Eastern Tamang Language Bible
व्हाइ 123
दया याङ्बाला लागिरी लबा प्रार्थना
यरूशलेमरी निबा धुइरी गोबा व्हाइ
स्वर्गला ठिरी धन्छ्याबा परमप्रभु,
ङाइ ह्राङपट्टि च्याबा मुला।
खाह्रङ् लसी घ्याबासे ह्राङला मालिकथोरी भर लमुला,
खाह्रङ् लसी घ्याबास्यासे ह्राङला मालिकस्याथोरी भर लमुला,
थेह्रङ् लसीन परमप्रभुसे य्हाङदा दया आलदेधोना
य्हाङला परमप्रभु परमेश्वरदा च्यासीन चिला।
ङन्दा दया लउ, परमप्रभु, ङन्दा दया लउ,
तिग्दा भिसम ङन्से ल्हानान हेला नाबा मुला।
ल्हानान धिनहेन्से फ्युक्पो म्हिगदेसे ङन्दा खिसी लबा मुला।
ओच्छे दुख पिन्बा घमण्डी म्हिगदेसे ङन्दा हेला लबा मुला।
Eastern Tamang Language Bible. Copyright © Wycliffe Bible Translators, Inc. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.