व्हाइ
Psalms
Introduction from this edition
व्हाइगदेला किताब
चु किताबला बारेरी पाङ्तोःमा
परमेश्वरसे इस्राएलीगदेदा जम्मान तामरी मोलम पिन्बा धुइरी ओस्पन ई.पू. १००० री भ्रिबा हिन्ना। तर गादे व्हाइगदे चा यहूदीगदेदा लडाइरी ब्रेना लसी आश्शूरदेन बेबिलोनरी चुङ्सी भोर्बा धुइरी ई.पू. ७२२-५८६ री भ्रिबा हिन्ना।
व्हाइला चु किताब चा परमेश्वरदा जयजयकार लबा व्हाइदेन प्रार्थनागदे पोप लसी भ्रिबा किताब हिन्ना। चु किताब कविता भ्रिबा अर्गुन अर्गुन म्हिगदेसे ल्हानान धुइ न्हङ्री भ्रिबा चु ज्यबा व्हाइदेन प्रार्थनागदे पोप लसी इस्राएलला म्हिगदेसे परमेश्वरला जयजयकार लबाला लागिरी चलब लमुबा। ओच्छे लिच्छा चा चुनोन व्हाइदेन प्रार्थनागदे थेनीगदेसे परमेश्वरला बचनदेन छ्याम पोप लसी थान्जी।
चुह्रङ्बा कवितागदे ल्हानान थरीला मुला। चुरी परमेश्वरदा जयजयकार लबा व्हाइगदे मुला, जोगब तबाला लागिरीदेन थार्बा याङ्बाला लागिरी लबा प्रार्थना मुला, पाप माफ लसी पिन्गो भिसी पाङ्बा, परमेश्वरसे पिन्बा मोलमला लागिरी धन्यवाद पिन्बादेन शत्रुगदेदा सजाय पिन्बा तामगदे मुला। चुरी ह्राङला लागिरीदेन य्हुल्साला लागिरी लबा प्रार्थना मुला।
परमेश्वरला जयजयकार लबा चु व्हाइ येशू ख्रीष्टसेनोन ह्राङला चेलागदेदा लोप्बा धुइरी सुङ्बा मुला। ओच्छे छार कबुल भ्रिबा भ्रिखेनगदेसेनोन ह्राङ ह्राङसे भ्रिबा किताबरी थान्बा मुला। मण्डलीगदेला लागिरी चु ङाच्छाहेन्सेन परमेश्वरला घ्रेन बचन दोजी।
मूल तामगदे
चु १५० वटा व्हाइगदे गोर ङ्हा व्हाइला किताब पोप लसी स्होबा मुला। थे किताबगदे चुनोन िहन्ना
भो गिक
भो न्ही
भो सोम
भो ब्लि
भो ङ्हा
व्हाइगदेला किताब
Eastern Tamang Language Bible. Copyright © Wycliffe Bible Translators, Inc. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.