ହିତପଦେସ

ହିତପଦେସ

ହାର୍‌ଦି ହିକ୍ୟା

ହିତପଦେସନି ଜାଣାଚିନା

ହିତପଦେସ ପତି ଆନାତା ଗିୟାନି ବେରଣିଂ ରୁଣ୍ଡାତାକା। ହେନି ଲେକିକିତାକାର୍ ଇ ହିତପଦେସିକାଂ ମେହାଜ଼଼ି ମାଚାର୍, ମାତର୍ ରାଜା ଦାଉଦ୍ ମାଜ଼଼ି ରାଜା ସଲମନ୍ ହେୱାଙ୍ଗ୍ ବିତ୍ରେ ଆଦେକ୍ ଲେକିକିଜ଼଼ି ମାଚାନ୍। ସଲମନ୍ ତା ଗିୟାନ୍ କାଜିଂ ଜାଣାଚିଣା ମାଚାନ୍, ଆରି ୧ ରାଜାବଲି ୪:୩୨ ଇନାତ୍ ଜେ ହେୱାନ୍ ୩,୦୦୦ ହିତପଦେସ ଲେକିକିଜ଼଼ି ମାଚାନ୍। ଲାଗିଂ ହିତପଦେସ ପତିନି କେତେକ୍ ବାଗ୍‌ କ୍ରିସ୍ଟପୁର୍ବେ ଦସମ୍ ସତାବ୍‌ଦିତ ସଲମନ୍‌ତି ଜିବୁନ୍ କାଡ଼୍‌ ବିତ୍ରେ ଲେକାଜ଼଼ି ମାଚାତ୍। ବାକିମାନି ପତି ଆତିସ୍ ହିଜକିୟ କ୍ରିସ୍ଟପୁର୍ବେ ୭୧୫ ତାଂ ୬୮୬ ପାତେକ୍ ଜିହୁଦାତ ସାସନ୍ କିନି ସମୁତ ଲେକାତାକା ଆରି ରୁଣ୍ଡାୟ୍‌କିୟାଜ଼଼ି ମାଚାତ୍ (ହିତପଦେସ ୨୫:୧)।

ହିତପଦେସ ଆନାତା ଗିୟାନି କାତା ଇନାକାକି ସଲ୍‌କେ ହାତ୍‌ପା, ମାତର୍ ର ଡାଟ୍‌ନିକା ନେଲ ବେଣ୍‌ବାକ୍‌ଣାୟ୍‌କିନାକାତାଂ ବିନେ। ଉତର୍‌ମୁଡ଼୍‌ ଇସାବ୍ରେ, ହିତପଦେସ ୨୨:୬ ଇନାତ୍‌ ଜେ ଟିକ୍ ଉପାୟ୍‌ତ ପାଲିଆତି କାଡ଼୍‌ଦେର୍ ଗାଜା ଆତିସ୍ ହେ ହାଜ଼଼ି ପାଚେ ହାନାର୍। ଆତିସ୍ପା, ଇ ହିତପଦେସ ର ଡାଟ୍ ଆକାୟ୍ ଜେ ଟିକ୍ ଉପାୟ୍‌ତ ପାଲିଆତି କାଡ଼୍‌ଦେର୍ ଜିବୁନ୍‌ତ ଇନାକାପା ବୁଲ୍ ଆଦେଂ ଆଡୁତ୍ କି ମୁଡ଼଼େ ଆଉତ୍। ଇଚିସ୍, ଇଦାଂ ସଲ୍‌କେ ହାତ୍‌ପା ଜପି ମେହାତି ହାର୍ ବୁଜାମଣା। ହିତପଦେସ ପତି ନିଜେ ଅଦ୍ଯାୟ୍ ୧:୨-୬ ତ ହିତପଦେସନି ଉଦେସ୍‌ ବିସ୍ରେ ଇନାତା। ଉଦେସ୍‌ ଆନାତା ସରଲ୍‌ ଆରି ବେଣ୍ଡ୍‌ୟାରିଂ ଗିୟାନ୍ ହାର୍ ବୁଜାମଣା ଚିନ୍‌କିନିତ ସାଇଜ କିନାକା, ଆରି ଗିୟାନି ମାନାୟାରିଂ ଗିୟାନି କିନାକା।

ହିତପଦେସ ରୁପ୍‌ରେକା:

୧. ଅଦ୍ଯାୟ ୧ ତାଂ ୨୨:୧୬ ଆନାତା ସଲମନ୍‌ତି ହିତପଦେସ୍‌।

୨. ଅଦ୍ଯାୟ ୨୨:୧୭ ତାଂ ୨୪ ଆନାତା ଗିୟାନିର୍‌ତି ବେରଣିଂ ରିଣ୍ଡି ରୁଣ୍ଡାୟ୍‌କିନାକା।

୩. ଅଦ୍ଯାୟ ୨୫ ତାଂ ୨୯ ଆନାତା ସଲମନତି ହିତପଦେସନି ଆରେ ରଞ୍ଜାଙ୍ଗ୍‌ ରୁଣ୍ଡାୟ୍‌ କିନାକା। ଇୱାକାଂ ରାଜା ହିଜିକିୟତି କାମାକିନାକାର୍‌ ହୁଦାଂ ରୁଣ୍ଡାୟ୍‌କିୟାଜ଼ି ମାଚାତ୍‌।

୪. ଅଦ୍ଯାୟ ୩୦ ତ ଆଗୁର୍‌ତି କାତା ମାନାତ୍‌।

୫. ଅଦ୍ୟାୟ ୩୧: ୧-୯ ତ ସାମୁଏଲ୍‌ତି ମାନାତ୍‌।

୬. ହାରିହାରା, ଅଦ୍ଯାୟ ୩୧:୧୦-୩୧ ରୱାନ୍‌ ହାର୍‌ ଗୁଣ୍‌ବତି କଗ୍‌ଲେତି ବିସ୍ରେ ହାନ୍ଦାୟ୍‌ କିନାତ୍‌।