Niyabo 6

Ginamwona abiro

1Lacen aneno Latin romo oyabo kabedo acel kama onongo kimwono ki ikin abironi, ci awinyo lee acel ki ikin lee makwo angwen ca oloko ki dwon macalo mor pa kot ni, “Bin!” 21 Ka dok aneno aguragura matar, ki ngat ma ngweco kwede onongo omako atum. Kimiye lalukana, ci en ocito woko kun loyo lweny, dok bene ni wek en obed ka loyo lweny.

3Ka dok en oyabo kama kimwono me aryone, ci awinyo lee makwo me aryone ka loko ni, “Bin!” 42 Cutcut aguragura mukene makwar adada oa ki woko obino odonyo; ngat ma onongo ngweco kwede kimiye twer me kwanyo kuc woko ki iwi lobo, wek dano gubed ka neke keken gi, dok bene kimiye pala lucwan madit me lweny. 53

Ikare ma oyabo kama kimwono me adeke, ci awinyo lee makwo me adek ka loko ni, “Bin!” Cutcut atugi neno aguragura macol; onongo ngat ma ringo kwede omako mijan i cinge. 6Lacen dok awinyo dwon ma oa ki ikin lee makwo angwen ni kun loko ni, “Ngano agwata acel wele denari acel, cayiri agwata adek wele denari acel ento moo jeituni ki kongo bwino pe ibalgi!”

7Ikare ma dok en oyabo kama kimwono me angwene, ci awinyo lee makwo me angwene ka loko ni, “Bin!” 84 Ka dok aneno aguragura ma kome kibworo, ngat ma ngweco kwede onongo nyinge To, kun kabedo pa jo ma oto onongo lubu kore. Omiyogi twero ikom dul lobo acel me angwen me neko dano ki pala lucwan, ki kec, ki two gemo, ki lee tim mager.

9Ikare ma oyabo kama kimwono me abice, aneno tipu pa jo ma ginekogi pi lok pa Lubanga ki pi bedo caden me lok meno; aneno tipugi tye ite keno tyer. 10Gukok ki dwon malongo ni, “Ai Rwot Matwero ducu, Rwot maleng ki me ada! Ibitero kare marom mene ma nongo peya ingolo kop, dok ma nongo peya iculu kwor me remowa ikom jo ma bedo i lobo?” 11Ci kimiyo jor matar bot ngat acel acel, ka kicikogi ni pud kong dong guywe pi kare mo manoknok, nio wang ma wel lutic wadigi ki utmego ma kibinekogi calo gin ocobe kakare. 125

Ikare ma en oyabo kama kimwono me abicele, aneno, ci nen, oyengyeng oyengo lobo matek tutwal, omiyo ceng ocido woko macol licuc calo bongo cola, ki dwe odoko kwar calo remo. 136 Lakalatwe me polo guo woko piny ni ruburubu calo nyig yat oduru me cwir ma poto ki ijange ka yamo ma okodo matek oyengo. 147 Ci polo bene orwenyo woko liweng calo karatac ma kidolo, kadi ki got ki cula nam kikobogi woko ducu ki ka kargi. 158 Ka dong luker me lobo, ki jo ma pirgi dito, ki ludito me mony ducu, lulonyo ki wegi twero ki jo ducu ma iwi lobo, opii ki jo ma gilone ken gi, gukane woko i boro ki ikin got ma obar ma i godi ducu, 169 kun giwaco bot godi madongo ki godi matino ni, “Wupot ikomwa ci wuumwa woko ki iwang ngat ma obedo iwi komker, ki i akemo pa Latin romo; 1710 pien nino madit me akemogi dong oo, ci anga ma bitwero cung iye?”