Niyabo 8

Kama kimwono me abiro

1Ikare ma Latin romo oyabo kama kimwono me abiro ne ni, polo oling woko litik pi kare maromo nucu cawa kulu. 2Ci lacen aneno lumalaika abiro ma gin cung inyim Lubanga kare ki kare, kimiyo botgi tum abiro. 31 Lamalaika mukene obino ci ocung inyim keno tyer, onongo omako atabo jabu me wango odok eceta. Kimiye odok eceta mabup wek omed ki lega pa jo pa Lubanga ducu ikom keno tyer jabu matye inyim komker. 4Ci yito odok eceta ma giwango oa ki i cing lamalaika ma onongo tye inyim Lubanga, oduny kacel ki lega pa jo pa Lubanga ocito malo. 52 Lacen doki lamalaika okwanyo atabo me wango odok eceta, otoko lodi mac ki ikeno tyer pong atabo meno, ci obolo woko piny i lobo; cutcut kot ocako mor kun mwoc matek adada, ma nongo lutkot wil awila, ki oyengyeng bene yengo piny.

Tum abiro

6Cutcut lumalaika abiro ma onongo gitye ki tum abiro ni guyube dong me kutugi. 73

Ci lamalaika mukwongo okutu tume, omiyo pee ki mac ma orube ki remo ocore i lobo. Meno omiyo acel me adek me lobo owang woko, ki acel me adek me yadi bene, ki lum madyak ducu bene owang wok liweng.

8Lamalaika me aryone okutu tume, ci gin mo ma onongo nen calo got madit tutwal, ma onongo mac tye ka wangone opoto woko i dye nam. 9Cutcut dul acel me adek me nam odoko remo, acel me adek me gin makwo ducu ma gibedo i nam guto, ki acel me adek me mel ducu bene gunginye woko. 104

Lamalaika me adeke okutu tume, ci lakalatwe madit oa ki i polo opoto piny, ma lyel calo mac dog raa, opoto ikom dul acel me adek me kulu ducu, ki iwang it ducu ma pii gi gunye agunya. 115 Nying lakalatwe meno Yat roka.6 Dul acel me adek me pii odoko kec calo yat roka, pii meno oneko lwak dano mapol, pien onongo dong odoko kec. 127

Lamalaika me angwene okutu tume, ci gin mo ogoyo dul acel me adek me ceng woko, ki dul acel me adek me dwe, ki dul acel me adek me lakalatwe, ma omiyo dulgi me acel me adeke odoko col; dero mo maryeny obedo pe pi dul acel me adek me dyeceng ki dul acel me adek me dyewor bene.

13Ka dok aneno, ki bene awinyo ocur mo tye kakoko ki dwon malongo, ikare ma onongo en tye ka tuk i dye yamo kun kok ni, “Can, can, can iwi jo ma bedo i lobo, pi dwon tum mukene ma pud gudong ma lumalaika adek ma pud odong dong gicok kutune!”