Rasul

TOPANUSARA NANAPI RASUL PASIA

KAVO VERA USARA PA

Surat ninei ma surat veve muandu Lukasi vui paina e siopama surat Kavo Vesie vui ninei. Topanusara nanapi Rasul pasia sene nanaripi pai, nie umaja pai ma Lukasi tiopa ariri Allah nie Wainunu pai diedidini siniotu verausara Yesus pasia senggavo siepara Kavo Vesie pai nanapi Yesus “na Yerusalem, na Yudea vura, e Samaria, veito raso dunia nei vetutira”.

Surat ninei ma tiopanusara nanapi rabua rasul pasia setosasera so setopana Yesus nie aniau pasi, retena nana siniotu Yahudi pasia veito siniotu Yahudi va pasia, sesamuai marior pai tutiri esia semboru. Nana sene nanaripi jasi siona veito agama Kristen diosa e miesiepar so uta vetutira. Lukasi kota siesera so dionae viadiawa agama Kristen pasia sesanemitiar, toapa agama Kristen ninei ma ria vavoru nana agama Yahudi. Agama ninei kasa kior kariria so pareta Roma pai va.

Kavo umaja pa toru, asi kievorasi nana surat ninei. Nana sos toru ninei kievo ariri Wainunu Sren pai diono paja maso sia ave setopana Kavo Vesie pai nanapi Yesus tiopani pa tutiri nanapi agama Kristen ditosa pa, andi: (1) Retena Agama Kristen diosa na Yerusalem na rabua Yesus sia so rora wa to manau pa; (2) Agama Kristen miesiepar na uta Palestina; e (3) Agama Kristen miesiepar rawai ea wariri uta Rawana Rabua pai veito so uta Roma.

Vava atapua pa siri e veve umaja jani nana surat

Kavo veve umaja nana surat ninei

Rasul pasia senanaripi ariri topanusara Kavo Vesie pai

a. Syen Yesus diono nie pareta vemanau pai e arer pai

b. Setiri veriwa Yudasi

Topanusara na Yerusalem

Topanusara na Yudea e Samaria

Paulisi nie nanaripi

a. Paulisi nie rara retena so kievo siepara Kavo Vesie pai

b. Ruir pai na Yerusalem

c. Paulisi nie rara veve muandu ave kievo siepara Kavo Vesie pai

d. Paulisi nie rara veve toru so kievo siepara kavo Vesie pai

e. Paulisi siemuai bui pai na Yerusalem, Kaisarea, e Roma