احبار

احبار

پیش لفظ

احبار دی کتاب بنی اِسرائیل دیاں عبادتاں، نذراں، قُربانیاں تے مذہبی اصُولاں دے بارے ءچ بیان کریندی ہے۔ اِیندے ءچ کاہِناں کیتے خاص ہدایتاں ہِن کیوں جو زیادہ تر مذہبی کماں کُوں پورا کرݨ دے ذمہ دار اُوہو ہَن۔

کتاب دا مرکزی مضمون خُدا دی پاکیزگی ہے تےایہ وی جو بنی اِسرائیل کُوں کِینویں پاکیزگی نال عبادت کرنڑی تے زندگی گُزارنڑی ہے تاں جو او خُدا نال آپنڑا رشتہ قائم رکھ سگنڑ۔ اِیندے ءچ ایہ وی بیان کیتا گئے جو خُدا قُربانی دے خون دے ذریعے گُناہ دا کفارہ مُہیا کریندے۔

کتاب دے سبھ تُوں خاص الفاظ جِنہاں دا ذِکر یسوع مسیح وی کیتے، ایہ ہِن: آپنڑے ہمسائے نال آپنڑے وانگُوں محبت رکھ