Eastern Tamang Language Bible
व्हाइ 124
ह्राङला म्हिदा जोगब लबा परमप्रभु
यरूशलेमरी निबा धुइरी गोबा दाऊदला व्हाइ
परमप्रभु य्हाङपट्टि आरेबा हिन्सम तिग तसेला मुबा?
इस्राएल, जोहाब पिन्गो।
य्हाङला शत्रुगदे य्हाङदा नाश लबारी खबा धुइरी,
परमप्रभु य्हाङपट्टि आरेबा हिन्सम,
बोमोला झोकरी थेनीगदेसे
य्हाङदा छोन्बोन ग्लोङ्सेला मुबा।
क्युइसे य्हाङदा डुबब लसेला मुबा,
ओच्छे य्हाङदा भालसे भोर्सेला मुबा।
घ्रेन नामला भालसे लमा
य्हाङ डुबब तसेला मुबा।
परमप्रभुला जयजयकार तगै,
थेसे य्हाङदा शत्रुगदेला याग्याम नाश तआपुङ्नी।
शिकारीसे झुबा वाग्याम चरागदे स्योर्बा ह्रङ् लसी,
य्हाङएनोन स्योर्बा मुला,
थेनीगदेसे झुबा वा ढेजी ओच्छे य्हाङ स्योर खम्जी।
स्वर्गदेन जम्बुलिङ स्होबा
परमप्रभुसेन य्हाङदा ह्रो लमुला।
Eastern Tamang Language Bible. Copyright © Wycliffe Bible Translators, Inc. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.