1 Tekwaro 7

Likwayo pa Icakar

1Lutino awobe pa Icakar obedo angwen gin aye: Tola, Puwa, Jacub ki Cimron. 2Lutino awobe pa Tola aye Uji, Repaya, Jeriel, Jamai, Ibcam ki Cemuel. Gin aye ludito kaka pa jo Tola ki i odi pa kwarigi ma gubedo twoni oteka lweny ki i yalwakgi. Ikare pa Daudi welgi nongo oromo alip pyere aryo wiye aryo ki miya abicel. 3Latin awobi pa Uji aye Ijrakia. Lutino awobe pa Ijrakia aye Mikael, Obadia, Joel ki Icia, gin kacel ki won gi Ijrakia gubedo ludito wi kaka. 4Ka dok onongo tye lwak buca mony pa lulweny ma kicoyo nyinggi ma lubu yalwakgi ma i dog odi pa kwarigi; welgi obedo alip pyere adek wiye abicel, pien onongo gitye ki mon mapol ki lutino awobe mapol. 5Lukakagi ma i dogola pa Icakar ducu onongo giromo twoni oteka lweny alip pyere aboro wiye abiro ma kicoyo nyinggi i buk me tekwarogi.

Likwayo pa Benjamin

6Lutino awobe pa Benjamin obedo adek, gin aye Bela, Beker ki Jediael. 7Lutino awobe pa Bela aye Ejibon, Uji, Ujiel, Jerimot ki Iri. Gin abic ducu gubedo ludito wi kaka ma i odi pa kwarigi, dok gin obedo twoni oteka lweny. Ikare mayam kicoyo nyinggi ibuk me tekwaro, welgi oromo alip pyere aryo wiye aryo ki pyere adek wiye angwen. 8Lutino awobe pa Beker gin aye Jemira, Yoaci, Eliejer, Elioenai, Omri, Jeremot, Abija, Anatot ki Alemet; jo magi ducu gin awobe pa Beker. 9Yam kicoyo nyinggi i buk me tekwaro ma lubu yalwakgi, kun gin gubedo ludito wi kaka i odi pa kwarigi, dok bene twoni oteka lweny. Welgi onongo romo alip pyere aryo ki miya aryo. 10Latin awobi pa Jediael aye Bilan. Lutino awobe pa Bilan aye Jeuc, Benjamin, Ekud, Kenaana, Jetan, Tarcic ki Akicakar. 11Magi ducu likwayo pa Jediael ma gin gubedo ludito kaka i odi pa kwarigi, gin bene gubedo twoni oteka lweny; welgi ducu oromo alip apar wiye abiro ki miya aryo ma onongo guyube maber pi lweny. 12Cupim ki Kupim gin aye lutino awobe pa Ir. Kucim obedo latin awobi pa Aker.

Likwayo pa Naputali

13Lutino awobe pa Naputali gin aye Jajiel, Guni, Jejer ki Calum, gin aye likwayo pa Bila.

Likwayo pa Manace

14Lutino awobe pa Manace aye Aciriel ki Makir ma obedo won Gilead. Gin aryo ducu lutino pa dako angecane ma anyira jo Aram. 15Makir onyomo dako ki Kupim ki Cupim bene. Nying lamine aye Maaka. Nying wode me aryone Jelopekad. Jelopekad onywalo anyira keken. 16Maaka ma dako pa Makir onywalo awobe aryo ma ocako nyinggi Perec ki Cerec. Lutino awobe pa Perec aye Ulam ki Rakem. 17Latin awobi pa Ulam aye Bedan. Magi gin likwayo pa Gilead wod pa Makir, ma wod pa Manace. 18Kamoleket ma lamin Gilead onywalo Icikod, Abiejer ki Makala. 19Lutino awobe pa Cemida gin aye Akian, Cekem, Liki ki Aniam.

Likwayo pa Epraim

20Likwayo pa Epraim gin aye Cutela ma wode Bered, ma wode Takat, ma wode Eleada, ma wode Takat, 21ma wode Jabad, ma wode Cutela. Lutino awobe mukene pa Epraim aye Ejer ki Elead ma jo Gat ma gin wegi lobo meno onekogi woko ikare ma awobe meno gucito ka yako dyangigi. 22Won gi Epraim obedo kakokogi pi kare malac, dok omegine bene gubino kakweyo cwinye. 23Lacen Epraim obutu ki dakone ci dako ogamo ic, ci onywalo wode. Ci wone ocako nyinge Beria, pien onongo can opoto i ode. 24Nyare obedo Ceera; en aye ogero taun me Bet-koron ma pinye ki ma malone, ki bene Ujen-ceera. 25Wod pa Beria aye Repa ma wode Recep, ma wode Tela, ma wode Takan, 26ma wode Ladan ma wode Amikud, ma wode Elicama, 27ma wode Nun, ma wode Yocwa. 28Lobogi ki kabedogi en aye Betel ki taun ma ingete, Naaran ma odok tung kunyango, ki Gejer matye tung kupotoceng, Cekem ki taun madito ma ingete, Aya ki taun ma ingete.

29Wang lobo pa jo Manace, aye Bet-cean ki taun madit ma ingete, Taanak ki taun ma ingete, Megiddo ki taun ma ingete, Dor ki taun ma ingete.

Likwayo pa Yucepu wod pa Icrael yam gubedo i kabedo magi ducu.

Likwayo pa Acer

30Lutino awobe pa Acer gin aye Imna, Iciva, Icivi, Beria ki Cera ma lamin gi. 31Lutino awobe pa Beria gin aye Keber ki Malkiel ma ocako taun madit me Bir-jait. 32Keber onywalo Japulet, Gomer, Kotam ki Cua ma lamin gi. 33Lutino awobe pa Japulet aye Racak, Bimal ki Acivat. 34Lutino awobe pa omine Cemer aye Roga, Jekuba ki Aram. 35Lutino awobe pa omine Keler gin aye Jopa, Imna. Celec ki Amal. 36Lutino awobe pa Jopa aye Cua, Karneper, Cual, Beri, Imra, 37Bejer, Kod, Camma, Ciloa, Itran ki Beera. 38Lutino awobe pa Jeter aye Jepune, Picpa ki Ara. 39Lutino awobe pa Ula aye Ara, Kaniel ki Rijia. 40Magi ducu obedo jo pa Acer, ma gubedo ludito kaka i odi pa kwarigi. Gin gubedo jo ma kiyerogi ma gitye twoni oteka lweny, kun gin bene lutela wi kaka. Ikare ma nongo kicoyo nyinggi pi tic me lweny, welgi onongo romo alip pyere aryo wiye abicel.