Niyabo 11

Lucaden aryo

11

Lacen kimiya lagada me pimo piny, ma obedo calo odo, ci giwaca ni, “A icit ipim Ot pa Lubanga ki keno tyer, ci ikwan wel jo ma giworo Lubanga i ode. 22 Ento pe ipim dyekal ma woko me Ot pa Lubanga, pien dong kityeko miyone woko bot jo ma pe gingeyo Lubanga, gibibedo ka nyono gang maleng woko pi dwe pyere angwen wiye aryo. 3Abimiyo twero bot lucadena aryoni me tito lok pi nino alip acel ki miya aryo ki pyere abicel, ma nongo guruku bongo cola.” 43

Lucaden aryo ni gin aye yadi jeituni aryo ki lacib mac tara aryo ma gicung inyim Rwot me lobo. 5Kace onongo ngat mo mito timogi rac, ci mac bicore i doggi wango lukworgi woko liweng; dong ka ngat mo ma mito timogi rac, meno aye kit ma kibineke kwede. 64 Gitye ki twero me gengo polo woko wek kot pe ocwer ikare ma nongo gitye katito lok pa Lubanga. Gitye bene ki twero me loko pii wek odok remo, dok me keto can ikom lobo i yo ducu, tyen mapol kit macalo cwinygi mito. 75

Ka dong gutyeko miyo cadengi, ci lee maca ma okati ki ibur ma tere pe giki biero lweny ikomgi, dok bene binekogi woko. 86 Ci komgi mutoni birade i dye yoo me gang madit, ma i carolok kilwongo nyinge ni Codom, ki dok ni Ejipt, en bene kama yam giguro iye Rwotgi ikom yatariya. 9Dano ma gua ki ikin lwak me wi lobo ki i kaka mapatpat ki leb gu ki i rok mapatpat gibineno komgi ma oto pi nino adek ki nucu, kun pe gibiyeni kiyikgi i lyel. 10Jo ma bedo i lobo gibinyate ikomgi, gibibedo ki yomcwiny kun gicwalo mot ikin gi keken gi, pien lutit lok aryo meno onongo yam guunu dano ma bedo i lobo matek. 117 Ento inge nino adek ki nucu, yweyo me kwo oa ki bot Lubanga ci odonyo ikomgi, ka dong gucako a malo, gucungo ki tyen gi, ma omiyo lworo madit tutwal omako jo ducu ma onenogi. 128 Cutcut guwinyo dwon malongo ma oa i polo kun waco ni, “Wuit wubin malo kany!” Ci guito i polo i pol, ma lukworgi bene gineno. 139 I cawa meno cutcut oyengyeng madit tutwal oyengo piny, ci dul acel me apar me taun madit meno omuke opoto woko piny. Oyengyeng meno oneko jo alip abiro, jo mudong lworo omakogi matek, ci gumiyo deyo bot Lubanga me polo.

14Can me aryo dong okato. Nen, can me adek dong cok bino.

Tum me abirone

1510

Lacen lamalaika me abirone okutu tume, ci dwon mogo malongo owinye ki i polo ma waco ni, “Ker me lobo dong odoko ker pa Rwotwa kacel ki pa Kricitone, en dong bibedo kaloc matwal.” 16Cutcut ludongo pyere aryo wiye angwen ma gibedo iwi komkergi inyim Lubanga guryebe piny guworo Lubanga, 17kun giwaco ni,

“Wamiyo pwocwa boti, in Rwot Lubanga Matwero ducu,

in ma itye dok mayam ibedo tye wa con,

pien dong imako tekoni madit ci icako loc. 1811

Lurok yam gubedo ki akemo,

ci akemoni obino,

ki kare me ngolo kop pa jo ma oto,

kare me miyo mot me pwoc bot lutici ma lutit loki, ki joni maleng,

bot jo ducu ma gilworo nyingi, jo me rwom ma piny ki jo me rwom mamalo,

ki kare me neno jo matye ka balo lobo woko.” 1912

Ka dong kiyabo Ot pa Lubanga matye i polo, ci Canduk me Gicike onen i Ot pa Lubanga. Kot ocako cwer kun lutkot wil, dok mwoc amwoca, ci dwon owinye malongo, piny omor, ci oyengyeng ocako yengo piny, ki pee bene ocore madwong tutwal.