Bhaamuzi

Chitabu cha

Bhaamuzi

Ulongulelo

Chitabu chenjenu cha ihongozi chechilohakeka Bhatemula nde malandilu gha chikahi cha ulandilu wa ghaghajengalli baada ja Bhaizilaeli kujilapula na kujitola inchi ja Kanaani. Chakabhili nde chikahi cha kuhenga mahakau chechajengaliwi na chikahi cha ulali, mang'ahiku, kulimbalakiwa, na bhela kukengalewa. Chikahi chenihechi Bhaizilaeli bhakatumbwili kujojabhela imong'umong'u, na bhela Chapanga akaghakwehiki mataifa ghangi kubhalimbalakila Bhaizilaeli. Baada ja panihapa bhandu bhakunkelabhukili na kundelela Chapanga, na panihapa Chapanga akabhahawile ihongozi bhabhakalowakiki “Bhatemula,” nahuli kubhalongoha bhandu na kubhabhoha mu utumwa wa kubhonewa.

Njeta mundu jokapi jola joamanyi kwa uchakaka kubha nde nane joakachilembiki chitabu cha bhatemula. Bhandu bhamaheli kwa kujengalela majopalelu Fulani bhakaholakili kubha mlota Samweli nde joakachilembike, nambu tuweza kubha na uchakaka nakanopi kubha chakalembakiki mu chikahi ambachu Bhaizilaeli bhakabhi tayali bhabhili na nkolongwa, kwa kubha chitabu chilolakela kunyuma na kupwagha kubhokana na ikahi ya Bhatemula kubha ikahi yela Bhaizilaeli ngachebhakabhili na nkolongwa 17:6; 18:1; 19:1, na 21:25. Anangati chikahi cha Bhaizilaeli kubhoka kuhuma ku Misili chakabhi ngati mu chaka cha 1400 K. K (Ulolakyaje ulongulelu wa Kubhoka kwa malobhi nakanope), bhela iwezikana matukiu gha Bhatemula ghakapitalili pachilanda ja hyaka 1300 mbaka 1050 K. K chikahi ambachu Sauli paakabhili nkolongwa wa Izilaeli.

Ghaghabhihomu

Ngondo ya kujomukela pachilanda ja Bhaizilaeli na Bhakanaani baada ja nyiwa jaka Yoshua. Bhelabhela chihoghola lipazia kutambulisha chikahi cha Bhatemula pala Chapanga paakabhakwehiki ihongozi bhabhakalongwihi na kubhakengalela Bhaizilaeli kuhuma mu mabhoku gha adui bhabhu (Sula 1 mbaka 3:6).

Bhatemula patali patali bhabhakwehakiki na Chapanga kubhajangatila Bhaizilaeli. (Sula 3:7 mbaka 16:31).

Mahakau ghangi ghabhakahengiki Bhaizilaeli. (Sula 17 mbaka 21).