1 इतिहास

इतिहासेरी पेइली किताब

लिखने बालो

पेइले ते दूइयोवं इतिहासेरी किताबी मां लिखने बालेरू नवं पतो नईं, यहूदी परम्परारे मुताबिक एज्रा इसेरो लिखने बालोए। इस किताबरी शुरुआत इस्राएली केरे परिवारां केरे नंव्वन सेइं शुरू भोतीए। ते ज़ेइस इस्राएले पुड़ दाऊद राज़ो राज़ केरतो थियो तैस वक्तेरो ज़िक्र कियोरोए।

ई किताब दाऊद राज़ेरी कहानी नेड़ेरी अक झलके। ज़ै पुराने नियमेरो अक महान नायक थियो। इस किताबी मां पुराने इस्राएलेरो राजनीतिक ते धार्मिक इतिहासे।

लिखनेरी तारीक ते जगाह

लगभग 450-400 ई. पू. मां ई किताब लिखी जेई।

इन साफे कि इस किताबरो लिखनेरो वक्त बाबेलेरी गुलैमी मरां वापस एजनेरो आहे। (

शुन्ने पढ़नेबाले

यहूदी लोक ते सब पवित्रशास्त्र पढ़ने बालां केरे लेई ई किताब लिखी जेई।

मकसद

इतिहासेरी पेइली किताब गुलैमी मरां वापस एजनेबालां केरे लेई लिखोरी थी कि तैना परमेशरेरी सेवा केन्च़रे केरन। इसेरो इतिहास यहूदा प्रदेश ते बिन्यामीन ते लेवी गोट्लां केरे बारे मां आहे। इनां गोट्ल परमेशरेरे लेई वफादार थी। परमेशरे दाऊदेरे परिवार या हुकूमत हमेशारे लेई कायम रखनेरो करार कियोरो थियो। ज़ेसेरे लेई परमेशर वफादार राव। दाऊद ते सुलैमानेरे ज़िरिये परमेशरे अपनो भवन बनावव ज़ैड़ी लोक परमेशरेरी आराधना केरनेरे लेई एज्जी सकते थिये। बादे मां सुलैमानेरे ज़िरिये बनेवरो परमेशरेरो भवन बाबेलेरी सेना नष्ट कियोरो थियो।

खास मुद्दो

इस्राएलेरो इतिहास

रूपरेखा

1. वंशावली

2. शाऊल राज़ेरी मौत

3. दाऊदेरू राज़ो बन्नेरे लेई अभिषेक ते राज़