Munda Bible
ଏନେଟେଦ୍ 5
ଆଦାମ୍ଆଃ କିଲିକ
ନେଆଁ ଆଦାମ୍ଆଃ କିଲିକଆଃ ନୁତୁମ୍ ଅନଲ୍ ପୁଥି। ପାର୍ମେଶ୍ୱାର୍ ଅକହୁଲାଙ୍ଗ୍ ହଡ଼କେ ବାଇକିୟା ଆୟାଃ ଲେକାଗି ବାଇକିୟା। ପାର୍ମେଶ୍ୱାର୍ ଇନ୍କିନ୍କେ କଡ଼ା ଓଡ଼ୋଃ କୁଡ଼ି ଲେକା ବାଇକେଦ୍ ହୁଲାଙ୍ଗ୍ଗି ଆଶିଷ୍ କେଦ୍କିନାଏ। ଓଡ଼ୋଃ ଇନ୍କିନ୍କେ ଆଦାମ୍ “ମାନୱା” ନୁତୁମ୍ କେଦ୍କିନାଏ। ଆଦାମ୍ଆଃ ୧୩୦ ବାରାଷ୍ ହବାଅ ତାଇକେନ୍ ଇମ୍ତା, ଆପ୍ନାଃ ଲେକାଗି ଓଡ଼ୋଃ ମିଆଦ୍ ହନ୍ ଜାନାମ୍ୟାନାଏ ଓଡ଼ୋଃ ଇନିୟାଃ ନୁତୁମ୍ ଶେଥ୍ ଏମ୍କିୟାଃ। ଶେଥ୍ରାଃ ଜାନାମ୍ ତାୟମ୍ତେ ଆଦାମ୍ ୮୦୦ ବାରାଷ୍ ଜୀନିଦ୍ ତାଇକେଦ୍ତେ ଆଡଃଗି ଆୟାଃ ହନ୍କ ଜାନାମ୍ୟାନା। ନେ'ଲେକାତେ ଆଦାମ୍ ୯୩୦ ବାରାଷ୍ ଜାକେଦ୍ ଜିହୀଦ୍ ତାଇନ୍କେଦ୍ତେ ଜୀଉ ଟୁଣ୍ଡୁକେଦାଏ।
ଶେଥ୍ରାଃ ୧୦୫ ବାରାଷ୍ ହବାଅଃ ତାଇକେନ୍ ଇମ୍ତା ଇନୋଶ୍ ଜାନାମ୍ୟାଏ। ଇନୋଶ୍ରାଃ ଜାନାମ୍ ତାୟମ୍ତେ ଶେଥ୍ ୮୦୭ ବାରାଷ୍ ଜୀନିଦ୍ ତାଇକେଦ୍ତେ ଆଡଃଗି ଆୟାଃ ହନ୍କ ଜାନାମ୍ୟାନା। ନେ'ଲେକାତେ ଶେଥ୍ ୯୧୨ ବାରାଷ୍ ଜାକେଦ୍ ଜିହୀଦ୍ ତାଇନ୍କେଦ୍ତେ ଜୀଉ ଟୁଣ୍ଡୁକେଦାଏ।
ଇନୋଶ୍ଆଃ ଉପୁନ୍ହିସି ଗେଲ୍ ବାରାଷ୍ ହବାୟାନା ଇମ୍ତା କୟିନାନ୍ ଜାନାମ୍ୟାନାଏ। ଓଡ଼ୋଃ କୟିନାନ୍ରାଃ ଜାନାମ୍ ତାୟମ୍ତେ ଇନୋଶ୍ ୮୧୫ ବାରାଷ୍ ଜୀନିଦ୍ ତାଇନ୍କେଦ୍ତେ ଆଡଃଗି ଇନିୟାଃ ହନ୍କ ଜାନାମ୍ୟାନା। ନେ'ଲେକାତେ ଇନୋଶ୍ ୯୦୫ ବାରାଷ୍ ଜୀହିଦ୍ ତାଇନ୍କେଦ୍ତେ ଜୀଉ ଟୁଣ୍ଡୁକେଦାଏ।
କୟିନାନ୍କେ ଆପିହିସି ଗେଲ୍ ବାରାଷ୍ ହବାଅଃତାନ୍ ଇମ୍ତା ମହଲ୍ଲେଲ୍ ଜାନାମ୍ୟାନାଏ; ଓଡ଼ୋଃ ମହଲ୍ଲେଲ୍ରାଃ ଜାନାମ୍ ତାୟମ୍ତେ କୟିନାନ୍ ୮୪୦ ବାରାଷ୍ ଜିହୀଦ୍ ତାଇନ୍କେଦ୍ତେ ଆଡଃଗି ଇନିୟାଃ ହନ୍କ ଜାନାମ୍ୟାନା। ନେ'ଲେକାତେ କୟିନାନ୍ ୯୧୦ ବାରାଷ୍ ଜିହୀଦ୍ ତାଇନ୍କେଦ୍ତେ ଜୀଉ ଟୁଣ୍ଡୁକେଦାଏ।
ମହଲ୍ଲେଲ୍ଆଃ ୬୫ ବାରାଷ୍ ହବାଅତାନ୍ ଇମ୍ତା ଯେରଦ୍ ଜାନାମ୍ୟାନା; ଯେରଦ୍ଆଃ ଜାନାମ୍ ତାୟମ୍ତେ ମହଲ୍ଲେଲ୍ ୮୩୦ ବାରାଷ୍ ଜିହୀଦ୍ ତାଇନ୍କେଦ୍ତେ ଆଡଃଗି ଇନିୟାଃ ହନ୍କ ଜାନାମ୍ୟାନା। ନେ'ଲେକାତେ ମହଲ୍ଲେଲ୍ ୮୯୫ ବାରାଷ୍ ପୁରାକେଦ୍ତେ ଇନିଃ ଜୀଉ ଟୁଣ୍ଡୁକେଦାଏ।
ଯେରଦ୍ଆଃ ୧୬୨ ବାରାଷ୍ ହବାଅଃତାନ୍ ଇମ୍ତା ହନୋକ୍ ଜାନାମ୍ୟାନାଏ। ହନୋକ୍ଆଃ ଜାନାମ୍ ତାୟମ୍ତେ ଯେରଦ୍ ୮୦୦ ବାରାଷ୍ ଜିହୀଦ୍ ତାଇନ୍କେଦ୍ତେ ଆଡଃଗି ଇନିୟାଃ ହନ୍କ ଜାନାମ୍ୟାନା। ନେ'ଲେକାତେ ଯେରଦ୍ ୯୬୨ ବାରାଷ୍ ଜୀନିଦ୍ ତାଇନ୍କେଦ୍ତେ ଜୀଉତାୟାଃ ଟୁଣ୍ଡୁୟାନା।
ହନୋକ୍ଆଃ ୬୫ ବାରାଷ୍ ହବାଅ ତାଇକେନ୍ ଇମ୍ତା ମଥୁଶେଲହ ଜାନାମ୍ୟାନା। ମଥୁଶେଲହଆଃ ଜାନାମ୍ ତାୟମ୍ତେ ହନୋକ୍ ୩୦୦ ବାରାଷ୍ ଜିହୀଦ୍ ତାଇନ୍କେଦ୍ତେ ପାର୍ମେଶ୍ୱାର୍ଆଃ ଇଛାସାନାଙ୍ଗ୍ ଲେକାତେ ସେସେନ୍ ତାଇକେନାଏ, ଓଡ଼ୋଃ ଇନିୟାଃ ଏଟାଃ ହନ୍କ ଜାନାମ୍ୟାନା। ନେ'ଲେକାତେ ହନୋକ୍ ୩୬୫ ବାରାଷ୍ ଜାକେଦ୍ ଜୀନିଦ୍ ତାଇକେନାଏ, ହନୋକ୍ ପାର୍ମେଶ୍ୱାର୍ଆଃ ଇଛାସାନାଙ୍ଗ୍ ଲେକାତେ ସେସେନ୍ କେଦାଏ, ଏନ୍ତେ ଇନିଃ ଓଡ଼ୋଃ କାଏ ନେଲ୍ୟାନା, ଚିୟାଃଚି ପାର୍ମେଶ୍ୱାର୍ ଇନିଃକେ ଇଦିକିୟା।
ମଥୁଶେଲହଆଃ ୧୮୭ ବାରାଷ୍ ହବାଅତାନ୍ ତାଇକେନ୍ ଇମ୍ତା ଲେମକ୍ ଜାନାମ୍ୟାନାଏ। ଲେମକ୍ଆଃ ଜାନାମ୍ ତାୟମ୍ତେ ମଥୁଶେଲହ ଆଡଃଗି ୭୮୨ ବାରାଷ୍ ଜିହୀଦ୍ ତାଇନ୍କେଦ୍ତେ ଆଡଃଗି ଇନିୟାଃ ହନ୍କ ଜାନାମ୍ୟାନା; ନେ'ଲେକାତେ ମଥୁଶେଲହ ୯୬୯ ବାରାଷ୍ ଜିହୀଦ୍ ତାଇନ୍କେଦ୍ତେ ଜୀଉ ଟୁଣ୍ଡୁକେଦାଏ।
ଲେମକ୍ରାଃ ୧୮୨ ବାରାଷ୍ରେ ମିଆଦ୍ କଡ଼ାହନ୍ ଜାନାମ୍ୟାନାଏ, ଓଡ଼ୋଃ ଇନିୟାଃ ନୁତୁମ୍ ନୁହୁଁ ଏମ୍କିୟା, ଚିୟାଃଚି ଇନିଃ କାଜିକେଦାଏ, “ପ୍ରାଭୁ ପାର୍ମେଶ୍ୱାର୍ଆଃ ନେ ସାର୍ପାଅକାନ୍ ଅତେରେ ଆଲେୟାଃ କେଟେଦ୍ କାମିରାଃ ହାସୁକଏତେ ଜୀଉରାଡ଼େଃ ଏମାଲେୟାଏ।” ନୁହୁଁରାଃ ଜାନାମ୍ ତାୟମ୍ତେ ଲେମକ୍ ୫୯୫ ବାରାଷ୍ ଜୀହିଦ୍ ତାଇନ୍କେଦ୍ତେ ଆଡଃଗି ହନ୍କକେ ଜାନାମ୍କେଦ୍କଆଏ। ନେ'ଲେକାତେ ଲେମକ୍ ୭୭୭ ବାରାଷ୍ ଜିହୀଦ୍ ତାଇନ୍କେଦ୍ତେ ଜୀଉ ଟୁଣ୍ଡୁକେଦାଏ।
ନୁହୁଁରାଃ ୫୦୦ ବାରାଷ୍ ହବାୟାନ୍ ତାୟମ୍ତେ ଆୟାଃ ଆପିୟାଃ କଡ଼ାହନ୍ ଜନାମ୍ୟାନାକ, ଇନ୍କୁଆଃ ନୁତୁମ୍ ଶେମ୍, ହାମ୍ ଓଡ଼ୋଃ ଯାଫେତ୍ ତାଇକେନା।
Munda Bible. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.