Lulevi 19

Cik ikom bedo jo maleng ki ngolo kop atir

1Rwot owaco bot Moses ni, 21“Wac bot lwak jo Icrael ducu ni, omyero wubed jo maleng, pien an Rwot Lubangawu aleng. 32Ngat acel acel ma ikinwu owor mine ki wone dok wugwok ceng Cabita ducu; An a Rwot Lubangawu. 43Pe wuloke wudok ka woro cal lubangagu, pe bene wutim cal me awora me nyonyo aliya pirwu kenwu. An a Rwot Lubangawu.

5Ka wutyero gitum mewu me gityer me berbedo bot Rwot, wubityero ikit mamiyo Lubanga ye gamowu. 6Kibicamo ringone inino ma wutumu iye, nyo orwone; ma odong nio wa inino me adeke kibiwango awanga ki mac. 7Kace dok pud kicamo inino me adeke, ci bedo gin me kwer; pe dong kibiye gamone. 8Ngat ma ocamoni bal bidok iwiye, pien nongo opyedo gin maleng pa Rwot; dano meno kibiryemo woko ki ikin jo Icrael. 94

Ka wukayo cam ma ocek i lobowu, pe wuka woko ducu nio wa inget potowu, pe dok wubed ka beko obote ma odong ikare me kac. 10Pe wupwon nyig olokwu wugwer ducu, pe bene wucok nyige ma opoto piny i poto olokwu; wubiwekogi pi konyo lucan ki lubedo. An a Rwot Lubangawu. 115

Pe wukwal kwo, pe wubwol dano, pe wulok lok goba ikinwu kekenwu. 126Pe wukwong kwong inyinga ki goba, mamiyo wupyedo nying Lubangawu. An a Rwot. 137

Pe ibur lawoti, pe imaa jamine.

Pe igale kaculu mucara pa lapakaca mo kadi pi dyewor acel. 148Pe iyet ladingit, pe iket gin mo i yoo ma twomo tyen latowang, ento lwor Lubangani. An a Rwot. 159

Pe wungol kop alenga; pe idwor kor lacan, pe idwor dano madit, ento ngol kop atir ikom lawoti. 16Pe ibed kawire ikin lutuwu ka kwoto nyinggi, pe ikel lok mo makelo to ikom lawoti. An a Rwot. 1710

Pe ikwer lawoti ki i cwinyi, ento juk lawoti ajuka, wek bale pe odok iwii. 1811Pe icul kwor, pe ibed ki akeca ikom ngat mo; ento mar lawoti macalo imare keni. An a Rwot. 1912

Wumak cika. Pe iwek leeni onywal ki kit lee mukene ma kite pat; pe ico kit kodi aryo mapatpat i poto acel; pe iruk bongo ma kicweyo ki kit uci aryo mapatpat.

20Ka laco mo obutu ki dako ma angeca ma ngat mukene mito nyomo, ma peya kikoko nyo peya kigonyo woko ki i opii, kibilaro kope ento pe kibinekogi, pien dako onongo pe lone kene. 21Laco bikelo gitum me aliine bot Rwot i dogola Kema me Rwate, nyok romo me gitum me tingo alii. 22Ajwaka bitimo gin lakwany bal ki ikome inyim Rwot ki nyok romo me gitum me tingo alii, pi bal ma en otimoni, ci Lubanga biweko bale.

23Ka dong wuo i lobonu, ce wupito iye kwayi yadi ducu me acama, myero wunge ni kijuku ni nyige peya kicamo; kibijukuwu camone pi mwaka adek. 24I mwaka me angwene nyige ducu bibedo maleng, kibityero me miyo pwoc bot Rwot. 25Ento i mwaka me abice wutwero camo nyige, wek yadiwu gunyak ki wun nyiggi madwong. An a Rwot Lubangawu. 2613

Pe wucam ringo mo matye ki remo ikome. Pe wutyet tyet, pe wubed luyer war. 2714Pe wuko yer te wiwu, pe wulyel teng yer tikwu. 28Pe wugor komwu pi kwero cola, pe wuked kedo mo ikomwu. An a Rwot. 2915

Pe imii nyari odok lapyeda pi timo tim kwele, weko lobo bale woko ki tim kwele, bimiyo lobo pong ki tim kipyeda. 3016Wugwok ceng Cabita, wuwor kabedona maleng. An a Rwot. 3117

Pe wuloke wudok bot lukor tipu ki megi jogi, pe wucit ka yenyogi, miyo wupyede kekenwu pi gin. An a Rwot Lubangawu.

32Mii woro ki dano ma wiye obuk lwar, wor dano madong guti, dok ilwor Lubangani. An a Rwot. 3318

Ka labedo mo obedo kwedi i lobowu, pe wutime marac. 34Labedo ma obedo kwedwu bibedo macalo latin anywali ikinwu, ibimare macalo imare keni; pien wun bene yam wubedo lubedo i lobo Ejipt. An a Rwot Lubangawu. 3519

Pe wutim rac i ngolo kop, nyo i pimo bor me gin mo, nyo peke, nyo dite. 36Wubed ki lapim ma pimo kakare, kidi lapim pek ma oromo kakare, aduku lapim ma oromo kakare ki agulu lapim moo ma oromo kakare. An a Rwot Lubangawu ma con akwanyowu woko ki i lobo Ejipt. 37Wugwok cika ki gin ma aciko ducu, wucobgi kakare. An a Rwot.”