Bhadrawahi Bible
1 इतिहास 8
बिन्यामीनेरी वंशावली
बिन्यामीनेरू बड्डू मट्ठू बेला, दूइयोवं अश्बेल, ट्लेइयोवं अहृह, च़ेवरोवं नोहा, ते पंच़ोंव रापा थियूं। बेलारां मट्ठां अद्दार, गेरा, अबीहूद, अबीशू, नामान, अहोह, गेरा, शपूपान ते हूराम थियां। एहूदेरां मट्ठां इनां थियां गेबा नगरेरे रानेबालां घराना केरे प्रधान इनां थिये, ज़ैना गुलाम बनेइतां मानहत नगरे जो नेवरे थिये। ते नामान, अहिय्याह ते गेरा, एना भी गुलाम बनेइतां मानहत नगरे जो नियोरे थिये, गेरारां मट्ठां उज्जा ते अहीहूद थियां। ते शहरैमे अपने दूईये कौन्शां हूशीम ते बारा शारनेरां बाद, मोआब मुल्खे मां मट्ठां भोआं। तैसेरी कौन्श होदेशा सेइं इनां मट्ठां भोआं: योबाब, सिब्या, मेशा, मल्काम, यूस, सोक्या, ते मिर्मा। तैसेरां इनां मट्ठां अपने-अपने पूर्वजां केरे घराने मां प्रधान थिये। ते हूशीमेरां मट्ठां अबीतूब ते एल्पाल थियां। एल्पालेरां मट्ठां एबेर, मिशाम ते शामेद। शामेदे ओनो नगर ते ड्लाव्वन समेत लोद नगर भी बसाव। फिरी बरीआ ते शेमा ज़ैना अय्यालोन नगरे मां रानेबाले पूर्वजां केरे घराना केरे प्रधान थिये, ते ज़ैनेईं गत1 नगरेरे रानेबाले कढोरे थिये। ते अह्यो, शाशक, यरेमोत, जबद्याह, अराद, एदेर, मीकाएल, यिस्पा, योहा, ज़ैना बरीआरां मट्ठां थियां, जबद्याह, मशुल्लाम, हिजकी, हेबेर, यिशमरै, यिजलीआ, योबाब ज़ैना एल्पालेरां मट्ठां थियां। ते याकीम, जिक्री, जब्दी, एलीएनै, सिल्लतै, एलीएल, अदायाह, बरायाह ते शिम्रात ज़ैना शिमीएरां मट्ठां थियां। यिशपान, एबेर, एलीएल, अब्दोन, जिक्री, हानान, हनन्याह, एलाम, अन्तोतिय्याह, यिपदयाह ते पनूएल ज़ैना शाशकेरां मट्ठां थियां। ते शमशरै, शहर्याह, अतल्याह, योरेश्याह, एलिय्याह ते जिक्री ज़ैना यरोहामेरां मट्ठां थियां। इनां एपनी-एपनी पीढ़ी मां अपने-अपने पूर्वजां केरे घरान्न मां खास ते प्रधान थिये, एना यरूशलेम नगरे मां रहते थिये। गिबोन नगरे मां यईएल रहतो थियो ते ज़ैना तैड़ी रहते थिये तै तैन केरो प्रधान थियो तैसेरी कौन्शरू नवं माका थियूं। तैसेरू बड्डू मट्ठू अब्दोन थियूं, फिरी सूर, कीश, बाल, नादाब, गदोर, अह्यो ते जेकेर इनां मट्ठां भोआं। मिक्लोतेरू मट्ठू शिमआह थियूं। ते इनां भी अपने भियालन सेइं साथी यरूशलेम नगरे मां रहते थिये। नेरेरू मट्ठू कीश थियूं, कीशेरू शाऊल, ते शाऊलेरां मट्ठां योनातान, मल्कीशूअ, अबीनादाब ते एशबाल थियां। ते योनातानेरू मट्ठू मरीब्बाल थियूं, ते मरीब्बालेरू मट्ठू मीका थियूं। ते मीकारां मट्ठां पीतोन, मेलेक, तारे ते आहाज थियां। आहाजेरू मट्ठू यहोअद्दा, यहोअद्दारां मट्ठां आलेमेत, अज्मावेत ते जिम्री थियां। ते जिम्री एरू मट्ठू मोसा। मिस्पेरू मट्ठू बिना थियूं, ते तैसेरू मट्ठू रापा थियूं, रापारू एलासा ते एलासारू मट्ठू आसेल थियूं। ते आसेले शा मट्ठां भोआं ज़ैन केरां नंव्वां इना थियां, अज्रीकाम, बोकरू, इश्माएल, शरायाह, ओबद्याह ते हानान। इना सब आसेलेरां मट्ठां थियां। आसेलेरे ढ्ला एशेकेरां मट्ठां इनां थियां, तैसेरू बड्डू मट्ठू ऊलाम, दूइयोवं यूश, ट्लेइयोवं एलीपेलेत। ऊलामेरां मट्ठां बहादर ते तीर च़लानेबाले थियां, ते तैन केरां 150 मट्ठां-पोट्लड़ां थियां। इनां सब बिन्यामीनेरे खानदाने मरां थिये।
Source notes (1)
- Footnote गत इन पलिश्ती केरू नगर नईं बल्के इन नगर यहूदा प्रादेशे मांए।
Bhadrawahi Bible. Copyright © Beyond Translation. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.