Lukasi

ARERA WEWENG WE

LUKASI soi

Kawio aduna

Weraung arera piboki na Rukasi weroana we Yesusi, I wo we Mananu periri we Sen derekamana we nyontarai Israeli kong we tata kuira.

Na weraung nini Rukasi soi topino, Sen Duainunung Mamarangpai domu Yesusi we wiwua Arera Piboki na Allai wu nyontarai engkiaripi kong we endidiwa pa ya. Dea tato wepiboki na weraung Rukasi nei, we retenang na rirangpea repa we Yesusi riama. Interi we disuira wau tato we Yesusi piowari wieita to rora-marising. Interi Rukasi tato soi weraung pea, anompei buku Rasuri. Buku nana sopang kakera, parari Akama Kerestenpai wewa ma rieraipa. Rabuang kodu kong wonang (mendeo tarai weraung nei ungne) yoni arari parari pi we pau we wataina weraung nini paiki. Parari: arari rarung mampang kong we eteung pieung werama na awe Yesusi nyani meituturi pa. Yesusi nyai na Sen nemanu na wekumaipa, kong sosiau we nyontarai Samaria weanewiwu kong kumai wenyai. Weraung nini weroang kangkuna tato we tandau, Sen Allai Duainunung Mamarang, wawing wau engkonta na mariwa we Yesusi donawau ma tiang tato wau na Allai.

Weraung Rukasi taraipina

Repa 1:1-4

Yoanesi Pembabtisi kong Yesusi umbejadi sisu umbe kumaipa 1:5-2:52

Mariwa Yoanesi Pembatisi 3:1-20

Etupi raweing Yesusi kong nyombatang wadi souri 3:21-4:13

Mariwa Yesusi na nyontarai Galilea enemadu 4:14-9:50

Rana Galilea to Yerusalem 9:51-19:27

Arimunggu we menaing na Yerusalem rurangpa 19:28-23:36

Yesusi tewa warui kaida denyawi kong piowari rora-marising 24:1-53.