2 Camuel

Buk me aryo pa

CAMUEL

Lanyut wilok madito ma i buk man

Buk me aryo pa Camuel kicoyo kun lubu buk me acel pa Camuel ma tito ododo me loc pa Daudi macalo rwot me acel pa Lujudaya matye i kupiny me lobo Icrael. Loke nonge i cura acel nio wa i cura me angwen me buk man, ki bene tito pi loce i lobo Icrael ducu ma okwako tung kumalo me lobo Icrael ma nonge i coc ma i cura abic nio kwede wa i cura pyere aryo wiye angwen.

Man nyutu kore ki kore kit ma Daudi obedo kayaro te loce kun medo dite, ki kit yo ma en otiyo kwede me ribo lwake kacel kun jingo kwede kere bedo tek calo laloc maber. Daudi oyele matek ki lukwore matye i lobo Icrael, ki matye i lobo ma woko ma gurumu Icrael.

Daudi obedo dano matye ki niye matut ikom Rwot, ki bene tye ki mar madit ikom Lubanga, dok obedo dano ma ocwiny; ki ngat matye ki kero me tic, ci omiyo onongo cwak ki gen pa jone ducu. Kadi bed kumeno en bene onyutu ni kare mukene etwero tiyo gin ma pe paro pi dano. Dok bene eromo timo bal maracu ada pi cobo mitine nyo gin ma en paro ni etii. Ento ikare ma lanebi Natan onyutu bote bale ma otimo i alii, ci en ongut, kun ye dok otucu ni etimogi; ka lacen en oye ikom bale, ci ojolo pwod ma Lubanga ocwalo pi bal magi.

Kwo ki tic ducu mabeco ma Daudi ceng otiyogi oyomo i jo Icrael ducu mada. Ma omiyo ikare ducu ka peko odiyogi, cwinygi gomo pi rwot macalo wod pa Daudi; atikane lakwar Daudi mo ma bibedo calo en aye otelgi.

Lacim wilok madito ma i buk man

Loc pa Daudi bot jo Juda

Loc pa Daudi bot jo Icrael

a. Mwaka ma ocako ki loc

b. Daudi ki Batceba

c. Peko ki can ma otime

d. Mwaka ma ogiko ki loc