1 Tekwaro 8

Likwayo pa Benjamin

1Benjamin onywalo lutino awobe abic. Ma lube ki ditogi gin en aye: Bela, Acibel, Akara, 2Noka ki Rapia. 3Bela onywalo lutino awobe bene ma gin aye Adar, Gera, Abikud, 4Abicua, Naaman, Akoa, 5Gera, Cepupan ki Kuram. 6Magi aye likwayo pa Ekud; gin gubedo ludito kaka i odi pa kwarigi ikin jo mayam gibedo i Geba, ma kiterogi i opii wa i Manakat. Gin ene: 7Naaman, Akija ki Gera, ma en aye Keglam, ma obedo won Uja ki Akikud. 8Cakaraim onywalo lutino awobe i lobo Moab, ma dong otyeko ryemo mone Kucim ki Baara woko. 9En onywalo lutino awobe ki dakone Kedec, gin aye Jobab, Jibia, Meca, Malkam, 10Jeuj, Cakia ki Mirma. Magi aye lutino awobene ma gubedo ludito kaka i odi pa kwarigi. 11Cakaraim onywalo lutino awobe bene ki dakone Kucim, gin aye Abitub ki Elpaal. 12Lutino awobe pa Elpaal aye Eber, Micam ki Cemed. Cemed ogero taun madit me Ono, ki Lod, ki gangi ma ingetgi.

13Beria ki Cema aye gubedo ludito kaka i odi pa kwarigi ikin jo ma gubedo i Aijalon, ma guryemo jo mayam gubedo i Gat woko. 14Akio, Cacak, Jeremot, 15Jebedia, Arad, Eder, 16Mikael, Icipa ki Joka gin aye likwayo pa Beria.

Jo Benjamin ma i Jerucalem

17Likwayo pa Elpaal aye gubedo: Jebadia, Meculam, Kijiki, Keber, 18Icimerai, Ijilia ki Jobab. 19Likwayo pa Cimei gin aye: Jakim, Jikri, Jabdi, 20Elienai, Jiletai, Eliel, 21Adaya, Beraya ki Cimrat. 22Likwayo pa Cacak gin aye: Icipan, Eber, Eliel, 23Abudon, Jikri, Kanan, 24Anania, Elam, Antotija, 25Ipedaya ki Penuel. 26Likwayo pa Jerokam gin aye: Camcerai, Cekaria, Atalia, 27Jarecia, Eliya ki Jikri. 28Jo magi gubedo ludito kaka i odi pa kwarigi i yalwakgi. Gin rwodi madito, ma gin ducu gubedo i Jerucalem.

Jo Benjamin ma gitye i Gibeon ki i Jerucalem

29Jeyel aye ocako taun madit me Gibeon kama en obedo iye. Nying dakone Maaka. 30Latin awobine me kayo aye Abudon, ka dok Jur, Kic, Baal, Nadab, 31Gedor, Akio, Jeker, 32ki Miklot, ma en aye won Cimea. Jo magi ducu yam bene gubedo kacel ki lukakagi kun gibedo cokcok ki lukakagi ma gitye kabedo i Jerucalem. 33Ner onywalo Kic, Kic onywalo Caulo, Caulo onywalo Yonacan, Malkicua, Abinadab, ki Ecibaal. 34Yonacan onywalo Meribaal, Meribaal onywalo Mika. 35Lutino awobe pa Mika gin aye Piton, Melek, Tarea ki Akaj. 36Akaj onywalo Yekoada, Yekoada onywalo Alemet, Ajimavet ki Jimri. Jimri onywalo Moja, 37Moja onywalo Binea ma wode Rapa, ma wode Eleaca, ma wode Ajel. 38Ajel yam tye ki lutino awobe abicel ma nyinggi ene: Ajrikam, Bokeru, Icmael, Cearia, Obadia ki Kanan. Jo magi ducu aye lutino awobe pa Ajel. 39Lutino awobe pa omine Ecek gin ene: Ulam ma latin kayone, me aryone Jeuc, me adeke Elipelet. 40Lutino awobe pa Ulam mayam gin twoni oteka lweny, wegi atum, ma lutino awobegi ki likwayogi onongo pol mada, gin ducu miya acel ki pyere abic. Jo magi ducu gin ducu jo me kaka pa Benjamin.