Eastern Tamang Language Bible
व्हाइ 6
दुखला धुइरी दया याङ्बाला लागिरी प्रार्थना
संगीत लोप्बा म्हिला लागिरी- तार कार्बा बाजा ह्राप्सी शिमिनिथ भिबा भाका अन्छार गोबा दाऊदला व्हाइ
परमप्रभु, ङादा बोमोला झोकरी आबङ्गो!
बोमोरी ङादा सजाय आपिन्गो!
परमप्रभु, ङादा दया लसी पिन्गो, तिग्दा भिसम ङा ल्हानान कमजोर तबा मुला।
परमप्रभु, ङादा खम्ना लसी पिन्गो, तिग्दा भिसम ङाला नख्रु नख्रुरी स्हुखबा मुला।
ङाला प्राण घ्रेन दुखरी मुला। खाइमाधोना? परमप्रभु! खाइमाधोना भ्रान्से?
ङापट्टि दोःगो, परमप्रभु, ङादा दुखग्याम फेसी पिन्गो।
ह्राङला खाइमै आजिन्बा मायाग्याम ङादा जोगब लसी पिन्गो।
सिसी जिन्माहेन्से ह्राङदा खालैसेन आढन
सिबागदे चिबा ग्लाग्याम खाल्से ह्राङदा जयजयकार लला?
क्रामा क्रामा ब्लप्सी ङा कमजोर तसी जिन्बा मुला,
म्हुन दाङ्सीन क्रासी क्रासी ङाला मिख्लीसे ङाला ती बम्बा मुला।
दुखसेलमा ङाला मी रामरामरिमरिम तबा मुला,
ङाला शत्रुगदेसे लमा ङाला मी कमजोर तबा मुला।
नाइबा गे लबा जम्मान म्हिगदे, ङा मुबा ग्लाग्याम य्हार्गो!
तिग्दा भिसम परमप्रभुसे ङा क्राबा थेःसी जिन्बा मुला।
ह्रो याङ्बाला लागिरी ङाइ लबा बिन्ती परमप्रभुसे सान्बा मुला,
परमप्रभुसे ङाला प्रार्थनाला जोहाब पिन्बा मुला।
ङाला जम्मान शत्रुगदे पेःला, ओच्छे थेनीगदे ल्हानान लोङ्ला
थेनीगदे पेःसी तुरून्तन य्हार्ला।
Eastern Tamang Language Bible. Copyright © Wycliffe Bible Translators, Inc. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.