सैणीं गल्‍ला

सैणीं गल्‍ला

सुलैमान राज़ै खोज़ी दी सैणीं गल्‍ला

भेत

लिखणैं आल़अ: राज़अ सुलैमान

सन: 971 का 686 ईसा आजी

ऐहा कताबा दी आसा खास्सी सैणीं गल्‍ला खोज़ी दी, इना गल्‍ला करै दैआ तै पराणैं ज़मानैं धर्मीं ज़िन्दगी ज़िऊंणें शिक्षा। एता मांझ़ै आसा बोहू ज़ेही सैणीं गल्‍ला राज़ै सुलैमानै खोज़ी दी अर धख आसा आगूर अर राज़ै लमूएलै खोज़ी दी गल्‍ला।

भज़ने कताबा ज़ेही आसा एथ बी सारी गल्‍ला भौंरु अर गिहा ज़ेही गांठी दी। एथ आसा सोभी का खास गल्‍ल एही खोज़ी दी कि अक्ल भेटा बिधाता बाखा मणछा लै दान। अक्ली करै भेटा भितरी बागै हर ज़ैगा राम्बल़ी सलाह।

सैणीं गल्‍ले ऐहा कताबा दी आसा होछ़ै पोर्ही प्रोढै तैणीं सोभी लै सलाह कि बिधाते डरा हेठै रहंदी केही भली ज़िन्दगी लागा ज़िऊंणीं अर हर गल्‍ला दी किहै लागा समझ़कार हणअ। एथ आसा बभार, धन, बपार, च़ाल-च़लण, च़ाकरी, अक्ल अर होर कई गल्‍ले बारै बधिया सलाह खोज़ी दी।

कताबे बांड

भेत अर सैणीं गल्‍ला केही लोल़ी समझ़ी 1:1-7

आप्पू लै सलाह अर अक्ली लोल़णैंओ नफअ 1:8—7:27

अक्लीए बड़ैई 8:1-35

अक्लीओ भोज़ 9:1-18

राज़ै सुलैमाने अक्ल 10:1—24:34

राज़ै सुलैमानै खोज़ी दी होर सैणीं गल्‍ला 25:1—29:27

आगूरै खोज़ी दी सैणीं गल्‍ला 30:1-33

राज़ै लमूएलै आपणीं ईजा का शूणीं दी सैणीं गल्‍ला 31:1-31