Niyabo 18

Poto pa Babilon

1Lacen dok aneno lamalaika mukene ka lor bino piny kun a ki ipolo, ma onongo tye ki twero madit; deyone oryeny ocaro wi lobo ducu. 21 Ci odange ma dwone winye matek tutwal ni, “Babilon madit dong opoto, opoto gire woko! Dong odoko kabedo pa jogi, odoko bene ka kane pa cen ducu, ki pa winyo maracu ma idano kwero. 32 Rok ducu gumato kongo bwino me time macol me tarwangeni, luker ducu me wi lobo gutimo kwede abor, ki lucat wil ma iwi lobo ducu dong gumede gudoko lulonyo pi bedone me caro ki tim tarwangeni madong okato kakare.” 43

Dok awinyo dwon mukene ma oa ki i polo kun waco ni,

“Wun jona, wua woko ki bote,

wek pe wuribe kwede i bale,

wek bene pe wunywak kwede gemo mogo ma poto ikome! 54

Pien bale dong odure malo lipim, oo wa i polo,

Lubanga dong opo ikom tim maracu ducu mayam en otimo. 65

Wutim dakonu ki kit tim mayam en otimowu kwede,

wucul kwor ikome madodo time ma en otime,

wurub ire ginamata makece kato i kikopone makato mayam en omiyowu woko. 76

Dok wumii bote arem ki kumu

marom ki kit ma en obedo ka wake kwede ki kwone me kuc.

Pien en waco ki i cwinye ni,

‘An daker, abedo iwi komker,

An pe dato,

pe abibedo ki kumu mo wa ki acel!’

8Pimeno, gemone ducu bipoto ikome inino acel,

two odeke, kumu ki kec.

Kibiwange woko bene ki mac,

pien Rwot Lubanga ma ngolo kop ikome teke dit.”

9Dong luker me wi lobo mayam gutimo abor kwede, ma gulubu time me tarwang, gibikok pire kun gidongo oduru ma nongo ginene dong tye ka wang imac kun yitone duny. 107 Gibicung wa cen pi lworo kit can ma giune kwede, kun giwaco ni,

“Ai do, ai do! Ineno can ba,

in Babilon, taun madit dok matek!

Kop ma kingolo ikomi dong opoto ikomi i cawa acel keken.” 118

Lucat wil me lobo bene gitye kakoko kun gikumu pire, pien ngat mo peke ma dok biwilo jami ma opong i melgi; 129 jabu, ryal, lutino kidi me wel, tiko matar me wel, bongo camanini ma bere, bongi ma obedo lamarlamar, bongi aridi ki makwar, ki kit bao mapatpat ducu ma wel, jami ducu ma kitiyo ki lak lyecgu, jami ducu ma kitiyogi ki bao ma welgi malo tutwal, nyonyo bronze, nyonyo iron, ki got marble maber tutwal, 13cinamon10 ki gin mogo mukene ma ngwecgi kur, odok eceta me awanga, murra, odok luban, kongo bwino, moo jeituni, moko mapwot ki ngano, dyangi ki romi, aguragura, ki gadigadi lweny, opii, kadi wa kwo pa dano kikome. 14Lucat wil guwaco bote ni, “Jami mabeco mayam cwinyi paro tutwali dong kikwanyo woko ki boti, lonyoni ki deyoni ducu dong gurwenyo woko ki boti, pe dok ibinongogi matwal!” 1511 Lucat wil mayam gicato jami magi ducu, madong gudoko lulonyo i taun madit meno, gibicung wa cen kamabor pi lworo can ma kiune kwede. Gibikok matek ma gikumu kun giwaco ni, 16“Ai do, ai do, taun madit man dong oneno can ba, en taun madit mayam onongo kiruku woko ki bongo camanini mabere, ki bongi ma lamarlamar ki makwar, kun kideyo woko ki jabu, kidi me wel, ki tiko matar me wel bene. 1712 Lonyo madit kit man dong kiketo woko tengteng i cawa acel keken.”

Ludito me mel, ki jo ma woto i nam, lukwang mel ki jo ducu ma gitiyo tic me cato wil i nam, gucung wa cen kamabor. 1813 Gudange matek ka gunene tye ka wang kun yito duny, kun giwaco ni, “Gang mene ma onongo yam rom ki gang man maditi?” 1914 Ci guonyo putu iwigi, ikare ma gitye kakoko kun gikumu ma gidange ki koko matek pire ni, “Ai do, ai do, ineno can ba, in gang maditi, kama jo ducu mayam gitye ki melgi i nam gudoko lulonyo pi lonyone madwongi! Kiketo woko tengteng i cawa acel keken. 2015 Wudange ki wer me yomcwiny, wun lwak me polo, wun jo maleng, wun lukwena ki lutit lok pa Lubanga, pien Lubanga dong odwoko kop mayam ongolo i komwuni ikome!” 2116

Lamalaika mo matek otugi kwanyo gweng mo madit marom ki kidi rego, ci obolo woko i nam, kun waco ni, “Babilon ma en taun maditi kibitimo ki tim bwami kibicanyo woko matek i ngom, pe dong kibinongo matwal! 2217 Dwon lugo nanga ki jo ma goyo wer ducu,18 dwon lukut nyamulere ki lukut tum pe dok biwinye boti matwal. Dano mo ma tiyo tic me diro pe dok binonge boti matwal. Mor pa kidi rego pe dok biwinye boti matwal. 23Tara mo pe dok bilyel menyi, kadi dwon lanyom ki dwon nyako ger pe dok biwinye boti matwal; pien lucatwili onongo yam gin jo ma pirgi dito atika i lobo, yam bene ibwolo rok ducu ki tim jokjok ma ibedo katimone. 2419 Remo pa lutit lok pa Lubanga ki pa jo maleng, ki remo pa jo ducu mayam kinekogi i lobo, kinongo tye i Babilon.”