1 Tekwaro 6

Likwayo pa Levi

1Lutino awobe pa Levi gin aye Gercom, Kokat ki Merari. 2Lutino awobe pa Kokat gin aye Amram, Ijur, Kebron ki Ujiel. 3Lutino pa Amram gin aye Aron, Moses ki Miriam. Lutino awobe pa Aron gin aye Nadab, Abiu, Eleajar ki Itamar. 4Eleajar onywalo Finekaci, Finekaci onywalo Abicua, 5Abicua onywalo Bukki, Bukki onywalo Uji, 6Uji onywalo Jerakia, Jerakia onywalo Merayot, 7Merayot onywalo Amaria, Amaria onywalo Akitub, 8Akitub onywalo Jadok, Jadok onywalo Akimaj, 9Akimaj onywalo Ajaria, Ajaria onywalo Yokanan, 10Yokanan onywalo Ajaria, ma en aye obedo ajwaka ma otiyo i Ot pa Lubanga mayam Solomon ogero i Jerucalem. 11Ajaria onywalo Amaria, Amaria onywalo Akitub, 12Akitub onywalo Jadok, Jadok onywalo Calum, 13Calum onywalo Ilkia, Ilkia onywalo Ajaria, 14Ajaria onywalo Ceraya, Ceraya onywalo Yekojadak. 15Yekojadak kitero woko i opii ikare ma Rwot omiyo Nebukadnejar otero jo Juda ki jo Jerucalem i opii. 161

Lutino awobe pa Levi aye Gercom, Kokat ki Merari. 17Magi aye nyig lutino awobe pa Gercom: Libni ki Cimei. 18Lutino awobe pa Kokat gin aye Amram, Ijar, Kebron ki Ujiel. 19Lutino awobe pa Merari aye Makali ki Muci. Magi aye dogola pa jo Levi, ma lubu kwarigi. 20Likwayo pa Gercom gin ene: Gercom onywalo wode Libni, Libni onywalo Jakat, Jakat onywalo Jima, 21Jima onywalo Joa, Joa onywalo Iddo, Iddo onywalo Jera, Jera onywalo Jeaterai. 22Likwayo pa Kokat gin ene: Kokat onywalo wode Aminadab, Aminadab onywalo Kora, Kora onywalo Acir, 23Acir onywalo Elkana, Elkana onywalo Ebiacap, Ebiacap onywalo Acir, 24Acir onywalo Takat, Takat onywalo Uriel, Uriel onywalo Ujia, Ujia onywalo Kaul. 25Likwayo pa Elkana gin aye Amacai ki Akimot, 26ma wode Elkana, Elkana onywalo Jopai, Jopai onywalo Nakat, 27Nakat onywalo Eliab, Eliab onywalo Jerokam, Jerokam onywalo Elkana. 28Lutino awobe pa Camuel gin aye Joel ma latin kayone, ki me aryone Abija. 29Likwayo pa Merari gin ene: Merari onywalo Makali, Makali onywalo Libni, Libni onywalo Cimei, Cimei onywalo Uja, 30Uja onywalo Cimea, Cimea onywalo Kagia, Kagia onywalo Acaya.

Luwer i Ot pa Lubanga ma Daudi oketogi

31Magi aye jo ma Daudi oketogi me loyo tic me wer i Ot pa Lubanga, ikare ma kitero Canduk pa Rwot ci kiketo obedo iye. 32Ticgi obedo me wer inyim kema, ma en aye Kema me Rwate, nio wa ikare ma Solomon dong ogero Ot pa Rwot i Jerucalem. Gubedo katiyo ticgi kun gilubu cik ma kimiyogi. 33Magi aye nyig dano ma gutiyo tic meno, ki nyig likwayogi. Likwayo pa Kokat gin ene: Eman ma lawer, ma wod pa Joel, wod pa Camuel, 34wod pa Elkana, wod pa Jerokam, wod pa Eliel, wod pa Toa, 35wod pa Jup, wod pa Elkana, wod pa Makat, wod pa Amacai, 36wod pa Elkana, wod pa Joel, wod pa Ajaria, wod pa Jepania, 37wod pa Takat, wod pa Acir, wod pa Ebiacap, wod pa Kora, 38wod pa Ijar, wod pa Kokat, wod pa Levi, wod pa Icrael; 39ki omine Acap mayam cung kangete tung bade ma lacuc. Acap obedo wod pa Berekia, wod pa Cimea, 40wod pa Mikael, wod pa Baaceya, wod pa Malkija, 41wod pa Etini, wod pa Jera, wod pa Adaya, 42wod pa Etan, wod pa Jima, wod pa Cimei, 43wod pa Jakat, wod pa Gercom, wod pa Levi.

44Omegigi ma likwayo pa Merari yam gicung tung lacam; gin ene: Etan wod pa Kici, wod pa Abdi, wod pa Maluk, 45wod pa Kacabia, wod pa Amajia, wod pa Ilkia, 46wod pa Amji, wod pa Bani, wod pa Cemer, 47wod pa Makali, wod pa Muci, wod pa Merari, wod pa Levi. 48Yam kiketo omegigi mukene ma gin Lulevi me tiyo tic ducu ma i kema, ma en aye Ot pa Lubanga.

Likwayo pa Aron

49Ento Aron ki awobene aye gityero gityer iwi keno tyer me gitum awanga, ki i keno tyer me wango odok eceta. Gin aye onongo gitiyo tic ducu ma i Kabedo Maleng Makato ducu, ki tic me kwanyo bal ki ikom jo Icrael, kit ma Moses latic pa Lubanga yam ociko kwede ducu. 50Magi aye likwayo pa Aron: en onywalo wode Eleajar, ma wode Finekaci, ma wode Abicua, 51ma wode Bukki, ma wode Uji, ma wode Jerakia, 52ma wode Merayot, ma wode Amaria, ma wode Akitub, 53ma wode Jadok, ma wode Akimaj.

Kama Lulevi bedo iye

(Yoc 21:1-42)

54Magi aye kabedo kama likwayo pa Aron ma i dogola pa jo Kokat yam gubedo iye, ma oporo kit bedogi ki wang lobogi, kit ma kibolo kwir opoto kwede. 55Yam kimiyo bot Lulevi Kebron matye i lobo Juda, kacel ki olet ma orumu ducu. 56Poti ki gangi ducu matye pi taun madit meno, kimiyogi ducu bot Kaleb wod pa Jepune. 57Ka dok likwayo pa Aron kimiyo botgi Kebron ma en aye taun madit me laro lunek dano, Libna ki olete bene, Jatir, Ectemoa ki olete, 58Kilen ki olete, Debir ki olete, 59Acan ki olete, ki Bet-cemec ki olete. 60Ka dok kimiyo botgi taun magi ma kikwanyo ki i lobo pa kaka me Benjamin: Geba ki olete, Alemet ki olete, Anatot ki olete. Kitmeno taun ma i dogolagi ducu onongo giromo apar wiye adek.

61Jo Kokat mudonge kipoko botgi kun kibolo kwir taun apar ma tung kupotoceng i lobo pa nucu Manace. Taun magi kikwanyogi ki bot kaka pa Manace. 62Jo Gercom kimiyo botgi taun apar wiye adek macalo dogolagi tye, ma kikwanyo ki i kaka pa Icakar, Acer, Naputali ki Manace i lobo Bacan. 63Jo Merari kimiyo botgi taun apar wiye aryo macalo dogolagi tye, ma kikwanyo ki i kaka pa Reuben, Gad ki Jabulon. 64Kitmeno jo Icrael gumiyo taun bot jo Levi kacel ki oletgi ducu, wek gubed iye. 65Gumiyo botgi taun me Cimeon ki Benjamin ma kikwanyogi ki bot kaka pa Juda, kun kibolo kwir. 66Ka dok dogola mogo pa likwayo pa Kokat kimiyo botgi taun ma kikwanyo ki bot kaka pa Epraim. 67Kimiyo botgi Cekem ma en aye taun madit me laro lunek dano ma i lobo godi me Epraim, ki olete, Gejer ki olete, 68Jokmeam ki olete, Bet-koron ki olete, 69Aijalon ki olete, Gat-rimmon ki olete. 70Ka dok dogola pa jo Kokat mudonge ducu kimiyo botgi gangi magi ma kikwanyo ki bot nucu kaka pa Manace: Aner ki olete, Bileam ki olete.

71Jo pa Gercom kimiyo botgi taun magi ma kikwanyo ki bot nucu kaka pa Manace: Golan ma i Bacan ki olete, Acitarot ki olete. 72Ka dok taun magi ma kikwanyo ki bot kaka pa Icakar: Kedec ki olete, Daberat ki olete, 73Ramot ki olete, Anem ki olete. 74Ka dok taun magi ma kikwanyo ki bot kaka pa Acer: Macal ki olete, Abudon ki olete, 75Kukok ki olete, Rekob ki olet. 76Ka dok taun magi ma kikwanyo ki bot kaka pa Naputali: Kedec ma i Galilaya ki olete, Kamon ki olete, Kiriataim ki olete. 77Jo pa Merari mudonge kimiyo botgi taun magi ma kikwanyo ki bot kaka pa Jabulon kun kibolo kwir: Rimmono ki olete, Tabor ki olete. 78Ka dok i loka kulu Jordan tung kunyango macok ki Jeriko kimiyo botgi taun madito magi ma kikwanyo ki bot kaka pa Reuben: Bejer ma i tim aroo kacel ki olete, Jaja ki olete, 79Kedemot ki olete, Mepaat ki olete. 80Ka dok taun madito magi ma kikwanyo ki bot kaka pa Gad: Ramot ma i Gilead ki olete, Makanaim ki olete, 81Kecbon ki olete, Jajer ki olete.