Niyabo 13

Lee aryo

11

Dok aneno lee mo ma oa ki i nam tye ka kati woko. Tunge tye apar ki wiye bene onongo tye abiro, kun onongo lalukana apar me loc tye itunge ducu; dok iwiye acel acel ducu onongo tye iye nying mo ma nyutu cac ikom Lubanga. 22 Lee ma anenoni onongo obedo calo kwac, tyene obedo calo tyen nguu mager, ki doge onongo obedo calo dog labwor. Min kulu madit ca omiyo tekone, komkere, ki twero madit ma en tye kwede bot lee meno. 3Aneno wiye acel onongo nen calo kigoyo kiketo ret iye ma ki mito nekone woko, ento ret meno ma onongo kiketo iwiye ni dong ocang woko. Lobo ducu olubu leenu ki ur madit ma pe wace. 4Dano gubedo ka woro min kulu ca pien onongo omiyo twerone woko bot leenu, dok bene guworo leenu kun giwaco ni, “Anga ma obedo calo lee man, dok anga matwero lweny kwede?” 53

Kimiyo twero bene bot leenu me loko lok mogo me wake ki me yeto Lubanga, dok bene kimiye twero me tiyo gin ma iye mito pi dwe pyere angwen wiye aryo. 6Ci ongamo doge me yeto Lubanga, kun yeto nyinge ki kama en bedo iye, kun yeto bene wa jo ducu ma gibedo i polo. 74 Dok bene kimiye twero me ero lweny ikom jo maleng ki tayogi woko. Kimiye bene twero me loyo kaka ducu, dano ducu ki lebgu, wa rok mapatpat ducu. 85 Jo ducu ma gibedo i lobo gibiworo leenu, gin jo ma nyingi yam pe kicoyo i buk me kwo pa Latin romo mayam kineko ca, cake wa i acaki piny. 9Ka ngat mo ite tye myero owiny lok man. 106 Kace onongo yam kiyubu ni kimak dano mo me bedo opii, ci kibitere woko i opii; kace ngat mo neko dano ki pala lucwan, en bene myero kineke woko ki pala lucwan. Meno aye kama jo pa Lubanga myero gunyut iye kit ma giciro kwede can ki niyegi.

11Lacen dok aneno lee mukene ka kati ki i ngom; onongo tunge tye aryo calo tung latin romo kun loko calo min kulu. 12En otiyo ki twero pa lee mukwongo ca ducu dok en lee man, omiyo lobo kacel ki jo ducu ma gibedo iye woro lee mukwongo ca, ma ret ma iwiye onongo dong ocang wokoni. 13En otiyo tic mogo madito ma bedo me aura tutwal, dok bene miyo mac a ki i polo bino piny i lobo ma dano bene gineno. 14Pi tic mogo ma onongo kiyene me tiyone inyim lee mukwongo ca, omiyo en obwolo dano ma gibedo i lobo. En owaco botgini guyub cal mo obed ma kaka lee ma onongo yam kiketo ret ikome ki pala lucwan, ma pud onongo obedo kwoni. 15Kiyene bene me miyo yweyo i cal lee ma kiyubu ca wek omii cal leenu olok lok, dok bene wek omii jo ma pe gibiworo cal leenu kinekgi woko. 16Dok bene en omiyo giketo poyo ikom dano ducu, jo ma rwomgi piny ki jo ma rwomgi malo, lulonyo ki lucan, jo ma gilone ken gi wa ki opii bene, i cinggi tung lacuc nyo itur nyimgi. 17Kitimo man wek dano mo pe owil jami, nyo kadi ki catone, ka pe tye ki lanyut meno ikome, ma meno obedo nying lee ca, nyo namba me nyinge. 18Gin man mito ryeko. Ngat ma niang, ma wiye tiyo twero kwano namba pa leenu, pien nambane obedo namba pa dano, nambane tye miya abicel ki pyere abicel wiye abicel.