Niyabo 1

1Man aye gin ma Lubanga onyutu bot Yecu Kricito, wek en bene otit ki lutice ikom gin ma myero otime oyotoyot ikare me anyim. En yam ocwalo lamalaika bot latice Jon wek onge gin mabitime. 2Ci Jon oloke odoko lacaden me lok ma Lubanga owaco, dok caden ikom lok me caden mayam Yecu Kricito omiyo, kun bene tito pi gin ducu ma en oneno. 3Tye ki gum ngat ma kwano lok ma kitito i buk man inyim lwak. Jo mawinyo bene tye ki gum, ki jo malubu gin ma kicoyo iye bene tye ki gum, pien kare me agiki dong cok.

Mot bot lwak muye Kricito i kabedo abiro mapatpat

41

Lok man oa ki bot Jon ma en ocwalo bot lwak muye Kricito ma gin tye i kanica abiro mapatpat i Acia:

Kica ki kuc obed botwu. Kica man oa ki bot Lubanga matye, mayam obedo tye wa con, dok ma bibino, kun a ki bot cwiny abiro ma gitye inyim komkere, 52 ki ma a bene ki bot Yecu Kricito, lacaden ma gene, latin kayo ki ikin jo ma oto, Rwot madit maloyo luker ducu ma iwi loboni.

Deyo obed bot ngat ma marowa, ma nene ogonyowa woko ki i twec me balwa ki remone. 63 En dong olokowa wadoko lwak ma en loyo, kun wadoko ajwaki pa Lubangane ma Wone beneni. Deyo ki twero me loc obed bote nakanaka! Amen. 74

Nen, en tye kabino ki pol, dano ducu gibinene ki wanggi, kadi jo mayam gucobe; kaka ducu me wi lobo bikumu pire. Kitmeno i ada bitime! Amen. 85

“An Alpha ki Omega”, man Rwot Lubanga ma owaco, en Lubanga matye, dok mayam onongo tye con, doki ma bibino, en Won Twer Ducu.

Kricito onen bot Jon

9An Jon ominwu ma oribe kwedwu i can ki iker ki idiyo cwiny me ciro can ma wabedo kwede i Yecu. Onongo atye icula ma kilwongo ni Patimo, pien onongo atito lok ma Lubanga oloko, ki lok me caden ma Yecu omiyo. 10Inino pa Rwot Cwiny Maleng opoto ikoma, kun awinyo dwon malongo ki itung ngeya ma winye calo koko tum ma kikutu. 11Owaca ni, “Coo gin ma itye ka nenone i Bukki, ka dong icwal bot lwak jo muye Kricito ma gitye i kanica abiro mapatpat, matye i Epeco, i Cumurna, i Pergamo, Tuatira, Cardic, i Piladelpia ki i Laodikia.”

12Ci aloke me neno dwon ma onongo tye kalok kwedani. Ikare madong aloke, ci aneno lacib mac me jabu abiro. 136 I dye lacib mac abironu aneno iye ngat mo ma cal ki Wod pa dano. Dano meno oruke woko ki jor mabor, ki del me jabu ma otweyo ikore. 147 Yer wiye onongo tar calo yer romo matar, tar calo pee; ki wange bene onongo obedo calo leb mac ma lyel.8 159 Tyene aryo ducu onongo ryeny calo nyonyo bronze ma kiliyo i keno, ka lacen dong kirudu woko odoko maleng, kun dwone mor winye calo mor pa pii ma core. 16Onongo omako lakalatwe abiro i cinge tung lacuc, ki pala lucwan mabit ryoryo okati ki idoge, kun onongo nyime tye ka ryeny calo ceng maryeny matek. 1710

Ma dong anene ci, apoto woko piny katyene calo ngat ma oto. Ento en oketo cinge ma lacuc ikoma kun waca ni, “Pe ilwor, an aye ngat mukwongo ki me agikine. 18An ngat ma kwoni. Yam onongo ato woko, ento kong inen, kombedi atye ma kwo, abibedo kwo matwal. Dok bene atye ki twero ikom to ki ikabedo pa jo ma oto. 19Kombedi dong i coo gin ma itye ka nenone ni, gin matye ki gin ma bitime lacen i anyim. 20Man aye tyen lok me mung me lakalatwe abiro ma ineno i cinga tung lacuc, ki okar mac abiro me jabu. Lakalatwe abiro gin aye lumalaika pa lwak muye Kricito ma gin tye i kabedo abiro mapatpat, dong okar mac abiro ni gin aye lwak muye Kricito ma gitye i kabedo abiro mapatpat.”