Niyabo 22

11

Lamalaika dok onyuta nam me pii me kwo, ma mil amila ni makmak calo gweng ma mil, ma onongo mol kun a ki i komker pa Lubanga ki pa Latin romo, 22 onongo mol lubu dye yoo me taun madit meno. Dok bene i dog nam ryoryo onongo tye yat me kwo ma nyako nyige tyen apar wiye aryo i mwaka acel acel. Pot yat meno onongo obedo yat me cango two pa dano me rok ducu. 33 Gin ma kiceno pe dok binen kunu, ento komker pa Lubanga ki pa Latin romo aye bibedo iye, ki lutice gibiwore. 4Gibineno wange, ki nyinge bene bibedo itur nyimgi. 54 Dyewor dong pe bibedo tye matwal; pe dok gibimito mac ma caro piny, nyo ceng, pien Rwot Lubanga bibedo ceng gi, ci gin gibibedo kaloc nakanaka.

Bino pa Kricito

6Ka dok lamalaika owaca ni, Lok magi lok ma gene, dok me ada. Rwot ma en Lubanga maloyo cwiny lutit loke dong ocwalo lamalaikane me nyutu bot lutice gin ma bitime ikare macokcoki. 7Nen, dong acok bino. Tye ki gum dano ma lubu lok ma gitito i buk man.

8An aye Jon, ngat mayam owinyo lok man dok oneno gin magi ducu. Ikare ma awinyo lok man dok ma anenogi, cutcut aryebe woko piny katyen lamalaika ma onyuta gin magi ka amiye woro. 9Ento en owaca ni, “Pe omyero i tim kitmeno! An bene latic wadiwu, arom ki utmegini ma gin lutit lok pa Lubanga, ki jo ma gilubu lok ma kicoyo i buk man. Wor Lubanga.”

10Ka dok owaca ni, “Pe imwon lok magi ma gitito i buk man woko, pien kare dong cok. 115 Wek lutim maracu kong gumede ki timo gin marac jo ma cilo me bal obwoyogi gumede ki bedo ki bal, ki jo ma kitgi atir myero gumede ki timo gin matye atir, ki jo maleng bene myero pud gumede ki bedo leng.” 126

Yecu owaco ni, “Nen, dong acok bino, kun akelo mota me pwoc, me culu dano acel acel muporo tic ma en otiyo. 137 An Alpha ki Omega, mukwongo ki me agiki, acaki ki agiki.” 148

Jo ma lwoko ginarukagi wek gibed ki twero me camo nyig yat me kwo, ki me donyo i gang ma nongo giwok ki i dogcel, jonu aye tye ki gum. 15I nge gang woko tye iye jo ma timo tim calo gin gwogi, lutim tim jokjok, lutim abor, lunek dano, ki luwor cal jogi, ki jo ducu ma maro loko goba, kun gitiyo bene gin me gobagoba. 169

“An Yecu dong acwalo lamalaikana me tito lok me caden botwu pi lwak jo muye an ducu ma gitye i kabedo ducu. An a lwit yat dok bene lakwar Daudi, an latwok maryeny tutwali.” 1710 Cwiny Maleng kacel ki nyako ger gitye ka waco ni, “Bin!” Ngat ma owinyo lok man bene myero ogam ni, “Bin!” Ngat ma orwo neko myero obin, wek ngat ma mito bene omat pii me kwo labongo wel.

Ladol

1811

Dong aciko jo ducu ma guwinyo lok ma gitito i buk man, ni, kace dano mo dok omedo lok mo iye, Lubanga bene bimedo gemo ma gitito pire i buk kany ikome. 19Dok bene kace ngat mo okwanyo lok mo woko ki ikom lok ma gitito i buk kany, Lubanga bene bikwanyo twerone me camo yat me kwo ki donyo i gang maleng, ma kicoyo pirgi i buk kany.

20Ngat mamiyo caden ikom lok magi bene owaco ni, “Adada, binona dong cok.” Amen. Bin, Rwot Yecu!

21Kica pa Rwot Yecu obed ki jo pa Lubanga ducu. Amen.