Niyabo 19

1Lacen i nge man awinyo woo madwong macalo dwon lwak dano mapol ata ma gin tye i polo ma giwaco ni, “Aleluya! Laro dano ki deyo ki teko tye bot Lubangawa, 21 pien kop ma en ngolo ducu tye ada dok atir. En dong ongolo kop woko ikom dako ma malayani, mayam obalo lobo woko ki time me aborni, dok bene oculu kwor me remo pa lutice ikome.” 32 Gin dok gudange tyen me aryone kun giwaco ni, “Aleluya! Yito me wango taun madit man duny ma ocido cito malo litu nakanaka.” 4Ci ludongo pyere aryo wiye angwen kacel ki lee makwo angwen guryebe woko piny guworo Lubanga ma obedo iwi komkeri, kun giwaco ni, “Amen. Aleluya!”

Karama me nyom pa Latin romo

53

Dwon mo dok oa ki iwi komker ma waco ni, “Wupak Lubanga, wun lutice ducu, wun jo ma wulwore, jo matino wa ki jo madito.” 64 Ka dok awinyo dwon mo ma winye calo lwak mapol adada ma giwoo, calo mor pa pii ma core, dok calo mor kot ma mwoc matek. Kun giwaco ni, “Aleluya! Pien Rwot Lubangawa Won Twer Ducu, tye kaloc. 7Wabedu ki yomcwiny, kun wadwore, dok bene wamii deyo bote, pien kare me nyom pa Latin romo dong oo, nyako gere bene dong oyube woko; 8gimiyo bongo camanini mabere maryeny dok maleng en aye ni en oruki.” Pien bongo camanini maberenu obedo gin ducu matye atir ma jo maleng gitimo. 95

Ci lamalaika owaca ni, “Coo lok man ni: Jo ma kilwongogi ikarama pa Latin romo tye ki gum.” Dok owaca ni, “Lok magi lok pa Lubanga.” 10Cutcut aryebe woko piny katyene ka wore, ento en owaca ni, “Pe myero i tim kitmeno! An bene latic wadiwu, dok arom ki utmegini ma gumako lok me caden ma Yecu omiyo botgini. Wor Lubanga.” Pien lok me caden ma Yecu omiyo aye cwiny mamiyo lutit lok gitito lok pa Lubanga.

Ngat ma ringo ki aguragura matar

116

Lacen aneno polo oyabe, ci cutcut atugi neno aguragura matar! Ngat ma obedo iwiye kilwongo ni ngat ma Gene dok Ada; gin ma en timo ducu tye atir ingolo kop kadi wa ilweny bene. 127 Wange ryeny calo mac, dok onongo oruku lalukana mapol me loc iwiye; onongo bene tye ki nying mo ma kigoro ma ngat mo pe ngeyo, kono en keken gire aye ngeyo. 13Bongo ma en oruku onongo kilutu i remo, dok nying ma onongo kilwonge kwede en aye “Lok pa Lubanga.” 14Lwak mony mapol me polo ma guruku bongo camanini mabere, matar dok maleng, gulubu kore ma giringo ki aguragura matar. 158 Pala lucwan mabit okati ki idoge, ma en bineko ki lurok woko ducu, ka dong bibedo ka loyogi ki odo nyonyo; en binyono bur me biyo kongo bwino me akemo pa Lubanga mager ma en Won Twer Ducuni. 16Onongo kicoyo nying ikom jore ki i eme ma kwane ni, “Rwot maloyo luker ducu ki Rwot pa rwodi.” 179

Ka dok aneno lamalaika mo ocung iceng. En olwongo kwayi winyi ducu mapatpat ma gituk i i dye yamo ki dwon malongo ni, “Wubin, wugure kacel kacamo cam me otyeno ma Lubanga oyubu, 18kacamo ringo kom luker, ki ringo kom ludito wi mony, ki ringo kom jo mayam gin oteka, ringo aguragura ki ringo kom jo ma ngweco kwedgi, ki ringo dano ducu, jo ma gilone ken gi kacel ki opii, jo me rwom mapiny ki jo me rwom mamalo ducu.” 19Lacen aneno lee ca ki luker me lobo guywayo monygi me lweny ikom ngat ma obedo iwi aguragura kacel ki monye. 2010Ento kimako lee ca woko, kacel ki lanebi ma lagoba, mayam obedo katiyo tic mogo me aura inyime, ma obwolo dano ma onongo dong kiketo lanyut pa lee ca ikomgi, ki mayam onongo giworo caleni. Gin aryonu ducu, lee ki lanebi ma lagoba, kibologi woko makwo i nam me mac, matye kalyel ki gweng calfa ma mac oliyo. 21Jo mudonge ducu kinekogi woko ki pala lucwan pa ngat ma obedo iwi aguragura matar ni, ki pala lucwan ma okati ki idoge; ci winyi ducu guyeng woko ki ringo kom dano ma gucamo.