Lulevi 12

Lonyo dako ma onywal

1Rwot owaco bot Moses ni, 2“Wac bot jo Icrael ni, ka dako ogamo ic ce onywalo latin laco, en bibedo keni pi nino abiro; bibedo keni macalo ikare me kwerne. 31Inino me aborone en aye kibiliro iye del kom nyim latin me co. 4Dako dok bimede ki kwere pi nino pyere adek wiye adek wek olonye nia i remone; en pe bigudo gin mo maleng, pe bicito i Ot pa Lubanga, nio ka kare me lonyene otum. 5Ento ka onywalo latin nyako, en bibedo keni macalo ikare me kwerne pi cabit aryo. Ka dok bimede pi nino pyere abicel wiye abicel wek olonye nia i kwer mere.

6Ka kare me lonyene otum, ka nyo pi awobi nyo pi nyako, dako bikelo latin romo ma dite romo mwaka acel bot ajwaka idogola Kema me Rwate pi gitum awanga, ki latin akuri, nyo amam, pi gitum me bal. 7Ajwaka bityero inyim Rwot, ci bitimo gin lakwany bal ki ikom dako, ci dong bilonye ki i remone ma ocwer. Man aye cik ma mako dako ma onywalo latin laco nyo ma nyako. 82Ka nongo latin romo oloye, en bitero amam aryo, nyo lutino akuri aryo, acel pi gitum awanga, acel pi gitum me bal: ajwaka bitimo gin lakwany bal ki ikome, ci dong bedo ma olonye.”