Niyabo 15

Lumalaika gukelo gemo me agiki

1Aneno dok i ginanyuta mo mukene madit i polo, ma obedo bene gin me aura mada, en aye lumalaika abiro ma gitye ki gemo abiro. Magi gin aye dong gemo me agikine, pien gin aye gimiyo akemo pa Lubanga cobe kakare.

2Ka dok aneno gin mo manen calo nam me kiyo maleng ma orube ki mac; dong jo ma onongo gutayo lee ca ki cale, ki namba me nyinge, onongo gucung i dog nam me kiyo, kun gumako nanga pa Lubanga i cinggi. 31 Onongo gitye kawero wer pa Moses, ma obedo latic pa Lubanga, ki wer pa Latin romo kun giwaco ni,

“Tici ducu ma itiyo bedo me aura, dok gidito,

Ai Rwot Lubanga Won Twer Ducu!

Kiti ducu tye atir dok me ada,

in Rwot ma iloyo rok ducu! 42

Anga mono ma pe bilwori, Ai Rwot?

Anga kono ma pe bipako nyingi?

Pien in keni aye ileng.

Rok ducu gibino o wa inyimi,

gin ducu gibiwori,

pien tici ducu ma atir otyeko nen kamaleng.” 53

Lacen anen Ot pa Lubanga, ma en Kema me lok me Caden matye i polo oyabe woko. 6Ci lumalaika abiro gua ki i Ot pa Lubanga gukati woko ki gemo abiro. Onongo guruku bongo matar maleng adada, ma gutweyo korgi woko ki del jabu. 7Ci lee acel ki ikin lee makwo angwen ca omiyo atabo jabu abiro bot lumalaika abiro; kun onongo atabo magi gupong woko ki kiniga pa Lubanga ma bedo kwo nakanaka. 84 Yito ma oa ki ideyo pa Lubanga ki tekone omwono Ot pa Lubanga woko limuk, ma ngat mo onongo pe twero donyo iye, nio wang ma gemo abiro ma lumalaika abiro gukelo ca dong otum woko liweng.