1 Tekwaro 5

Likwayo pa Reuben

11

Man lok kom likwayo pa Reuben ma latin kayo pa Icrael. Reuben aye latin kayo, ento otimo kir pi bedo ki ciwone. Pimeno twero me dite me anywali kimiyo bot lutino awobe pa Yucepu, wod pa Icrael. 22Dok kadi bed Juda yam obedo oteka ikin omegine, dok laker bene ononge ki ikin likwaye, ento dit me anywali onongo tye bot Yucepu. 3Lutino awobe pa Reuben ma latin kayo pa Icrael gin aye Kanok, Pallu, Kejeron ki Karmi. 43

Lutino awobe pa Joel gin ene: Joel onywalo wode Cemaya, Cemaya onywalo wode Gog, Gog onywalo wode Cimei, 5Cimei onywalo wode Mika, Mika onywalo wode Re-aya, Re-aya onywalo wode Baal, 6Baal onywalo wode Beera mayam Tiglat-pilecer rwot me Aciria obino omako otero woko i opii; en yam obedo ladit pa jo Reuben.

7Lukakagi yam kicoyo tekwarogi kun lubu yalwakgi ki dogolagi, gin ene: laditgi Jeyel, ki Jekaria, 8ki Bela wod pa Ajaj ma wod pa Joel; en yam bedo i Aroer, ma lobone oo wa i Nebo ki Baal-meon. 9En yam obedo bene tung kunyango ma lobone o wa i dog tim ma inget kulu Euprate tung aroo, pien onongo dong leegi onya madwong i lobo Gilead. 10Ikare pa Caulo jo pa Reuben gubedo kalweny ki jo Agri ci gunekogi, ka gucako bedo i kemagi i lobo ducu ma inget lobo Gilead tung kunyango.

Likwayo pa Gad

11Likwayo pa Gad gubedo i lobo Bacan nio kwede wa i Caleka, kun gukeme ki jo Reuben. 12Joel obedo laditgi, me aryone, Capamo, Janai ki Capat bene gubedo i Bacan. 13Lukakagi gupoke i dogola mapatpat: ma kwarigi obedo Mikael, Meculam, Ceba, Jorai, Jakan, Jia ki Eber, ma gin ducu abiro. 14Magi aye gubedo likwayo pa Abikail wod pa Kuri, ma wod pa Jaroa, wod pa Gilead, wod pa Mikael, wod pa Jecicai, wod pa Jado, wod pa Buj. 15Aki wod pa Abdiel ma wod pa Guni, en aye obedo ladit maloyo dog odi pa kwarigi. 16Gin gubedo i Gilead, i Bacan ki i gangi ma i lobo meno, ki i kakwat ducu ma i lobo Caron, nio wa iwang lobo kikome. 17Jo magi ducu kicoyo nyinggi ikare pa Yocam rwot me Juda, ki ikare pa Jeroboam rwot me Icrael.

Lok kom lumony ma tung kunyango

18Jo pa Reuben, jo pa Gad, ki nucu kaka pa Manace yam gitye ki twoni oteka lweny ma gitye ki kwotgi ki pala lucwangi, ma gitelo atumgi bene, ma gin oyita lweny, dano alip pyere angwen wiye angwen, ki miya abiro ki pyere abicel ma guyube pi lweny. 19Gulwenyo ki Jekur, Napic ki Nodab, ma gin jo Agri. 20Lubanga okonyogi obedo kalweny kwedgi, pien gukok bote ikare ma gilwenyo, ci en oye legagi pien onongo gigene, ci omiyo jo Agri ki lwakgi ducu i cinggi. 21Guyako leegi makwo maromo man: kinaga alip pyere abic kulu, romi alip miya aryo ki pyere abic, ki kana alip aryo, kacel ki dano alip miya acel ma kiyakogi makwo. 22Gin guneko jo mapol, pien monye obedo i miti pa Lubanga. Ci gubedo i lobo pa jonu nio wa ikare ma kiterogi woko i opii.

23Jo me nucu kaka pa Manace gubedo i lobo meno. Gubedo jo mapol mada cake ki i lobo Bacan nio kwede wa i Baal-kermon, Cenir ki got Kermon.

24Magi aye ludito wi kaka ma i odi pa kwarigi: Eper, Ici, Eliel, Ajriel, Jeremia, Kodavia ki Jadiel, ma gin twoni oteka lweny ma nyiggi oywek, ma gin aye ludito i odi pa kwarigi.

Kitero kaka ma tung kunyango i opii

25Ento onongo jonu gungayo wang Lubanga pa kwarigi, pien gubedo ka woro lubanga pa jo me lobo meno, ma gin aye jo ma Lubanga yam otyekogi woko ki i nyimgini. 264Pimeno Lubanga opiyo Pul rwot me Aciria, ma en aye Tiglat-pilecer rwot me Aciria, ci oterogi i opii, gin aye jo Reuben, jo Gad ki nucu kaka pa jo Manace. En oterogi wa i Kalak, Kabor, Kara ki i kulu Gojan, ma pud gitye kunu nio wa onyo.