Eastern Tamang Language Bible
व्हाइ 125
परमप्रभुला म्हि जोगब तबा
यरूशलेमरी निबा धुइरी गोबा व्हाइ
जुन जुन म्हिसे परमप्रभुथोरी भर लमुला,
थेनीगदे चा खाइमै य्हाङय्होङ आतबादेन आल्हेबा सियोन गङ् ह्रङ्बान तमुला।
यरूशलेम सहरदा गङ्गदेसे क्युर्बा ह्रङ्नोन,
परमप्रभुसे ह्राङला म्हिगदेदा
दन्देदेन सदन क्युर्सी थान्मुला।
नाइबा गे लबा म्हिगदेसे तिगै दोष आरेबा म्हिगदेला
य्हुल्सारी सदन शासन लआम्याङ्,
आहिन्सम तिगै दोष आरेबा म्हिगदेसेनोन नाइबा गे लला।
परमप्रभु, ज्यबा गे लबागदेदेन
ह्राङसे कुल्बा अन्छार सेमहेन्सेन भ्रबा म्हिगदेदा
ह्राङसे ज्यबान लउ,
तर आज्यबा ग्यामरी भ्रबागदेदा सजाय पिन्मा
नाइबा गे लबा म्हिगदेदाएनोन सजाय पिन्गो।
इस्राएलरी शान्ति तगै।
Eastern Tamang Language Bible. Copyright © Wycliffe Bible Translators, Inc. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.