Niyabo 17

Dako ma lakwele marac

11

Lacen lamalaika acel ikom lumalaika abiro ma onongo gitye ki atabo abironi obino bota owaca ni, “Bin wek anyuti kop madong kingolo ikom dako ma lakwele marac, ma en aye taun madit ma kigero i dog nam mapoli. 22 Luker me wi lobo ducu gutimo kwede tim me kwelekwele, kadi wa jo ma bedo i lobo bene gumer ki kongo bwino me tim me kweleneni.” 33

Cutcut lamalaika otinga otera i tim, kun onongo Cwiny Maleng oyutu tama woko, ci aneno dako mo ma obedo iwi lee mo makwar, ma kicoyo nying mogo ikom leenu ma nyutu cac ikom Lubanga; coc meno oromo kome ducu. Leenu onongo wiye tye abiro ki tunge tye apar. 44 Dako meno oruku bongo ma obedo lamarlamar ki makwar, ma odeyo kome ki jabu, ki kidi me wel, ki tiko matar me welgu, kun omako kikopo jabu i cinge ma opong woko ki gin ma dano kwero, ki cilo me time me kweleni. 5Itur nyime kicoyo iye nying mo ma teloke obedo me mung ni, “Babilon madit, megi mon ducu ma gin malaya, ki jo ducu ma gitimo tim me kwer.” 6Aneno dako meno omer woko ki remo pa jo pa Lubanga, dok bene ki remo pa lucaden pa Yecu ma ginekogi.

Ka dong anene ci abedo ki ur madit tutwal. 7Ento lamalaika openya ni, “Pingo iuru? Abititti lok me mung pa dakonu, ki pa lee ma dako meno obedo iwiye, ma wiye tye abiro ki tunge tye aparni. 85 Lee ma inenoni onongo yam tye, ento kombedi dong pe. En dong tye kabino malo kun a ki ibur ma tere pe gik, dok kibityeke woko matwal. Dong jo ma bedo i lobo mayam pe kicoyo nyinggi i buk me kwo cake i acaki piny gibiuru mada me neno lee meno pien yam con tye, kombedi dong pe, ento ceng mo dok binen. 9Lok man mito tam ki ryeko. Wiye abironu obedo godi matino abiro ma dako ca obedo iye. 10Gin bene gubedo luker abiro ma jo abic ki ikomgi dong gupoto woko, acel pud tye kaloc, ento acel mukene peya obino. Ka obino, myero kong orii pi kare mo manok keken. 11Ento lee mayam tye ca, ma kombedi dong pe ni, en aye rwot me aborone, ento en ngat acel ikin jo abiro ca, dok bicito woko ci kibityeke woko. 126 Dong tung lee apar ma ineno ca gin aye luker apar ma peya gulimo twero me loc, ento myero gulim twero me loc macalo luker pi cawa acel, kacel ki lee ca. 13Luker apar magi onongo yam tamgi tye acel, ci gumiyo twerogi ki ditogi woko bot lee ca. 14Jonu biero mony ikom Latin romo, ento Latin romo bitayogi woko, pien en Rwot pa rwodi, ki Rwot maloyo luker ducu, dok jo matye bote aye jo ma kilwongogi, ma kiyerogi ma gin jo ma gene.”

15Lamalaika dok owaca ni, “Pii madwong ma i kulu ma ineno ca, kama dako ma lakwele obedo iye ni, magi aye gin dano ma iwi lobo, ki lwak rok ducu ki leb gu ducu. 16Dong tung lee apar ma ineno ca, gin kacel ki lee gibikwero dakonu ma lakwele ni woko; gibitenye ata kun giweke dong munero, gibicamo ringo kome ci giwango woko ki mac. 17Pien Lubanga aye ma oketo miti man i cwinygi, wek gucob tame kun gibedo ki cwiny acel, ka wek dong gumi twerogi bot lee ca, nio wang ma lok ma Lubanga owaco ocobe kakare. 18Dako ma ineno ca en aye taun madit matye ka loyo luker ducu me wi lobo.”