1 Tekwaro 2

Lutino awobe pa Icrael

(Aca 35:22-26)

1Magi aye lutino awobe pa Icrael: Reuben, Cimeon, Levi, Juda, Icakar, Jabulon, 2Dan, Yucepu, Benjamin, Naputali, Gad ki Acer.

Likwayo pa Juda

3Lutino awobe pa Juda gin aye Er, Onan ki Cela. Lutino co adek magi, Bat-cua ma nya jo Kanaan aye onywalogi. Er ma en aye latin kayo pa Juda obedo dano marac iwang Rwot, ma omiyo Rwot oneke woko. 4Juda onywal ki ciwode Tamar lutino co aryo, Perej ki Jera. Lutino awobe pa Juda gin ducu obedo abic.

5Lutino awobe pa Perej gin aye Kejeron ki Kamul. 6Lutino awobe pa Jera aye Jimri, Etan, Eman, Kalkol ki Dara, gin ducu abic. 71Latin awobi pa Karmi en aye Akan mayam layel jo Icrael, pi kano jami ma dong kidyero woko bot Rwot. 8Wod pa Etan obedo Ajaria.

9Lutino awobe pa Kejeron ma en onywalo gin aye Jeramel, Ram ki Kelubai. 10Ram onywalo Aminadab, Aminadab onywalo Calma, 11Calma onywalo Boaj, 12Boaj onywalo Obed, Obed onywalo Yece, 13Yece onywalo Eliab ma latin kayone, me aryone Abinadab, me adeke Cimea, 14me angwene Netanel, me abice Radai, 15me abicele Ojem, me abirone Daudi. 16Lumegigi gin aye Jeruya ki Abigail. Jeruya obedo ki awobe adek gin aye Abicai, Joab ki Acael. 17Abigail onywalo Amaca; won Amaca obedo Jeter ma jo Icmael.

18Kaleb wod pa Kejeron onywalo Jeriot ki dakone Ajuba. Lutino awobe pa Ajuba gin aye Jecer, Cobab ki Ardon. 19Ka Ajuba oto, Kaleb onyomo Eprat ma onywalo Kur. 20Kur onywalo Uri, Uri onywalo Bejalel.

21Lacen Kejeron obedo ki nya pa Makir ma won Gilead. En onyomo ma onongo mwaka me dite romo pyere abicel. Ci dako meno onywalo Cegub. 22Cegub onywalo Jair mayam loyo taun madito pyere aryo wiye adek i lobo Gilead. 23Ento jo Gecur ki jo Aram gumayo taun me Jair ki bot wegine, kacel ki Kenat ki taun matinotino ma ingete, taun ducu pyere abicel. Jo magi ducu gin likwayo pa Makir ma won Gilead. 24Ka Kejeron dong oto, ci Kaleb obedo ki Eprata ma ciwone dako pa Kejeron, ci onywalo kwede Acikur ma ocako taun Tekoa.

25Lutino awobe pa Jeramel ma latin pa Kejeron gin aye Ram ma latin kayone, ki Bunga, Oren, Ojem ki Akija. 26Jeramel onongo tye ki dakone mukene bene ma nyinge Atara; en aye min Onam 27Lutino awobe pa Ram ma latin kayo pa Jeramel gin aye Naaj, Jamin ki Eker. 28Lutino awobe pa Onam gin aye Camai ki Jada. Lutino awobe pa Camai aye Nadab ki Abicur. 29Nying dako pa Abicur obedo Abikail; en aye onywalo Aban ki Molid. 30Lutino awobe pa Nadab gin aye Celed ki Apaim. Celed oto ma pe ki latin mo. 31Latin awobi pa Apaim aye Ici. Latin awobi pa Ici aye Cecan. Latin awobi pa Cecan en aye Aklai. 32Lutino awobe pa Jada ma omin Camai gin aye Jeter ki Yonacan; Jeter oto ma pe ki latin mo. 33Lutino awobe pa Yonacan gin aye Pelet ki Jaja. Jo magi ducu gin likwayo pa Jeramel. 34Cecan yam pe ki lutino awobe; onywalo anyira keken. Ento Cecan onongo tye ki opiine ma Laejipt ma nyinge Jara. 35Cecan omiyo nyare bot opiine Jara, ci onywalo kwede Atai. 36Atai onywalo Natan, Natan onywalo Jabad. 37Jabad onywalo Eplal, Eplal onywalo Obed, 38Obed onywalo Yeko, Yeko onywalo Ajaria. 39Ajaria onywalo Kelej, ki Kelej onywalo Eleaca, 40Eleaca onywalo Cicimai, ki Cicimai onywalo Calum. 41Calum onywalo Jekamia, Jekamia onywalo Elicama.

42Lutino awobe pa Kaleb ma omin Jeramel gin ene: Meca ma latin kayone obedo won Jip. Latin awobi pa Jip aye Mareca ma won Kebron. 43Lutino awobe pa Kebron aye Kora, Tapua, Rekem ki Cema. 44Cema onywalo Rakam ma won Jorkeam, Rekem onywalo Camai. 45Latin awobi pa Camai en aye Maon; Maon onywalo Bengur. 46Kaleb obedo ki dako ma angeca bene ma nyinge Epa; en aye onywalo Karan, Moja ki Gajej; Karan bene obedo ki wode ma nyinge Gajej. 47Lutino awobe pa Jadai gin aye Regem, Yocam, Gecan, Pelet, Epa ki Caap. 48Maaka ma dako pa Kaleb ma angeca onywalo Ceber ki Tirkana. 49Dako meno bene dok onywalo Caap ma ocako gang Madmana, ki Ceva ma ocako gangi Makbena ki Gibea, Akaca obedo nya pa Kaleb. 50Jo man ducu gin likwayo pa Kaleb. Lutino awobe pa Kur ma latin kayo pa dakone Eprata, gin aye Cobal ma ocako taun madit ma kilwongo ni Kiriat-jearim. 51Calma aye ocako Beterekem, ki Karep aye ocako Bet-gader. 52Likwayo pa Cobal ma ocako Kiriat-jearim gin aye jo Karoe ki nucu pa jo Menukot. 53Ludogola me kaka pa jo Kiriat-jearim gubedo jo man: gin aye jo Itri, jo Put, jo Cumat ki jo Micra; jo Jora ki jo Ectaol bene gua ki ikomgi. 54Likwayo pa Calma ma ocako taun me Beterekem gin aye jo Netopa, jo Atrotbet-joab, nucu pa jo Manakat, ki jo Jora. 55Kaka pa ludiro me coc ducu ma gibedo i Jabej gin aye jo Tira, jo Cimea ki jo Cuka. Magi aye jo Keni ma gubedo kanyome ki jo ma i dog ot pa Rekab.