1 Tekwaro

Buk mukwongo me

TEKWARO

Lanyut wilok madito ma i buk man

Buk me Tekwaro me acel ki me aryo nwoyo tito kore ki kore gin ma obedo katime ma kicoyo i buk pa Camuel ki i buk pa Luker, ento dok tito ki i yo mapat. Jami aryo ma dongo kati kamaleng ma kwako tekwaro pa Luker pa jo Icrael ki kit ma kicoyo kwede i buk me Tekwaro.

1. Me acel nyutu ni kadi bed peko mapol opoto ikom ker me Icrael ki Juda, ento Lubanga pud omede ki gwoko kwong ma mere bot jo Icrael kun cobo tame ki kit tic ducu ma en bitiyo ki jo ma gibedo i Juda. Wek ocob yub pa Lubanga, lacoc oneno matut gin mabeco ma Daudi ki solomon gutiyo ki bene kare me alokaloka mabeco ma obedo ikare pa luker macalo Yekocapat, Kejekia ki Yocia kacel ki jo ma gucung matek ikom Lubanga pi niyegi.

2. Me aryo buk man tito kore ki kore acaki me woro Lubanga i Ot pa Lubanga i Jerucalem kun neno tutwale tic pa Ajwaki pa Lubanga ki Lulevi ma gin aye yubu dok telo lega me woro ducu mapatpat. Daudi tye ki nyutu macalo dano ma ocako teguti me Ot pa Lubanga ki woro ducu matye iye, kadi bed Solomon aye ogedo Ot pa Lubanga.

Lacim wilok madito ma i buk man

Tekwaro ki nying dano ma ki ryeyo

To pa Caulo

Loc pa Daudi

a. Ayelayela ki gin ma Daudi otimo maber

b. Yube me gedo Ot pa Lubanga