1 Tekwaro 25

Luwer me Ot pa Lubanga

1Daudi ki ludito maloyo tic guyero me miyo tic me telo woro bot jo mogo ma ikin likwayo pa Acap, pa Eman ki pa Jedutun, wek gutit lok pa Lubanga macalo lunebi ki gugo opuk ki nanga ki atego agoyagu. Nying jo mayam gitiyo tic man, ki dog ticgi gin ene: 2ikin lutino pa Acap, Jakur, Yucepu, Netania ki Acarela, ma lutino pa Acap, Acap aye telogi i wer, kun tito lok ma a ki bot Lubanga, ite cik pa rwot. 3Lutino pa Jedutun gin Gedalia, Jeri, Jecaya, Cimei, Kacabia ki Matitia, gin abicel, ma won gi Jedutun aye telogi i wer, kun tito lok ma a ki bot Lubanga kun goyo opuk pi miyo pwoc bot Rwot. 4Lutino pa Eman gin Bukia, Matania, Ujiel, Cebuel, ki Jerimot, Anania, Kanani, Eliata, Gidalti, ki Romamtiejer, Jocebekaca, Maloti, Kotir ki Makajiot. 5Magi ducu aye lutino pa Eman ma lanen pa rwot, macalo Lubanga yam ociko bote ni ebipilo wiye; pien Lubanga omiyo ki Eman lutino awobe apar wiye angwen ki anyira adek. 6Gin ducu yam won gi aye telogi i wer i Ot pa Rwot, kun giwero ki atego agoya, nanga ki opuk pi konyo lega ma i Ot pa Lubanga. Acap, Jedutun ki Eman yam gitiyo ite loc pa rwot Daudi. 7Wel jo man kiribo ki utmegigi mayam gipwonyogi pi wer bot Rwot, jo ducu mayam luryeko onongo giromo miya aryo ki pyere aboro wiye aboro. 8Gin ducu kipokogi i dog tic kun gibolo kwir, kun jo matino ki jo madito, lupwony ki jo ma gipwonyogi, gitimogi ducu ma romrom.

9Kwir mukwongo opoto ikom Yucepu, ma jo pa Acap; me aryone opoto ikom Gedalia, ci okwako en ki omegine, ki lutino awobene, gin ducu apar wiye aryo. 10Me adeke opoto ikom Jakur kacel ki lutino awobene ki omegine, gin ducu apar wiye aryo. 11Me angwene opoto ikom Ijri kacel ki lutino awobene ki omegine, gin ducu apar wiye aryo. 12Me abice opoto ikom Netania kacel ki lutino awobene ki omegine, gin ducu apar wiye aryo. 13Me abicele opoto ikom Bukia kacel ki lutino awobene ki omegine, gin ducu apar wiye aryo. 14Me abirone opoto ikom Jecarela kacel ki lutino awobene ki omegine, gin ducu apar wiye aryo. 15Me aborone opoto ikom Jecaya kacel ki lutino awobene ki omegine, gin ducu apar wiye aryo. 16Me abongwene opoto ikom Matania kacel ki lutino awobene ki omegine, gin ducu apar wiye aryo. 17Me apare opoto ikom Cimei kacel ki lutino awobene ki omegine, gin ducu apar wiye aryo. 18Me apar wiye acele opoto ikom Ajarel kacel ki lutino awobene ki omegine, gin ducu apar wiye aryo. 19Me apar wiye aryone opoto ikom Kacabia kacel ki lutino awobene ki omegine, gin ducu apar wiye aryo. 20Me apar wiye adeke opoto ikom Cubael kacel ki lutino awobene ki omegine, gin ducu apar wiye aryo. 21Me apar wiye angwene opoto ikom Matitia kacel ki lutino awobene ki omegine, gin ducu apar wiye aryo 22Me apar wiye abice opoto ikom Jeremot kacel ki lutino awobene ki omegine, gin ducu apar wiye aryo. 23Me apar wiye abicele opoto ikom Anania kacel ki lutino awobene ki omegine, gin ducu apar wiye aryo. 24Me apar wiye abirone opoto ikom Jocebekaca kacel ki lutino awobene ki omegine, gin ducu apar wiye aryo. 25Me apar wiye aborone opoto ikom Kanani kacel ki lutino awobene ki omegine, gin ducu apar wiye aryo. 26Me apar wiye abongwene opoto ikom Maloti kacel ki lutino awobene ki omegine, gin ducu apar wiye aryo. 27Me pyere aryone opoto ikom Eliata kacel ki lutino awobene ki omegine, gin ducu apar wiye aryo. 28Me pyere aryo wiye acele opoto ikom Kotir kacel ki lutino awobene ki omegine, gin ducu apar wiye aryo. 29Me pyere aryo wiye aryone opoto ikom Gidalti kacel ki lutino awobene ki omegine, gin ducu apar wiye aryo. 30Me pyere aryo wiye adeke opoto ikom Makajiot kacel ki lutino awobene ki omegine, gin ducu apar wiye aryo. 31Me pyere aryo wiye angwene opoto ikom Romamtiejer kacel ki lutino awobene ki omegine, gin ducu apar wiye aryo.