ବୁଗିନ୍‌ ଇନିତୁ

ରାଜା ସୁଲିମାନ୍‌ ଅଲାକାଦ୍‌

ବୁଗିନ୍‌ ଇନିତୁ ପୁଥି

ବୁଗିନ୍ ଇନିତୁରେୟାଃ ପାରିଚାୟ

ବୁଗିନ୍ ଇନିତୁ ହବାଅଃତାନା ମିଦ୍‌ତାଃରେ ହୁଣ୍ଡିକେଦ୍‌ତେ ଅଲାକାନ୍ ସେଣାଁନ୍‌ କାଜି । ପୁରାଃ ଅନଲ୍‌ତାନ୍‌କ ନେ ବୁଗିନ୍ ଇନିତୁକେ ଅଲାକାଦ୍‌ ତାଇକେନାକ। ମେନ୍‌ଦ ଏନାକଏତେ ରାଜା ଦାଉଦାଃ ହନ୍ତେକଡ଼ା ରାଜା ସୁଲିମାନ୍ ପୁରାଃ କାଜିକ ଅଲାକାଦ୍‌ ତାଇକେନାଏ । ସୁଲିମାନ୍‌ରାଃ ପୁରାଃ ସେଣାଁ ତାଇନ୍‌କେନା, ଏନାମେନ୍ତେ ଇନିଃ ବୁଗିଲେକାତେ ସାରିୟଃ ତାଇନ୍‌କେନାଏ । ସିଦା ରାଜା; ଆଧ୍ୟାୟ ୪: ୩୨ ରେ ଅଲାକାନା ଯେ ରାଜା ସୁଲିମାନ୍ ୩,୦୦୦ ବୁଗିନ୍ ଇନିତୁ ଅଲାକାଦ୍ ତାଇକେନାଏ। ଏନାମେନ୍ତେ ବୁଗିନ୍ ଇନିତୁରେୟାଃ ପୁରାଃ ହିସାକ ୟୀଶୁଆଃ ଜାନାମ୍‌ ସିଦା ୧୦ ବାରାଷ୍‌ରେ ସୁଲିମାନ୍‌ରାଃ ରାଇଜ୍‌ତାନ୍‌ ଦିପିଲିରେ ଅଲାକାନ୍ ତାଇକେନା । ମେନ୍‌ଦ ହବାସାକାଅଃଆ ଏଟାଃ ପୁଥିକକେ ହିଜିକିୟ ୟୀଶୁ ଜାନାମ୍ ସିଦା ୭୧୫ ଏତେ ୬୮୫ ବାରାଷ୍‌ କରେ ଯିହୁଦା ରାଇଜ୍‌ରେ ରାଇଜ୍‌ତାନ୍‌ ଇମ୍‌ତା ଏନା ମିଦ୍‌ତାଃରେ ହୁଣ୍ଡିକେଦ୍‌ତେ ଅଲାକାଦ୍‌ ତାଇକେନା । ବୁଗିନ୍ ଇନିତୁ ଆଧ୍ୟାୟ ୨୫:୧,

ବୁଗିନ୍ ଇନିତୁ ହବାଅଃତାନା ସେଣାଁରେୟାଃ ସାର୍‌ତି କାଜି । ମେନ୍‌ଦ ନେଆଁ ମିଆଦ୍ ବାନାର୍‌ସା ଓଡ଼ୋଃ ଆୟାର୍‌କାଜି ଏତେ ଏଟାଃ ତାନାଃ । ଚିୟାଃଚି ବୁଗିନ୍ ଇନିତୁ ଆଧ୍ୟାୟ ୨୨:୬ କାଜିୟାଃଏ ଯେ, ବୁଗିନ୍ ହରାରେ ସେନ୍ ଲାଗାତିଙ୍ଗ୍‌ ଇନିତୁ ନାମାକାଦ୍ ସିଟିଆ ମାରାଙ୍ଗ୍‌ ରେୟ ବୁଗିନ୍ ହରାରେ ସେସେନାଃଏ । ଏନ୍‌ରେୟ ନେ ବୁଗିନ୍ ଇନିତୁ ମିଆଦ୍ ବାନାର୍‌ସା ନାହାଁଲାଃ ଯେ, ବୁଗିନ୍ ହରାରେ ସେନ୍ ଲାଗାତିଙ୍ଗ୍‌ ଇନିତୁ ନାମାକାଦ୍ ସିଟିଆ ଆୟାଃ ଜୀଦାନ୍‌ରେ ଜେତ୍‌ନାଃ ଚିଟାରେୟାଃ କାଜି କାମିକ କାଏ ରିକାୟା । ମେନ୍‌ଦ ନେଆଁ ସାର୍‌ତିରେୟାଃ ହରାରେ ସେସେନ୍ ନାଗେନ୍ତେ ଚେତାଅରେୟାଃ କାଜିତାନା । ବୁଗିନ୍ ଇନିତୁ ଆଧ୍ୟାୟ ୧:୨ ଏତେ ୬ ରେ ନେଆଁରାଃ ମୁଣ୍ଡି ଅଲାକାନା । ନେଆଁରାଃ ମୁଣ୍ଡି ହବାଅଃତାନା ସିଧାସାଧା ସେପେଡ଼େଦ୍‌କକେ ସେଣାଁ ଓଡ଼ୋଃ ସେଣାଁନ୍‌ ହଡ଼କେ ସେଣାଁ ଏମ୍‌ ନାଗେନ୍ତେ ବୁଗିନ୍ ଚେତାଅ କାଜିକ ସାରିନାମ୍‌ ନାଗେନ୍ତେ ଦେଙ୍ଗା ରିକା ଲାଗାତିୟାଁଃ ।

ପୁଥି ଭିତାର୍‌ରେ ଅଲାକାନ୍ କାଜି

୧. ସୁଲିମାନ୍ ଅଲାକାଦ୍ ବୁଗିନ୍ ଇନିତୁ । ୧:୧–୨୨:୧୬

୨. ସେଣାଁନ୍‌ ହଡ଼ରାଃ ବାରିୟା କାଜି । ୨୨:୧୭–୨୪:୩୪

୩. ସୁଲିମାନ୍‌ରାଃ ବୁଗିନ୍ ଇନିତୁ ଓଡ଼ୋଃ ହୁଣ୍ଡିକାଦ୍‌ କାଜି । ହିଜିକିୟରାଃ ଦାସିକ ହରାତେ ଏନ୍‌ ସବେନାଃ ହୁଣ୍ଡିକାନ୍ ତାଇକେନା । ୨୫:୧-୨୯:

୪. ଆଗୁର୍‌ ରାଜାରାଃ କାଜି । ୩୦:୧-୩୩

୫. ଲମୁଏଲ୍‌ ରାଜାରାଃ କାଜି । ୩୧:୧-୯

୬. ମିଆଦ୍ ବୁଗିନ୍‌ ଚାଇଲ୍‌ଚାଲାନ୍ କୁଡ଼ି । ୩୧:୧୦-୩୧