Niyabo 3

Lok ma kicwalo bot Kanica me Cardic

1“Bot lamalaika pa kanica matye i Cardic coo kit man: Man lok pa ngat matye ki cwiny pa Lubanga abiro, ki lakalatwe abiro. Angeyo ticwu ducu; wutye ki nying me bedo kwo, ento dong wuto woko. 2Wuco woko ki iwang nino, wek wujing gin ma pud odong botwu madong cok to ni wek obed matek; pien anongo ni pe wucobo ticwu kakare inyim Lubangana. 31 Dong wupo ikom gin ma wulimo ki ma wuwinyo; wugwok gin meno ento wunguti. Kace pe wuco woko, ci abibino botwu macalo lakwo, ma pe wungeyo cawa ma abibino kwede ikomwu. 4Kadi bed kumeno, pud wutye ki jo mogo manoknok i Cardic ma peya gunyweno bongigi ki cilo. Gibiwot kacel kweda ma nongo guruku bongi matar, pien gin aye gimyero. 52 Ngat ma oloyo kibiruku kitmeno ki bongi matar, dok bene pe abijwayo nyinge woko ki i buk me kwo. Abitucu nyinge inyim Wora, ki inyim lumalaikane. 6Ngat ma ite tye myero owiny lok ma Cwiny Maleng loko bot lwak ducu ma guye an.”

Lok ma kicwalo bot Kanica me Piladelpia

73

“Bot lamalaika pa kanica matye i Piladelpia coo kit man: 8Man lok pa ngat maleng ki me ada, ma en aye tye ki layab pa Daudi, en ngat ma ka oyabo ci ngat mo pe dok loro, ka oloro, ci ngat mo bene pe dok yabo. Angeyo tici ducu. Nen, dong atyeko cibo dogola ma oyabe woko inyimwu, ma ngat mo pe matwero lorone. Angeyo ni tekowu nok, ento kadi bed kumeno, dong wumako loka, dok bene pe wukwero nyinga. 94 Nen, abimiyo lwak me dul pa Catan, jo mayam gubedo ka cayowu ma giwaco ni gin Lujudaya, kun i adane gin pe Lujudaya, ento giloko lok goba, nen, abimiyo gibino giryebe piny ite tyenwu, wek guniang ada ni an amarwu. 10Pien wumako loka me diyo cwinywu iciro can, an bene abigwokwu maber ikare me aomo cwiny, matye kabino ikom wi lobo ducu, me temo jo ma bedo iwi loboni. 11Abibino oyotoyot. Mak gin ma wutye kwede ni matek liking, wek ngat mo pe omaa lalukanawu woko. 125 Ngat ma oloyo, abimiyo doko wir i Ot pa Lubangana, pe bia kato woko ki iye. Abicoyo nying Lubangana, ki nying gang pa Lubangana ikome, Jerucalem manyen ma bia ki i polo bot Lubangana bibino piny, dok bene ki nyinga kikome manyene. 13Ngat ma ite tye myero owiny lok ma Cwiny Maleng oloko bot kanica ducu.”

Lok ma kicwalo bot Kanica me Laodikia

146

“Bot lamalaika pa kanica me Laodikia coo kit man: Man lok ma oa ki bot Amen, ma en aye caden ma gene ki me ada, gin ducu ma Lubanga oketo yam ocake ki ikome. 15Angeyo ticwu ducu. Pe wungic, dok bene pe wulyet. Onongo twero bedo ber ka nene wubedo ngic nyo lyet! 16Dong kit macalo onongo wubedo mormor, pe wubedo ngic dok bene pe wubedo lyet, abinguluwu woko ki idoga. 17Pien wun dong wuwaco ni, Wan walony, dong watye ki gin ducu mamiyo wabedo ki kwo maber, pe doki wamito gin mo. Ento kun pe wungeyo ni wun aye jo ma piny dong oloyowu atika, ma wuweko kica mako dano ikomwu tutwal, wun lucan, wangwu oto woko, dok bene wutye munero. 18Pimeno amiyo ryeko botwu me wilo jabu maleng ma kiliyo woko maber ki mac ki bota, wek omii wudok lulonyo. Wuwil bene bongi matar ki bota me arukawu wek wuum ki lewic me bedo munerowu wek pe dong onen, ki moo bene me wiro wangwu, wek wunen piny. 197 Agoyo jo ma an amarogi, apwonyogi dok atirogi; pimeno wuket tek wek wungut woko. 20Nen, acung i dogola kun adwongo. Kace ngat mo owinyo dwona ci oyabo dogola, abidonyo bote ka acamo cam kacel kwede ki en bene camo kacel kweda. 21Ngat ma biloyo, abimiye twero me bedo kacel kweda iwi komkera, kit macalo an bene dong aloyo ci abedo kacel ki Wora iwi komkereni. 22Ngat ma ite tye myero owiny lok ma Cwiny Maleng loko bot lwak ducu ma guye an.”