Skip to content
BibleKenya

Bhilali Bible

उबजाणनी किताप 47

युसुफ आपसा भायस मां सी पांच भायसेक पुठ्‌ये लीन, फीरोन राजा साते वात करने गुयु। ने चु तींद्‌री उळखाण फीरोन राजा साते कराड़्‌यु, ने कह्‌यु, “मारु बास ने मारा आखा भायस, कनान देस मां सी तींद्‌रा गाडरा ने बुकड़ा, ने गावड़ी ने बेल ने आखो माल-धन लीन आवती रहला छे; ने हंय चे गोसेन नावेन खयड़ा मां छे।” फीरोन राजु युसुफेन भाय काजे पुछ्‌यु, “तुंद्‌रु काम धंदु काय छे?” चे फीरोन राजा काजे कह्‌या, “हामु तारा गुलाम पावर्‌या! गुवाळ्‌या छे, जसा हामरा आड़ा-बुड़ा बी गुवाळ्‌यात हतला। बाकुन हंय हामरा कनान देस मां बेसकु काळ पड़ र्‌यु। ने हामरा गाडरा ने बुकड़ा वाटे चारने करीन चारु बी नी रह्‌यु। तेरेमां हामु जां ईतराक दाहड़ा लग परदेसी बणीन रहणे आय र्‌या। ने हामु काजे दया करीन गोसेन खयड़ा मां रहणे करीन हुकुम आप दे।” फीरोन राजु युसुफ काजे कह्‌यु, “तारु बास ने तारा भायस तारेन चां आय लाग्‌या करीन मे बेसकु खुस छे, तुसेक मीसर देस मां जो गमे चो आखाम सी वारु खयड़ो नेवाड़ ले, मेसेक असो लागे की, गोसेन खयड़ो तींद्‌रे वाटे आखा सी वारु रवसे, तेरेमां आपसा बासेक ने आपसा भाय काजे चां वसाड़ दे; ने कदीक तु जाणतु हय की, हींद्‌रे माय्‌न कुणी-कुणी धड़े वारु गुवाळी करनेन हुनर छे, तीनुक मारा ढुरे चारने वाळान हकदार्‌या ठहराय दे।”

अळतेन युसुफ आपसा बास याकुब काजे बी फीरोन राजान चां मांही बुलायन तेरी उळखाण राजाक कराड़्‌यु। ने याकुब फीरोन राजा काजे संयबरकत आप्‌यु। अळतेन फीरोन राजु याकुब काजे पुछ्‌यु, “तु कतरा सालेन छे?”

याकुब फीरोन काजे कह्‌यु, “मे दीसरा देस मां दुख झेलीन एक सव तीस साले काट लेदु; मारा आड़ा-बुड़ा दीसरा-देसेम जतरा साल लग जीया, ततरा साल मारा नी हया।” ने याकुब फीरोन राजा काजे एक कावा अळी संयबरकत आप्‌यु, ने तेरेन चां सी जाती र्‌यु। युसुफ, फीरोन राजान हुकुम मानीन आपसा बास ने आपसा भायस्‌ये काजे मीसर देसेन, रामसेस नावेन सहर मां वारलु जागा आप दीन वसाड़ देदु। युसुफ आपसा बासेक, भायसेक ने तींद्‌रा बायरा-छुराक, तींद्‌री गिन्‌तीन अनसारे खाणान तज्‌बु कर्‌यु।

काळेन टेम मां युसुफेन तज्‌बु

बेसकु काळ पड़ रहलु, तेरेमां मीसर देसेन माणसे भीणी ने कनान देसेन माणसे वाटे खाणे करीन काय नी रह्‌यो। ने चे काळ मां भुकला ने कमजुर हय ज्‌या। मीसर देसेम वाळा ने कनान देसेम वाळा युसुफ वाटे अन रुप्‌या आपीन मुल लेदा, ने जे रुप्‌या भेळा हया चे रुप्‌या, युसुफ फीरोन राजान घरेन खजाना मां लाय्‌न मेल देदु। मीसर देसेन ने कनान देसेन रुप्‌या सर ज्‌या। तत्‌यार आखा मीसर देसेम वाळा युसुफेन चां आय्‌न कहणे बाजी ज्‌या, “हामरे वाटे अन मुल लेणे करीन रुप्‌या नी हय, बाकुन दया करीन हामु काजे खाणेन अन आपी दे, नीते हामु तारे अगळुत भुकला मर जासुन।”

युसुफ कह्‌यु, “रुप्‌या नी हय ती, तुंद्‌रा ढुरे आपी देवु, ने ढुरेन आटे-साटे मां मे तुहुंं काजे खाणेन अन आपीस।” ने चे आपसा घर पाळन्‌या जानवर्‌या युसुफेन चां ली आया; ने युसुफ, घुल्‌ला, ने गाडरा, ने बुकड़ा, ने गावड़ी, ने बेल ने गदड़ा बदलाम तीनुक खाणेन अन आपणे बाजी ज्‌यु। तसु करीन युसुफ तीने साल बेसका जातीन जानवर्‌यान आटे-साटे अन आपीन माणसे काजे पुस्‌यु।

काळेन चो साल ते जसो-तसों काटाय ज्‌यो, बाकुन हंय ईने साल तींद्‌रे वाटे अनेन आटे-साटे जानवर्‌या आपणे करीन नी रया, ती चे युसुफेन चां आय्‌न कह्‌या, “ए मालीक, हामु जी वात काहा सातजे! हामु ते आखा रुप्‌या ने जानवर्‌या तुसे काजे आप देदा; ने हामरे वाटे हामरो डील ने हामरी जागा अतरीत रय, रय। हामुक तारे अगळ भुकला मरने मां देय, हामरी कमायणेन जागान आटे-साटे हामुक अन आप दे। ने हामुक हामरी जागा भेळे फीरोनेन गुलाम पावर्‌या बणाय ले। ने हामुक वेरने करीन बीज आपजी। नीते कांखुर माय्‌न हामरी जागा नी उजड़े।”

तत्‌यार युसुफ मीसर देसेन माणसेन आखी जागा दाणा आपीन मुल ली लेदु; काहाकी बेसका काळ मां तीनु काजे जागा मुल वेचणु पड़्‌यो; करीन आखी जागा फीरोन राजान हक मां हय गुय। ने युसुफ, मीसर देसेन आखा माणसे काजे सहरे-सहरे मां लावीन वसाड़ देदु। ने चे आखा फीरोन राजान गुलाम पावर्‌या बण ज्‌या। बाकुन जी जागा मीसर देसेन पुजारान हक मां हतली, ची जागा युसुफ मुल नी लेदु; काहाकी फीरोन राजा तीनु पुजारा वाटे दाहड़ीत खाणेन तज्‌बु करतेलु, ने फीरोन राजा जो खाणो तीनुक आपाड़तेलु चत खाणो चे खातला; ने तीनु काजे अन सी, तींद्‌री कमायणेन जागा वेचणु नी पड़्‌यो। युसुफ मीसर देसेन मुख्‌या काजे कह्‌यु, “सामळु, मे आजुन दाहड़े फीरोन राजा वाटे, तुहुंंक ने तुंद्‌री जागा काजे बी मुल लेदलु छे; देखु, जां तुंद्‌रे वाटे बीज मेकी मेल्‌यो, ने हामु तुहुंंक जो बीज आपसु ने तुहुंं ईना बीज काजे खेते मां वेरजु। ने ईनी जागा मां जो बी पाके, तीनी पाक पाणीन पांच हीस्‌सा पाड़जु, ने एक हीस्‌सु फीरोन राजा काजे आपजु, बचला च्‌यार हीस्‌सा तुंद्‌रा रवसे। ईनु च्‌यार हीस्‌सा मां सी बीज वाटे बचाड़जु, ने रहे चो तुहुंं ने तुंद्‌रा पुर्‌या-पारी खाजु।”

जी वात सामळीन चे मुख्‌या कह्‌या, “तु हामरे पर गीण करीन हामु काजे बचाड़ लेदु, ने तु हामरे वाटे वारु काम कर्‌यु; हंय हामु फीरोन राजान गुलाम पावर्‌या बणीन रवसु।” तसु करीन युसुफ मीसर देसेन खेती वाटे आसोत नेम बणावलु, ने चु नेम मीसर देस मां आज लगुन चाल र्‌यु। चु नेम छे की, पाक-पाणीन पांच हीस्‌सा माय्‌न, एक हीस्‌सु फीरोन राजा काजे आपणु पड़से। बाकुन पुजारान जागा पर फीरोन राजान हक नी हतलु।

याकुबेन आकरी मरजी

ने इस्‌राएली माणसे मीसर देसेन गोसेन जीला मांत रय्‌न, चां वाळी जागा काजे आपसा कब्‌जा मां कर लेदा, ने चांत तींद्‌रु वेल वदणे बाजी ज्‌यु, ने चे बेसका अदु हय गुया। याकुब, मीसर देस मां सतरे साल लग जीवतेलु रह्‌यु, आखी मेळीन याकुबेन उमर एक सोव ने दुय वीसु ने सात साले हय ज्‌या। जत्‌यार इस्‌राएल्‌यान मरनेन टेम साते आय, ती चु युसुफ काजे बुलावीन तीनाक कह्‌यु, “कदीक तु मारे पर गीण करतु हय, ती तारु हात मारा सातळ्‌या तळे मेलीन सगुन खाय्‌न कह की, मे तारे पर गीण करो ने छाचाय्‌न अनसारे काम करीस, ने मे मरीस ती मारा धड़ेक मीसर देस मां वगु घुण करे। मीसर देस मां सी ली जाय्‌न मारा घरन्‌या माणसेन बीड़ा मांत गाड़ीस।”

जो सामळीन युसुफ कह्‌यु, “हव, तु कह्‌यु, तसुत मे करीस।”

तत्‌यार याकुब कह्‌यु, “ईनी वातेन करता तु सगुन खादु।” युसुफ सगुन खादु। तत्‌यार इस्‌राएल्‌यु खाटलान मुणका भीणी मुणको वाळ्‌यु ने युसुफ काजे तु बेसकु वारु कह्‌यु।

Bhilali Bible. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.

Full source notice & licence · CC BY-SA 4.0 · SourceEdition imported 2026-11-09.

BibleKenya

Reader settings

Theme
Font
Alignment
Reading width

Saved in this browser and used offline too. Press ? for keyboard shortcuts.