1 Tekwaro 1

Likwayo pa Adam

(Aca 5:1-32; 10:1-32; 11:10-26)

1Adam onywalo Ceji, Ceji onywalo Enoci, Enoci onywalo Kenan; 2Kenan onywalo Maalalel, Maalalel onywalo Jared. 3Jared onywalo Enoka, Enoka onywalo Metucela, Metucela onywalo Lamek. 4Lamek onywalo Nua, Nua onywalo Cem, Kam ki Yafeci.

5Lutino awobe pa Yafeci aye Gomer, Magog, Madai, Javan, Tubal, Mecek ki Tirac. 6Lutino awobe pa Gomer aye Acikenaj, Ripat ki Togarma. 7Lutino awobe pa Javan gin aye Elica, Tarcic, Kitim ki Dodanim.

8Lutino awobe pa Kam gin aye Kuc, Ejipt, Put ki Kanaan. 9Lutino awobe pa Kuc aye Seba, Kavila, Cabta, Raama ki Cabteka, Lutino awobe pa Raama gin aye Ceba ki Dedan. 10Kuc onywalo mere Nimurod; en aye okwongo bedo oteka iwi lobo.

11Likwayo pa Ejipt gin aye jo Lud, jo Anam, jo Leab, jo Naptuk, 12jo Patruc, jo Kacluk ki jo Kaptor, ma gin aye kaka ma jo Piliciti gua ki ikomgi.

13Kanaan onywalo Cidon, latin kayone, ki Ket ma likwaye kilwongo ni jo Kit. 14Likwayo mukene pa Kanaan gin aye jo Jebuc, jo Amor, jo Girgac, 15jo Kiv, jo Arki, jo Cin, 16jo Arvad, jo Jemar ki jo Kamat.

17Lutino awobe pa Cem gin aye Elam, Acur, Arpakcad, Lud, Aram, Uj, Kul, Geter ki Mecek. 18Arpakcad onywalo Cela, Cela onywalo Eber, 19Eber onywalo lutino awobe aryo; acel nyinge Peleg, pien ikarene aye kipoko iye lobo, ki nying omine onongo Yokotan. 20Yokotan onywalo Almodad, Celep, Kajarmavet, Jera, 21Adoram, Ujal, Dikla, 22Obal, Abimael, Ceba, 23Opir, Kavila ki Jobab; magi ducu gin lutino awobe pa Yokotan.

24Cem onywalo Arkpacad, Arpakcad onywalo Cela, Cela onywalo Eber, 25Eber onywalo Peleg, Peleg onywalo Reu, Reu onywalo Cerug, 26Cerug onywalo Nakor, Nakor onywalo Tera, 27Tera onywalo Abram (ma en aye Abraim).

Likwayo pa Icmael ki pa Ketura

(Aca 25:12-16)

28Lutino awobe pa Abraim gin aye Icaka ki Icmael. 29Lutino pa Icmael gin ene: Nebaiot ma latin kayone, ki Kedar, Adbeel, Mibcam, 30Micima, Duma, Maca, Adad, Tema, 31Jetur, Napic ki Kedema. Jo magi ducu aye lutino awobe pa Icmael.

32Lutino awobe pa Ketura ma obedo dako pa Abraim ma angecaneni gin ene: Ketura onywalo Jimran, Yokocan, Medan, Midian, Icibak ki Cua. Lutino awobe pa Yokocan gin aye Ceba ki Dedan. 33Lutino awobe pa Midian gin aye Epa, Eper, Kanok, Abida ki Eldaa. Magi ducu aye likwayo pa Ketura.

Likwayo pa Ecau

(Aca 36:1-19)

34Abraim onywalo Icaka. Lutino awobe pa Icaka gin aye Ecau ki Icrael. 35Lutino awobe pa Ecau aye Erifaji, Reuel, Jeuc, Jalam ki Kora. 36Lutino awobe pa Erifaji aye Teman, Omar, Jepi, Gatam, Kenaj, Timna ki Amalek. 37Lutino awobe pa Reuel gin Nakat, Jera, Camma ki Mija.

Jo ma gukwongo bedo i lobo Edom

(Aca 36:20-30)

38Jo mayam gukwongo bedo i lobo Edom aye gin likwayo pa Ceir. Nyingi ene: Lotan, Cobal, Jibeon, Anga, Dicon, Ejer ki Dican. 39Lutino awobe pa Lotan aye Kori ki Komam. (Lamin Lotan obedo Timna). 40Lutino awobe pa Cobal gin aye Alian, Manakat, Ebal, Cepi ki Onam. Lutino awobe pa Jibeon aye Aiya ki Ana. 41Awobi pa Ana aye Dicon. Lutino awobe pa Dicon aye Kamram, Eciban, Itran ki Keran. 42Lutino awobe pa Ejer aye Bilan, Jaavan ki Jaakan. Lutino awobe pa Dican aye Uj ki Aran.

Luker me Edom

(Aca 36:31-43)

43Magi aye luker ma guloyo lobo Edom ma onongo pud peya rwot mo oloyo jo Icrael: Bela wod pa Beor ma nying gang kale Dinkaba. 44Ka Bela oto, ci Jobab wod pa Jera me Bojra oleyo katyene. 45Ka Jobab oto, ci Kucam ma oa ki i lobo pa jo Teman oleyo katyene. 46Ka Kucam oto, ci Adad wod pa Bedad oleyo katyene. En aye yam olwenyo ki jo Midian, ci oloyogi i lobo Moab; nying gang kale aye Avit. 47Ka Adad oto, ci Camla me Macireka oleyo katyene. 48Ka Camla oto, Caul me Rekobot matye i dog kulu Euprate oleyo katyene. 49Ka Caul oto, ci Baal-kanan wod pa Akbor oleyo katyene. 50Ka Baal-kanan oto, ci Adad oleyo katyene; nying gang kale Pai. Nying dakone Meketabel nya pa Matred, ma nya pa Mejakab. 51Lacen Adad oto woko. Inge to pa Adad, ludito wi kaka ma oloyo Edom gin ene: Timna, Alia, Jetet, 52Okolibama, Ela, Pinon, 53Kenaj, Teman, Mibjar, 54Magdiel ki Iram. Magi aye rwodi ki ludito wi kaka ma i Edom.