୍ଲାରେ, ପାହିଲା କଡ଼ା ଓଡ଼ୋଃ କୁଡ଼ି ଆଦାମ୍ ଓଡ଼ୋଃ ହାୱା ବିଙ୍ଗ୍ରାଃ କାଜି ଆୟୁମ୍କେଦାକିନ୍ ଓଡ଼ୋଃ ଆୟାଃ କାଜି ଲେକା ଅତଙ୍ଗ୍କେଦାକିନ୍। ଇନ୍କିନାଃ କା ମାନାତିଙ୍ଗ୍ ହରାତେ ସବେନ୍ ମାନୱା ଜାତି ଓଡ଼ୋଃ ଗଟା ସିର୍ଜାଅ କାନ୍ତେୟାଃ ଅତେଦିଶୁମ୍ ନାଙ୍ଗ୍ ସାଙ୍କାଟ୍ ହବାୟାନା ୩:୧-୨୪; ୬:୫-୬।
୩. ପାର୍ମେଶ୍ୱାର୍ ଦାୟାଲୁ ଲେକାତେ ଉଦୁବାକାନାଏ ଯେ, ହାୱାରାଃ କିଲି ମାନୱା ହଡ଼କକେ ବିଙ୍ଗ୍ରାଃ ଆକ୍ତେୟାର୍ଏତେ ରାଡ଼ାକଆ ୩:୧୫। ଏନେଟେଦ୍ ତାୟମ୍ତେ ମିଆଁଦ୍ ପାରିବାର୍ରାଃ ଇତିହାସ୍ ଦାଣାଁନାମ୍ ଏଟେଦଃଆ, ଅକ୍ନିଃଚି ଇସ୍ରାଏଲ୍ରାଃ ହଡ଼ ହବାଅଃଆଏ। ନେ ପାରିବାର୍, ପାର୍ମେଶ୍ୱାର୍ଲଃ ମିଆଁଦ୍ ବିଶେଷ୍ ନାତା ମେନାଃ ଓଡ଼ୋଃ ଜିୟନଃତାନ୍ ମାନୱାକଆଃ ନାଙ୍ଗ୍ ଆଶିଷ୍ରାଃ ମୁଲ୍ ବିଷାଏ ହବାଅଃଆ ୧୨:୧-୩।
୪. ଆଦାମ୍ କାଜି କା ମାନାତିଙ୍ଗ୍ ହରାତେ, ଅତେଲଃ ଆୟାଃ ଏଟାଃ ଏଟାଃ ନାତା ନକ୍ସାନ୍ୟାନା, ଏନାତେ କେଟେଃ କାମି ଓଡ଼ୋଃ ତାୟମ୍ତେ ଟୁଡା ଏନ୍ତେ ରିଙ୍ଗା ହବାୟାନା। ମେନ୍ଦ ଆଦାମ୍ତାଃଏତେ ହିଜୁଃତାନ୍ ସାଲାକାନ୍ ପାରିବାର୍ ହଗି ସବେନ୍ କେନେସେଦ୍ଏତେ ମୁକ୍ତି ଆଉକେଦ୍ତେ ହିଜୁଃୟାନା ୩:୧୭-୧୯; ୫:୨୯; ୫୦:୧୯-୨୧।
୫. ଚିମ୍ତା ହନ୍ ଜାନାମ୍ ରିକାରାଃ ହାସୁ ଚେତାନ୍ରେ ହାୱାରାଃ ସାଜାଇକେ ଜକାୟାନା ୩:୧୬, ଇମ୍ତା ଏଟାଃ ପାରିବାର୍ରେନ୍ କୁଡ଼ିକ ନେଆଁକେ ଚାଲୁଦହ ନାଙ୍ଗ୍ ମିଆଁଦ୍ ବିଶେଷ୍ ହିସା ଇଦିକାଦାକ। ପାର୍ମେଶ୍ୱାର୍ଆଃ ଦେଙ୍ଗାତେ କା ହବାସାକାଅଃତେୟାଃ ହଗି ହବାସାକାଅଃଆ ୧୧:୩୦; ୨୧:୧-୭; ୨୫:୨୧; ୩୮:୧-୩୦।
୬. ମାନୱା ସଭାବ୍ରାଃ ଏତ୍କାନ୍ କାମିକ ପାରିବାର୍କେ ଛିତିବିତି ରିକାରାଃ ମୁଖ୍ୟା ବିଷାଏ ତାନାଃ ୪:୧-୧୬; ୧୩:୫-୮; ୨୫:୨୨-୨୩; ୨୭:୪୧-୪୫; ୩୭:୨-୩୫। ଏନେଟେଦ୍ ପୁଥି ପାରିବାର୍ରାଃ ଏପ୍ରାଙ୍ଗ୍ରେୟାଃ ସାର୍ତିକେ ଉଦୁବାଃଏ, ଏନ୍ରେୟ ସାଲାକାନ୍ ପାରିବାର୍ରେନ୍ ବିଶେଷ୍ ହଡ଼କ ଏନ୍ ଏପ୍ରାଙ୍ଗ୍ତେୟାଃକେ ବାପାଇ ରିକାନାଙ୍ଗ୍ ଦେଙ୍ଗାଃକ ୧୩:୮-୧୧; ୩୩:୧-୧୧; ୪୫:୧-୨୮; ୫୦:୧୫-୨୧।
୭. ଏତ୍କାନ୍ ହଡ଼କକେ ବାଗାଇଚାଏତେ ହାର୍ ଅଡଙ୍ଗ୍ୟାନ୍ଲଃ ଅତେଦିଶୁମ୍ରେ ଛିତିବିତିକେଦ୍ତେ ମେନାକଆ ୩:୨୨-୨୪; ୪:୧୨-୧୬; ୧୧:୯। ମେନ୍ଦ ପାର୍ମେଶ୍ୱାର୍ ଆୟାଃ ସାଲାକାନ୍ ହଡ଼କ ନାଙ୍ଗ୍ ଦାୟାଲୁ ତାନିଃ ଓଡ଼ୋଃ ଇନ୍କୁକେ ଆକଆଃ ଆପ୍ନାଃ ମିଆଁଦ୍ ଦିଶୁମ୍ ଏମାକ ନାଙ୍ଗ୍ ବାନାର୍ସା ଏମାକାଦ୍କଆଏ ୧୨:୧-୨,୭; ୧୫:୭-୨୧; ୨୮:୧୩-୧୪; ୫୦:୨୪।
୮. ପାର୍ମେଶ୍ୱାର୍ ମାନୱାରାଃ ଏତ୍କାନାଃ ନାଗେନ୍ତେ ଲାଗ୍ଭାଗ୍ ସବେନ୍ ମାନୱା ଜାତିକେ ଜିୟନ୍ ରିକା ନାଙ୍ଗ୍ ସେକାଡ଼୍କାନ୍ ତାଇକେନାଏ, ୬:୭, ୧୧-୧୨; ୧୮:୧୭-୩୩। ମେନ୍ଦ ଇନିଃ ଏନ୍ରେୟ ସାନାଙ୍ଗ୍ଆଃଏ ଯେ, ଆୟାଃ ଅତେଦିଶୁମ୍ ଧାର୍ମାନ୍ ହଡ଼ତେ ପେରେଜଃକା ୧:୨୮; ୯:୧; ୧୫:୧-୫; ୩୫:୧୧।
ପୁଥି ଭିତାର୍ରେ ତାଇକାନ୍ କାଜି
୧. ଏନେଟେଦ୍ ଇତିହାସ୍ ୧:୧–୧୧:୨୬
କ. ପାର୍ମେଶ୍ୱାର୍ଆଃ ସିର୍ଜାଅ ସିର୍ମା ଓଡ଼ୋଃ ଅତେଦିଶୁମ୍ ୧:୧–୨:୩
ଖ. ଅତେଦିଶୁମ୍ରେନ୍ ପାହିଲା ହଡ଼କ ୨:୪–୪:୨୬
ଗ. ଆଦାମ୍ରାଃ କିଲିକ ୫:୧–୬:୨୬
ଘ. ନୁହୁଁରାଃ କିଲିକ ୬:୯–୯:୨୯
ଙ. ନୁହୁଁରାଃ ହନ୍କଆଃ କିଲିକ ୧୦:୧–୧୧:୯
ଚ. ଶେମ୍ରାଃ କିଲିକ ୧୧:୧୦-୨୬
୨. ପୁର୍ଖାହାଡ଼ାମ୍କଆଃ ଇତିହାସ୍ ୧୧:୨୭–୫୦:୨୬
କ. ତେରହରାଃ କିଲିକ ୧୧:୨୭–୨୫:୧୮
ଖ. ଇସାକ୍ଆଃ କିଲିକ ୨୫:୧୯–୩୭:୧
ଗ. ଯାକୁବ୍ରାଃ କିଲିକ ୩୭:୨–୫୦:୨୬
ଏନେଟେଦ୍ ପୁଥି ଦିପିଲିରେ ନାପେଡ଼େଦ୍ରାଃ ଇସାଇକ
ଏନେଟେଦ୍ ପୁଥି ପୁର୍ଖା ହେପାଦ୍ରେୟାଃ ଇସାଇକ ଏନେଟେଦ୍ରେ ଯାକୁବ୍ଆଃ ପାରିବାର୍କେ ମିସାର୍ତେ ଇଦିୟଃ ଜାକେଦ୍ କାଜିୟାକାନା। ମିସାର୍, ଅସୁର୍, ବାବିଲୋନ୍ ଓଡ଼ୋଃ ଏଲମ୍ ନେ ସବେନାଃଲଃ ଅତେଦିଶୁମ୍ରାଃ ଚିମିନ୍ ମାରି ରାଇଜ୍କରେ ହଗି ଏନେଟେଦ୍ ପୁଥିରାଃ ଇତିହାସ୍ ଅଲାକାନା।
Munda Bible. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.