Skip to content
BibleKenya

उबजाणनी किताप

Genesis

Introduction from this edition

उत्पत्ति

उबजाणनी किताप

उबजाणनी कितापेन बारामां

उबजाणनी बुलेन मतलब “सुरुवात” ने ज बाइबीलेन जुन्‌नला नेमेन पेहली किताप छे। पेहली ईब्‌रानी बुली “सुरुवात मां” बुली सी सुरु हवे। ज देखाड़े की आखो काय कां सी आयो ने खास करीन माणसे पुठ्‌ये भगवानेन वेहवार कसु सुरु हयु। आज अक्‌कल वाळा धड़े तीना माणसेन बारामां बेसका पाक्‌को मालुम छे जे उबजाणनी किताप लिखला ने ज बी की जी किताप कत्‌यार लिखला। थुड़ाक माणसेन मान्‌नु छे की हीनाक बेसका साल पेहेल पेहला जमाना मां कागद लिखलो हतलो। बेबोलोन मां दीसरा माणसे पेहलुत सी मान्‌ता आय रया की मुसान उबजाणनी किताप अळी दीसरी नीरगमन, लेवयवेवस्‌था, गिन्‌ती ने वेवस्‌थावीवरन ईनु किताप्‌या काजे 1300 नीते 1400 सालेक पेहेल लिखलु।

उबजाणनी किताप मां बेसको जरुरी जानकारी छे भुरसु करन्‌या वाळा काजे बाइबीलेन दीसरा हीस्‌सान, जुन्‌ला ने नवला नेम दुयु काजे समजणे मां मदत करे। ज हामुक देखाड़े की पाप कळी मां कसु आयु ने माणसे काजे एक छुड़ावणे वाळान जरुवत छे। जां माणसे काजे बचाड़ने वाटे भगवानेन युजना देखाड़े। ईसुन बारामां भगवानेन अघी सी आवणे वाळी वात बताड़न्‌या

बाहरती वात

1. जसो की लिखलो छे, भगवान कळी ने आदम ने हवा काजे बणायु।

2. आदम ने हवा, तींद्‌रा पापेन बारामां ने तींद्‌री अवल्‌यातेन लिखलो छे।

3. नुह मट्‌ली नदीन बारामां बताड़्‌यु।

4. नुहान टेम मां अब्‌राहमेन टेमेन ईचमां काय हवलो, जेरे सी बाबेलेन खंबु बी तेरेमां छे।

5. अब्‌राहम हेरा घरन्‌यान ने इस्‌राएली जातीन सुरुवातेन बारामां छे।

(अ) अब्‌राहम ने हेरी घरवाळी सारान जीवनेन बारामां लिखलो छे।

(ब) इसाक ने हेरी घरवाळी रीबकान जीवनेन बारामां लिखलो छे

(स) याकुब, हेरा पुर्‌यान जीवनेन बारामां ने कनान सी मीसर देस लग हींद्‌रो अगो जाणेन बारामां लिखलो छे।

(द) याकुब हेरा लाटेकला पुर्‌यु जोसेफेन बारामां लिखलो छे ने चु मीसर देस मां कसु राजु बण्‌यु।

Bhilali Bible. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.

Full source notice & licence · CC BY-SA 4.0 · SourceEdition imported 2026-11-09.

BibleKenya

Reader settings

Theme
Font
Alignment
Reading width

Saved in this browser and used offline too. Press ? for keyboard shortcuts.