Lulevi

Buk me adek pa Moses ma kilwongo

LULEVI

Lanyut wilok madito ma i buk man

Buk pa Lulevi opong ki cik malube ki yo me kelo ginatyera wa ki kit kwer mayam tye i lobo pa jo Icrael, ki tic ma ajwaki yam onongo gitiyo malube ki kit cik magi.

Lubaro ma pire tek i buk man en aye lengo pa Lubanga ma lapore pekeni wa ki kit yo ma dano omyero gubin kwede inyim Lubanga kawore wek gukwo kun pe gituru wat matye ikin gi ki “Lubanga man maleng pa Luicrael ma lapore pekeni.”

Lok mangene mukato kare matye i buk man, nonge i cura 19:18, en aye lok ma Yecu olwongo ni obedo cik madit me aryo ni: “Mar lawoti macalo imare keni.”

Lacim wilok madito ma i buk man

Cik ma mako mic ki ginatyera

Wiro Aron ki awobene macalo ajwaki

Cik ma mako kwer ikom gin maleng ki ikom gin ma keni

Nino me koko dano ki i bal

Cik mamiyo dano bedo ma opore i kwo ki me woro Lubanga