उत्पत्ति

उत्पत्ति

दुनिया री शुरूआत

भूमिका

उत्पत्तिया रा मतलब ए शुरूआत। दुनिया खे बनाणा, माणूंआ री शुरूआत, एते दुनिया रे पाप ओर दु:खो री शुरूआत ओर परमेशरो रा माणूंआ साथे केड़ा बर्ताव था तिजी रा बखाण एते कताबा रे मिलोआ। उत्पत्तिया री कताबा खे दो खास पाअगो रे बांडी सकोए,

हालाँकि एसा कताबा रे लोका रा जिक्र ए, फेर बी ये कताब परमेशरो रे कामो रे बारे दे बताओई। इजी री शुरूआत ये मानणे ते ओई कि परमेशरे दुनिया बणाई ओर अन्त एस वादे साथे ओआ कि परमेशरो लगातार आपणे लोका री चिन्ता करदे रणा। एसा कताबा रे शुरूओ ते लई की आखरी तक करता-तरता परमेशर ईए, जो बुरा काम करने वाल़ेया खे कसूरबार ठराओआ ओर तिना खे सजा देओआ; से आपणे लोका खे सई बाटा रे चलाओआ ओर तिना री मताद करोआ ओर तिना रे इतियासो खे बणाई की राखोआ। ये कताब एकी जातिया रे विश्वासो रे बारे दे ओर तेस विश्वासो खे बणाई राखणे री मतादा खे लिखी राखी थी।

रूप-रेखा

दुनिया ओर माणूंआ खे बनाणा

पाप ओर दु:खो री शुरूआत

आदमो ते नूओ तक

नूह ओर जलजला

बेबीलोनो रा गुम्मट

शेमो ते अब्राहमो तक

कुलपति : अब्राहम, इसहाक ओर याकूब

एसावो रा खानदान

यूसुफ ओर तेसरे पाई

मिस्र प्रदेशो दे इस्राएली