Niyabo

NIYABO

Bot Jon

Lanyut wilok madito ma i buk man

Buk me Niyabo kicoyo ikare ma jo muye Kwena Maber pa Lalarwa Yecu Kricito kitye kayelogi ki nekogi pi ye Yecu Kricito macalo Rwotgi. Ngat ma ocoyo buk man, ma en aye Jon ni, ocuku cwiny jo muye Yecu me cung matek i niye mamegi ikare me ayelayela ki nek malit ma onongo kitye katimone ikomgi.

Ngat ma ocoyo buk man ocwalo kwena bot jo muye Kricito kun tiyo ki carolok ki lanyut madongo malik. I carolok magi en otiyo ki lanyut me kwayi lee mapatpat ma gin lik adada, kacel ki jami mukene calo lakalatwe, pii ki bonyo.

Ngeyo telok me lanyut ma i buk man tek tutwal bot jo ma ikare man ento ngeyo tere onongo yot mada bot jo muye Yecu ma ikare ca. Gin onongo ngeyo ni lee man, onyo gin man ocung pi tyen lok ma kit man.

Lanyut magi ducu cimo kamaleng ni, ikit ayelayela ducu ma lwak ma oye Lubanga limo, Lubanga ki twero ma en omiyo bot Yecu, pud tye laloc dok obibedo laloc matwal. En tye ki twero dok ki kero me loyo lumone ki Catan matwal, dok biculu jo ducu ma lugen ki polo manyen ki lobo manyen.

Lacim wilok madito ma i buk man

Lanyut

Waraga bot kanica abiro ma gitye ikabedo abiro mapatpat

Buk adola matye ki lamwon abiro

Buriji abiro ma kikutu

Min kulu ki lee aryo ma mager dok lik

Gin anyuta mapatpat

Atabo abiro ma opong ki akemo pa Lubanga

Balo taun madit me Babilon, loyo lee mager, lunebi ma lugoba, ki Catan

Ngolo kop me agiki

Polo, lobo, ki Jerucalem manyen

Agiki me buk man