Niyabo 9

1Lamalaika me abice okutu tume, ci aneno lakalatwe oa ki i polo opoto woko i ngom, kun onongo kimiye layab me dog bur matut ma tere pe gik. 21 En oyabo dog bur, ci yito oduny ki idoge calo yito ma oa ki iruk mac madit adada matye ikeno, ceng ki yamo gucido woko ki yito ma oa ki ibur. 32 Lwak bonyo oa ki i yito meno omuke obino i lobo oumu woko lipuk. Bonyo magi kimiyo botgi kit twero marom ki twero ma oton me loboni tye kwede. 43 Kicikogi ni pe gubal lum me lobo, kadi gin ma twi atwiya, nyo yat mo, ento guket can ikom jo ma gin pe ki lanyut pa Lubanga itur nyimgi. 5Pe ki ye ki gin ni gunek jo meno aneka, ento ki ye ki gin ni guun dano auna pi dwe abic. Arem ma giwinyo pi aun ma giunugi kwede onongo rom ki arem ma dano ma oton okayo bedo kwede. 64 Ikare meno dano biyenyo to, ento pe gibinongo; gibimitoni gito woko, ento to biringo woko ki botgi. 75

Lwak bonyo ma omuke obino i lobo ni onongo gin nen calo lwak aguragura ma kiyubugi woko pi lweny; onongo bene tye gin mogo iwigi manen calo lalukana jabu; wanggi obedo calo wang dano, 8yer wigi obedo calo yer wi mon, lakgi obedo calo lak labwor. 96 Korgi kiumu ki gin ma obedo calo nyonyo ma acikari gigengo ki korgi, ma nongo bwomgi ngur winye calo mor pa lwak gadigadi lweny ma lwak aguragura aye giywayo, kun gicito gilaro lweny. 10Yibgi onongo tye obedo calo lwak oton, kwirgi bene tye me kayo dano, ki twerogi me unu dano pi dwe abic onongo bene yam tye i yibgi. 11Laditgi ma onongo loyogi macalo rwot obedo lamalaika me bur matut ma tere pe gik. Nyinge i leb Ibru onongo kilwongo ni Abaddon; i leb Grik kilwongo ni Apollyon. (Te loke ni Labal piny).

12Can mukwongo dong okato. Winy ba! Can aryo mukene pud odong ma omyero obin. 137

Lamalaika me abicele okutu tume, ci awinyo dwon mo ma a ki i twok keno tyer angwen me jabu matye inyim Lubanga. 14Owaco bot lamalaika me abicel matye ki tum ni, “Gony lumalaika angwen ma kitweyogi i dog kulu madit me Euprateni woko.” 15Cutcut kigonyo lumalaika angwen ca, kun onongo dong kiyubugi pi kare meno kikome, pi cawa meno, inino meno, i dwe nu me mwaka meno, wek gunek dul acel me adek pa dano ducu. 16Wel acikari me mony ma onongo gin ngweco ki aguragura onongo romo million miya aryo; onongo awinyo ka giwaco welgi.

17Man aye kit ma lwak aguragura ki jo ma gin ngweco kwedgi gunen kwede bota iginanyuta: jo ma gingweco kwedgi onongo yam guruku nyonyo me gengo korgi ma rangigi kwar calo lodi mac, dok obedo bulu calo kidi capir, ki dok rangine obedo calo rangi lwit opok, macalo gweng calfa. Aguragura onongo wigi calo wi labwor, kun mac ki yito ki aluu me kidi calfa ma wang kati ki idoggi. 18Acel me adek pa dano ducu gemo magi adek; mac, yito ki aluu me kidi calfa ma kati ki idog aguragura onekogi woko. 19Pien twero pa lwak aguragura meno tye idoggi ki i yibgi. Yibgi obedo calo twol mapol matye ki wigi, en ki yibgi ni aye giketo kwede arem ikom dano. 208

Jo mukene ma two gemo magi pe onekogi yam pe gungut pi gin ma onongo gin ki komgi gutiyo ki cinggi, pe guweko woro jogi, ki cal jogi ma gutiyo ki jabu, ki ryal ki mola, ki kidi me wel gu, ki yadi, ma gin cal jogi ma pe gitwero neno gin mo, dok pe gitwero winyo lok mo, kadi ki wot bene pe gitwero wot. 21Jo meno yam bene pe gungut pi nek ma guneko ki dano, nyo pi timgi me jokjok, kadi pi timo tim tarwang, nyo pi kwalo kwo.